Iwuhrẹ Odibọgba Ọrọ September
Oka nọ O rọ September 7 Muhọ
Ole avọ 28
10 min: Iwhowhovia obonẹ. Salọ Iwhowhovia no Odibọgba Uvie Mai ze. Kiẹ etehe ọ “Ẹjiroro Jọ” na riwi.
15 min: “Ma rẹ Sai Ru Iruo nọ I Vi Enana.” Enọ gbe iyo. Tudu họ ahwo kpobi awọ re a fi emamọ ute họ kẹ ukpe iruo okpokpọ na je ruiruo gaga re a le itee na mu.—Rri Our Ministry, ẹwẹ-obe avọ 116-118.
20 min: “Ekobaro A re Fiobọhọ k’Amọfa.” Ọkpako o re dhesẹ nnọ fiba ewuhrẹ nọ a rẹ kẹ evaọ Isukulu Odibọgba Ọghẹnẹ na, a ru ọruẹrẹfihotọ rọkẹ ekobaro no re a fiobọhọ kẹ amọfa evaọ odibọgba na. Ọ rẹ nọ enọ no uzoẹme na ze je zizie ogbotu na, maero ekobaro gbe iwhowho-uvie nọ ọruẹrẹfihotọ na o kpomahọ. T’ẹme kpahe epanọ a sai ro wo emamọ iyẹrẹ noi ze. Ekobaro e rẹ sai gbiku epanọ a reawere je wo erere no obufihọ k’amọfa ze no. Iwhowho-uvie nọ a fiobọhọ kẹ no a rẹ sai dhesẹ epanọ a wo ovuhumuo kẹ ọruẹrẹfihotọ oyoyou nana te jẹ fodẹ igogo-eme nọ i fiobọhọ kẹ ae wo obokparọ gbe oghọghọ ulogbo evaọ odibọgba na.
Ole avọ 172 gbe olẹ ekuhọ.
Oka nọ O rọ September 14 Muhọ
Ole avọ 160
10 min: Iwhowhovia obonẹ. Usi Iruo Uvie.
15 min: “Ẹgwọlọ Kẹ Uviuwou Ohwo.” Ẹme nọ o no Uwou-Eroro Na ze, ọrọ October 1, 1996 (ọrọ Oyibo), ẹwẹ-obe avọ 29-31. Ọkpako o re ru ei hayo odibo oruiruo nọ o te ziezi nọ o wo emamọ oriruo wọhọ ọnowuzou uviuwou. Fiẹgba họ ẹgwọlọ nọ ahwo kpobi a re ro se owha emọ nọ a re yẹ gboja evaọ oke urere onana.
20 min: “Okokohọ ‘Edhere Uzuazọ Ọghẹnẹ’ ọrọ 1998.” (Edhe-ẹme 1-16) Enọ gbe iyo. Se edhe-ẹme avọ 10 gbe 11. Fiẹgba họ epanọ o jọ Ikereakere na w’uzou te re ma sẹro osẹ gbe uruemu okpakpatiẹ Oleleikristi mai gbe emamọ ẹruọsa emọ mai.
Ole avọ 48 gbe olẹ ekuhọ.
Oka nọ O rọ September 21 Muhọ
Ole avọ 122
10 min: Iwhowhovia obonẹ. Iyẹrẹ epanọ igho e nya.
20 min: “Okokohọ ‘Edhere Uzuazọ Ọghẹnẹ’ ọrọ 1998.” (Edhe-ẹme avọ 17-22) Enọ gbe iyo. Se edhe-ẹme avọ 17 gbe ikereakere nọ a fodẹ na. Fiẹgba họ ẹgwọlọ kẹ ẹkpatiẹ gbe erorokẹ amọfa, maero kpahe ẹme oria ẹkeria. Kuhọ ẹkwoma ẹkiẹriwo ọkpẹkpẹ ọrọ “Ekareghẹhọ Okokohọ.”
15 min: “Daoma Riẹ Inievo Ra.” Enọ gbe iyo. Ku eme ọ Uwou-Eroro Na ọrọ October 1, 1988 (ọrọ Oyibo), kugbei, ẹwẹ-obe avọ 10-11. Tudu họ ahwo kpobi awọ re a rehọ uvẹ na riẹ ohwohwo ziezi.
Ole avọ 34 gbe olẹ ekuhọ.
Oka nọ O rọ September 28 Muhọ
Ole avọ 17
12 min: Iwhowhovia obonẹ. Kareghẹhọ iwhowho-uvie na re a n’iyẹrẹ usiuwoma ota ọ September. Tudu họ ahwo kpobi awọ re a m’omaa re a ta usiuwoma n’uwou ruọ uwou ziezi evaọ October re ẹvi ọ jọ ẹghale emagazini. Riobọ kpohọ Odibọgba Uvie Mai ọrọ October 1996, ẹwẹ-obe avọ 8, rọkẹ iroro ejẹ kpahe epanọ a sae rọ ruẹrẹ ẹmeọta. Rehọ emagazini ekpokpọ ru odhesẹvia efihọ ada. Dẹ emagazini rọkẹ iruẹru urere oka.
20 min: “Esẹro nọ E be k’Obaro—Ọsẹro Iruo Usiuwoma Ota Na.” Ẹme nọ ọsẹro iruo usiuwoma ota na o re ru. Nọ ọ tẹ kiẹ ọkwa-iruo riẹ riwi no, o ve dhesẹ ugogo idhere nọ ukoko na o sai ro ruiruo kugbe re odibọgba na ọ sae kẹre je wo ẹgba viere.
13 min: Eme o re Dhesẹ Emamọ Owhowho-Uvie Ukoko? Ẹmeọta, avọ ogbotu nọ ọ rẹ dina kpahe fihọ iẹ. U do fo nọ a re wo ẹgba hayo okẹ ulogbo tao ho; ukpoye, onọ a mae gwọlọ họ mai kpobi ma re wo uruemu nọ u re dhesẹ uyoyou, omarokpotọ, ajọwha, gbe ovuhumuo. Zizie ogbotu na re a dhesẹ oware nọ o soriẹ nọ eware enana i je fo: (1) ẹzi evawere, (2) ekpohọ gbe abọ owo eva iwuhrẹ kẹse kẹse, (3) unevaze re a jẹ iruo rehọ je ru ai gba, (4) ẹmeoyo kẹ ekpako gbe eruẹrẹfihotọ nọ a ru kẹ ukoko na, (5) isiuru nọ i n’evaze evaọ obufihọ kẹ amọfa, gbe (6) usiuwoma ota kẹse kẹse gbe iyẹrẹ enẹ ẹruoke k’amara k’amara.
Ole avọ 25 gbe olẹ ekuhọ.