Iwuhrẹ Odibọgba Ọrọ March
Oka nọ O rọ March 2 Muhọ
8 min: Iwhowhovia obonẹ. Salọ Iwhowhovia no Odibọgba Uvie Mai ze.
15 min: “Wha Ru Onana Roro Omẹ.” Ẹme nọ ọkpako o re ru. T’ẹme kpẹkpẹe kpahe obe ọ Our Ministry, ẹwẹ-obe avọ 80-81, fiẹgba họ epanọ ekpohọ ehaa Ekareghẹhọ na u wuzou te.
22 min: “Bọ Ẹruore Uzuazọ Ebẹdẹ Bẹdẹ na Fihọ Amọfa.” Ta uzoẹme na kugbe ogbotu. Fodẹ kpẹkpẹe epanọ a rẹ sae rọ rehọ enọ ruabọhọ ẹmeọta. Kẹ iriruo enọ nọ i re su-kpohọ ẹme gbe erọ iroro jọ nọ a sai ro ruiruo evaọ usiuwoma ota. (Rri School Guidebook, ẹwẹ-obe avọ 51-52, edhe-ẹme avọ 10-12.) Rehọ owhowho-uvie jọ nọ o te ziezi ro ru odhesẹvia ọvo evaọ usu iweze ọsosuọ nọ a j’iroro rai na avọ ozihebro na, bi dhesẹ ewuhrẹ Ebaibol nọ a bi muhọ.
Ole avọ 88 gbe olẹ ekuhọ.
Oka nọ O rọ March 9 Muhọ
Ole avọ 60
8 min: Iwhowhovia obonẹ. Zizie ahwo isiuru kpobi re a ziọ ovuẹ ogbotu obọdẹ evaọ March 29. Uzoẹme ẹme na họ “Oware nọ Whọ Jẹ Sai Fievahọ Ebaibol Na.”
15 min: Oruvẹ ọ Ibroshọ Ọkpokpọ, A Book for All People. Ẹmeọta kugbe ogbotu ọrọ oware nọ Ebaibol na o jẹ gwọlọ eroro kpahe mai. A ru ibroshọ nana re u fiobọhọ k’ahwo nọ o sae jọ nọ a riẹ obe ziezi rekọ umutho jọ ọvo a riẹ kpahe Ebaibol na. Viukpenọ o daoma tae kurẹriẹ inọ Ọghẹnẹ ọ kẹ Ebaibol na ẹgba, ibroshọ na o k’uvẹ kẹ izẹme na re e t’ẹme k’oma rai. Ma re sei jẹ ghale iẹe kugbe amọfa, te ahwo nọ ma bi wuhrẹ obe kugbe.
22 min: “Kọ Ma te Wariẹ Ru Ei?” (Edhe-ẹme 1-11) Enọ gbe iyo. T’ẹme kpahe uworo ukpe n’ukpo re a ru ọkobaro ubroke, onọ a n’iyẹrẹ riẹ fihọ 1998 Yearbook na. Fodẹ unu ahwo nọ a ruiruo ọkobaro ubroke evaọ obonẹ evaọ etoke ọyena. T’ẹme kpahe irere nọ ohwo ọ rẹ nwani wo k’omobọ riẹ ro no iruo ọkobaro ze, je dhesẹ epanọ omodawọ ofa onana o rọ zọhọ fihọ ẹnyaharo ukoko na. Dhesẹ ọruẹrẹfihotọ usiuwoma ota obonẹ evaọ April gbe May re u fiobọhọ kẹ amọfa ruiruo ọkobaro. Iwhowho-uvie e sai mi obe nọ ewuhrẹ na ọ tẹ fa no.
Ole avọ 195 gbe olẹ ekuhọ.
Oka nọ O rọ March 16 Muhọ
Ole avọ 43
8 min: Iwhowhovia obonẹ. Iyẹrẹ epanọ igho e nya.
15 min: Ẹgwọlọ ukoko na.
22 min: “Kọ Ma te Wariẹ Ru Ei?” (Edhe-ẹme avọ 12-19) Enọ gbe iyo. Kiẹ ute nọ a rẹ nya te nọ a dhesẹ fihọ obe ọ Our Ministry na, ẹwẹ-obe avọ 113-114. Dhesẹ epanọ iruo ọkobaro ubroke o rẹ rọ ruẹrẹ ohwo fihọ kẹ iruo ọkobaro oke-kpobi. Zizie ahwo nọ a ru ọkobaro ubroke evaọ ukpe n’ukpo re a dhesẹ epanọ a m’oma rai re a nyate ute euwa 60 na. Oma oriruo vẹ evaọ ẹwẹ-obe urere uko-obeva na o mai kiehọ ae oma? Epanọ oke o kuvẹ te, gbiku eware nọ e via evaọ 1987 Yearbook, ẹwẹ-obe avọ 48-49, 245-246. Tudu họ iwhowho-uvie awọ re a mi obe nọ ewuhrẹ na ọ tẹ fa no.
Ole avọ 224 gbe olẹ ekuhọ.
Oka nọ O rọ March 23 Muhọ
Ole avọ 94
10 min: Iwhowhovia obonẹ. Tudu họ ahwo kpobi awọ re a muọ ahwo họ ezizie kpohọ Ekareghẹhọ na, evaọ April 11. Rehọ obe uzizie jọ rọ ghrẹ ahwo na, jẹ kpakpa ahwo na kpobi re a rehọ ejọ re a mu ai họ ẹghale evaọ oka onana. Whowho edẹ ahwo kpobi nọ i bi ti ru ọkobaro ubroke evaọ April. Dhesẹ vevẹ inọ u ti lehie hrọ họ re a fi obe họ. Fodẹ oma ọ omakugbe kẹ usiuwoma ota na kpobi rọkẹ April.
20 min: Ruẹrẹ Ahwo Ọkpokpọ họ Kẹ Usiuwoma Ota. Ẹme gbe iroro ejẹ ogbotu. Ahwo nọ a be rọ obe Eriariẹ na ro ru uwuhrẹ a re w’iroro ọ ẹruẹrẹhọ emọ-ewuhrẹ rai re a wo obọ evaọ usiuwoma ota. Riobọhọ ẹme nọ a ta evaọ obe Eriariẹ na, ẹwẹ-obe avọ 105-106, edhe-ẹme avọ 14, gbe ẹwẹ-obe avọ 179, edhe-ẹme avọ 20. Kiẹ edhere nọ ahwo ọkpokpọ a re ro zihe ruọ iwhowho-uvie nọ e te họ-ame he riwi evaọ Uwou-Eroro Na ọrọ November 15, 1988 (ọrọ Oyibo), ẹwẹ-obe avọ 16-17, edhe-ẹme avọ 7-10. Ta kpahe ẹjiroro nọ a re ro fiobọhọ kẹ iwhowho-uvie nọ e te họ-ame he re a muọ usiuwoma ota họ, evaọ uko-obeva Odibọgba Uvie Mai ọrọ June 1996, edhe-ẹme avọ 19.
15 min: Ẹkpẹti Onọ. Enọ gbe iyo. Ọkpako ọ rẹ kiẹ eme nọ e rọ obe ọ Our Ministry na riwi, ẹwẹ-obe avọ 131, edhe-ẹme 1 gbe 2.
Ole avọ 47 gbe olẹ ekuhọ.
Oka nọ O rọ March 30 Muhọ
Ole avọ 29
12 min: Iwhowhovia obonẹ. Kareghẹhọ ahwo kpobi re a n’iyẹrẹ usiuwoma ota ọ March rai. Rehọ uvitha ọ emagazini ekpokpọ rọ ghrẹ ahwo na, j’iroro izoẹme nọ whọ sai ro fi ai họ ada, jẹ fodẹ ugogo eme jọ nọ a rẹ rọ ta usiuwoma. Kiẹ “Ọjọriẹ Ehaa Ekareghẹhọ” riwi, je dhesẹ ọruẹrẹfihotọ Ekareghẹhọ ukoko rai. U fo re ahwo kpobi a m’oma urere rai re a fiobọhọ kẹ emọ-uwuhrẹ Ebaibol gbe ahwo nọ i wo isiuru re a jariẹ. Kareghẹhọ ahwo kpobi re a ruẹ nọ a nya lele oma isase Ebaibol Ekareghẹhọ kẹ April 6-11 na, wọhọ epanọ a m’oma riẹ fihọ Ẹkiẹriwo Ikereakere na Kẹdẹ Kẹdẹ.
13 min: “Emọ—Whai Họ Oghọghọ Mai!” Enọ gbe iyo. Gbiku eware nọ e via evaọ Uwou-Eroro ọ August 1, 1987 (ọrọ Oyibo), ẹwẹ-obe avọ 25.
20 min: Idhere nọ A rẹ rọ Họre Ehoo Abọ-Ẹzi. Ekpako ivẹ a rẹ t’ẹme kpahe ẹkpẹti nọ ọ rọ Uwou-Eroro Na ọrọ January 15, 1986 (ọrọ Oyibo), ẹwẹ-obe avọ 19. Rọ kpahe “Oka Ehoo” na kpobi, rehọ Ikereakere dhesẹ epanọ ohwo ọ sai ro wo erere no “Obufihọ kẹ Akothiho” nọ u lele i rie na ze. Kẹsena a vẹ kiẹ iwhowho-uvie ivẹ riwi nọ e rẹ ta kpahe epanọ efihiruo ọ eme itieye i ro fiobọhọ kẹ ae yọrọ ẹgba abọ-ẹzi rai no.
Ole avọ 140 gbe olẹ ekuhọ.