Iwuhrẹ Odibọgba Ọrọ January
Oka nọ O rọ January 5 Muhọ
Ole avọ 10
8 min: Iwhowhovia obonẹ. Salọ Iwhowhovia no Odibọgba Uvie Mai ze.
17 min: “Wo Isiuru kẹ Emamọ Isẹri-Ise.” Ẹmeọta kugbe ogbotu ọrọ uzoẹme na. Dhesẹ eware nọ e r’oja kẹ emamọ ẹmeọta vevẹ: (1) Yere uyere oruọruọ, (2) kpahe fihọ hayo nọ onọ kpahe ẹme nọ ọ rọ iroro ahwo, (3) riobọ họ Ikereakere nọ i fo, gbe (4) kpọ isiuru kpohọ obe nọ who bi fihọ ada na. Jọ owhowho-uvie nọ o te ziezi o ru odhesẹvia iweze ọsosuọ gbe ozihebro riẹ nọ a j’iroro rai na.
20 min: Ruẹrẹ Oma Kpahe Enẹna re Whọ Kpare Uzi Ọghẹnẹ Kpahe Azẹ Kpehru. Ọkpako nọ o te ziezi ọ rẹ t’ẹme kpahe epanọ u w’uzou te re a kere eme fihọ ekade ọ Advance Medical Directive/ Release na. Ọkpọvio ẹzi nọ ọ rọ Olezi 19:7 u dhesẹ nnọ Iruẹru 15:28, 29 yọ ẹme nọ o no uzi ogbagba Ọghẹnẹ ze kpahe azẹ. Egegagọ omarokpotọ a rẹ daoma kpare uzi oyena kpehru. Ekade onana u dhesẹ ọtamuo ra re who ru ere yọ o rẹ t’ẹme k’owhẹ evaọ okenọ whọ gbẹ be sae t’ẹme k’oma ra ha. (Wawo Itẹ 22:3.) Ekade okpokpọ na o kẹ ẹme ọtamuo ra nọ whọ rọ se azẹ. Nọ ewuhrẹ nana ọ tẹ fa no, Isẹri nọ e họ-ame no nọ e gwọlọ ekade ekpokpọ a te kẹ ae ọvo, yọ ahwo nọ a wo emọ nọ e te họ-ame he, a te kẹ ae Identity Card rọ kẹ ọmọ kpobi. A re kere eme fihọ ekade enana owọwọ nana ha. A rẹ romakpotọ kere eme fihọ ai evaọ obọ uwou rekọ a rẹ whobọ hae HE. Obọ owhẹhọ, isẹri, gbe ẹdẹ nọ a ro kere ekade kpobi, a re ru ei nọ Uwuhrẹ Obe Ukoko n’otha na o tẹ fa no, evaọ otọ ẹruọsa owuhrẹ ọrọ uwuhrẹ obe ukoko na. Onana o rẹ whae ze nọ ọ jẹ ruẹ nọ enọ e rọ utu riẹ kpobi nọ e gwọlọ ekade ọ ọjọriẹ uwou-imu nana a re wo uketha nọ u fo. Ahwo nọ a be whobọ họ ekade wọhọ isẹri a rẹ ghinẹ ruẹ ọnọ o wo ekade na evaọ okenọ ọ be whobọhọ obe na. Iwuhrẹ/ekpako na a ti fiobọhọ kẹ ohwo kpobi nọ ọ jariẹ evaọ oke yena ha yọ ọ gwọlọ nọ o re kere jẹ whobọhọ ekade na evaọ Ewuhrẹ Odibọgba nọ ọ kẹle riẹ, bẹsenọ iwhowho-uvie nọ e họ-ame no kpobi a re kere ekade na gbunu no. (Wariẹ kiẹ ileta ọ October 15, 1991, riwi.) Ẹkwoma enwene eme ọ ekade na rọwokugbe iyero gbe ẹrọwọ obọ rai, iwhowho-uvie nọ e te họ-ame he a rẹ sai kere obe ọjọriẹ obọ rai nọ a re ro ruiruo k’oma rai gbe emọ rai.
Ole avọ 142 gbe olẹ ekuhọ.
Oka nọ O rọ January 12 Muhọ
Ole avọ 125
10 min: Iwhowhovia obonẹ. Dhesẹ ọruẹrẹfihọ usiuwoma ota orọ urere oka na.
15 min: “Edhesẹ Ababọ-Ọriẹwẹ Evaọ Odibọgba Mai.” Enọ gbe iyo. Dhesẹ abọ uzoẹme onana nọ o r’oja evaọ ẹkwotọ obonẹ vevẹ.
20 min: “Jihova Ọ rẹ kẹ Ogaga Ulogbo nọ O Thesiwa.” Enọ gbe iyo. (Rri w90-E 7/15 19, edhe-ẹme avọ 15-16.) Ru ọruẹrẹfihọ re ahwo jọ a gbiku eware uduotahawọ nọ i dhesẹ oghẹrẹ nọ Jihova ọ rọ bọ ae ga no.
Ole avọ 81 gbe olẹ ekuhọ.
Oka nọ O rọ January 19 Muhọ
10 min: Iwhowhovia obonẹ. Iyẹrẹ epanọ igho e nya.
15 min: Ẹgwọlọ ukoko na.
20 min: Ewuhrẹ Uviuwou nọ O rẹ Wha Oghọghọ Ze. Imava-orọo a rẹ j’iroro kpahe ẹgwọlọ ẹzi uviuwou rai. Avọ ọdawẹ kẹ okpomahọ akpọ nọ o bi kpomahọ emọ rai thọthọ, a wo iroro ẹgwọlọ nọ a rẹ rọ bọ abọ ẹzi emọ rai gaga rekọ a te vuhumu nọ a be hai vo ewuhrẹ uviuwou rai yọ ẹsibuobu o be hai w’iruo ho. A tẹ kiẹ kugbe ẹjiroro kpahe epanọ a re ro ru emamọ ewuhrẹ uviuwou nọ a kẹ fihọ Uwou-Eroro ọrọ August 1, 1997, ẹwẹ-obe avọ 26-29. Aimava a ru ọtamuo re a nya lele ai evaọ ẹruọsa ọ omakpokpọ ẹzi emọ rai.
Ole avọ 146 gbe olẹ ekuhọ.
Oka nọ O rọ January 26 Muhọ
Ole avọ 187
12 min: Iwhowhovia obonẹ. Kiẹ ebe nọ a ti fihọ ada evaọ February riwi.
15 min: “Dhesẹ Adhẹẹ kẹ Oria Egagọ Jihova.” Enọ gbe iyo. Ọkpako o re ru ei, o re dhesẹ efihiruo riẹ kpahe ukoko na avọ oma ẹwo.
18 min: Ẹnẹ Iyẹrẹ ọ Ẹkẹ-Abọ Mai Evaọ Iruo Isẹri-Ise Akpọ Soso Na. (Ro no obe ọ Our Ministry ze, ẹwẹ-obe avọ 100-102, 106-110) Ẹme gbe iroro ejẹ nọ okere-obe na o re ru. Nọ o te dhesẹ oriruo Ikereakere rọ kẹ iyẹrẹ iruẹru mai nọ ma rẹ nẹ kẹse kẹse no, o ve zizie idibo iruiruo ivẹ re a kiẹ uzoẹme osese na “Why We Report Our Field Service” (Oware nọ Ma jẹ n’Iyẹrẹ Iruo Usiuwoma Ota Mai). Okere-obe na ọ vẹ suobọ họ iyẹrẹ nọ a rẹ nẹ gbagba evaọ ẹruoke. Ọ rẹ riobọhọ oware nọ efihọ ute omobọ ohwo o jẹ kẹ erere, ọ vẹ rehọ eme uduotahawọ kpahe eghale nọ i re te ahwo nọ a w’abọ vọvọ evaọ iruo isẹri-ise na ro kuhọ.
Ole avọ 189 gbe olẹ ekuhọ.