Iwuhrẹ Odibọgba Ọrọ November
Oka nọ O rọ November 1 Muhọ
Ole avọ 156
10 min: Iwhowhovia obonẹ. Salọ Iwhowhovia no Odibọgba Uvie Mai ze.
15 min: “Usiuwoma Ota U Ru Omai Wo Ohẹriẹ.” Ru ẹme emuhọ ra kpẹre vi uminiti ovo, re who ru enọ gbe iyo lele iei. Ẹkwoma obe Eriariẹ na, ẹwẹ-obe avọ 173, edhe-ẹme avọ 8, ta kpẹkpẹe kpahe eme nọ ma rẹ sae ta rọ tuduhọ ọmọ-uwuhrẹ Ebaibol awọ re o te kẹ abọ owo evaọ odibọgba na.
20 min: “Ono Ọ Sae Jẹ Uwuhrẹ Ebaibol Rehọ?” Ẹmeọta gbe idhesẹvia. Rọwokugbe edhe-ẹme avọ 4, jiroro kpahe idhere nọ a rẹ rọ kpare isiuru ahwo re a wuhrẹ eme nọ e rrọ eva ebe mai na. Ru idhesẹvia ekpẹkpẹe ivẹ ro dhesẹ epanọ a sai ro ru oyena. Zizie ogbotu na re a ta kpahe epanọ a ro wo obokparọ no evaọ emuhọ iwuhrẹ.
Ole avọ 198 gbe olẹ ekuhọ.
Oka nọ O rọ November 8 Muhọ
Ole avọ 204
10 min: Iwhowhovia obonẹ. Dhesẹ omaa ọ usiuwoma ota ọ urere-oka onana. Kareghẹhọ inievo na re a ruẹrẹ oma kpahe kẹ ẹmeọta-kugbe oka n’otha ọrọ idhe-ẹme 18 ọsosuọ ọrọ uko-obeva November na. Kiẹ “Rri Ẹgba Ebaibol Na!” riwi.
15 min: Ẹkpẹti Onọ. Ẹmeọta. Dhesẹ ọruẹrẹfihotọ obonẹ nọ a re ro ru Ọgwa Uvie na fo kpatiẹ.
20 min: “Eme Whọ te Ta kẹ Ohwo Muslim? Enọ gbe iyo. Fielo họ ẹgwọlọ orimuo evaọ okenọ a te bi lele ahwo ọ iruemu uyero-akpọ ofa t’ẹme. Ru odhesẹvia jọ nọ a ruẹrẹhọ ziezi. Rọkẹ evuẹ efa kpahe Islam, rri uko-obeva ọ Odibọgba Uvie Mai ọrọ February 1998; omobe ọ Epanọ A re ro Muhọ Jẹ Ruabọhọ Ebaibol E rọ Jiroro, ẹwẹ-obe avọ 15-16; gbe Mankind’s Search for God, uzoẹme avọ 12.
Ole avọ 208 gbe olẹ ekuhọ.
Oka nọ O rọ November 15 Muhọ
Ole avọ 211
8 min: Iwhowhovia obonẹ. Iyẹrẹ epanọ igho e nya. Kareghẹhọ iwhowho-uvie re a n’iyẹrẹ udevie-amara ọ November rai.
25 min: “Eroruiruo Itanẹte—Muẹrohotọ kẹ Enwoma Na!” Ẹme enọ gbe iyo ọrọ edhe-ẹme 1-18. Se edhe-ẹme avọ 4-7, 12, 16, 17. Tuduhọ ahwo kpobi awọ re a ruẹrẹ oma kpahe kẹ ẹmeọta-kugbe oka n’otha ọrọ edhe-ẹme avọ 19-36.
12 min: Esẹ gbe Ini—Wha Bi Ru Uwuhrẹ Uviuwou ọ Ikẹse Kẹse? Ẹme gbe iroro-ejẹ kugbe ogbotu. Dhesẹ oware nọ o soriẹ nọ o jẹ gwọlọ re iviuwou i ru uwuhrẹ kugbe. (Rri School Guidebook, ẹwẹ-obe avọ 37-38.) T’ẹme kpahe eware awhaha kẹ ewuhrẹ uviuwou enana: (1) iroro inọ emọ na e maha vi epanọ a re ro wo erere, (2) iroro inọ ekpohọ iwuhrẹ ukoko ọvo u te, (3) oma nọ o rrọ ohwo fiki ọ omaa iruo ibuobu, gbe (4) etẹlivisiọne i riwo nọ e rẹ rehọ iroro ohwo. (Rri Uwou-Eroro Na ọrọ May 15, 1994 (ọrọ Oyibo), ẹwẹ-obe avọ 11-12.) Zizie enọ i w’uzou uviuwou re a ta kpahe epanọ a ro fi ezadhe kparobọ re a ruẹse yọrọ emamọ omaa ọ uwuhrẹ uviuwou. Fiẹgba họ oware nọ onana o jẹ gwọlọ omodawọ, unevaze, gbe ọrọwokugbe.
Ole avọ 217 gbe olẹ ekuhọ.
Oka nọ O rọ November 22 Muhọ
Ole avọ 158
10 min: Iwhowhovia obonẹ gbe eware nọ a rọ ẹro ruẹ evaọ usiuwoma ota.
10 min: Didi Uruemu Who Wo Kpahe Iruo? Ẹme nọ ọkpako ukoko ọ rẹ ta. Uhie uthethei orọ iruo nọ e r’oja nọ e rẹ lẹliẹ ukoko na nyaharo e riẹ: eme nọ a kẹ ohwo nọ a rẹ ruẹrẹ oma kpahe kẹ; amọfa nọ a rẹ nyai se re a gbe kpohọ ewuhrẹ hayo usiuwoma; obufihọ kẹ enọ e kpako no; gbe erufuọ, ẹruẹrẹ, avọ ẹruorote Ọgwa Uvie na, kugbe ẹruorote otafe riẹ. Kọ eme whọ be hai ru evaọ okenọ a tẹ ta k’owhẹ nọ who fiobọhọ? Otujọ ọ sae se, rehọ udugaga rọwo, hayo jọ udevie iruo na seba. Ta kpahe oware nọ o soriẹ nọ ẹjẹrehọ gbe erugba iruo nọ a kẹ ohwo o jẹ rrọ uvẹ evawere. Tuduhọ ahwo ukoko na kpobi awọ re a dhesẹ ẹzi oma ofialọze.—Ol. 110:3, oruvẹ obotọ, NW; Aiz. 6:8.
25 min: “Eroruiruo Itanẹte—Muẹrohotọ kẹ Enwoma Na!” Ẹme enọ gbe iyo ọrọ edhe-ẹme avọ 19-36. Se edhe-ẹme avọ 23-25 gbe 34-36.
Ole avọ 223 gbe olẹ ekuhọ.
Oka nọ O rọ November 29 Muhọ
Ole avọ 215
10 min: Iwhowhovia obonẹ. Kareghẹhọ iwhowho-uvie re a n’iyẹrẹ usiuwoma ota ọ November rai.
15 min: Tuduhọ Ahwo Ọkpokpọ Awọ re A Kpohọ Iwuhrẹ. Ẹmeọta-kugbe ọrọ ọkpako ukoko avọ odibo oruiruo ọvo hayo ivẹ, rono ibroshọ ọ Doing God’s Will na ze, ẹwẹ-obe avọ 14-15. Kiẹ oware nọ o soriẹ nọ o jẹ r’oja re ahwo ọkpokpọ a kpohọ iwuhrẹ. A rẹ j’obei wo abọ ologbo ọrọ ithubro, uduotahawọ, gbe uketha rai. Kiẹ iwuhrẹ isoi ẹkpoka na riwi, je dhesẹ irere ọ ọvuọvo. Ta kpahe epanọ iwuhrẹ e rẹ rọ wha uruemu ohwo Ọghẹnẹ ze, bọ abọ-ẹzi ga, ru omai sikẹle ukoko na, fiobọhọ k’omai bọ usu okpekpe kugbe amọfa, jẹ tha omai uke evaọ otoriẹ ẹjiroro odibọgba mai. Tuduhọ ogbotu na awọ re a rọ ibroshọ na ro fi ọwhọ họ ahwo ọkpokpọ oma re a ziọ iwuhrẹ.
20 min: Ẹgwọlọ Mai—New World Translation na. Ẹmeọta gbe idhesẹvia. Evaọ udevie ikoko egagọ na, ọmai yọ obọdẹ keme ma bi kporo efafa Ebaibol nọ egegagọ Jihova nọ a wholo a fa, be rehọ iẹ ruiruo, jẹ be ghale iẹe. Orọnikọ ma gwọlọ rehọ iẹ wo erere ọ eki-ọthuọ hayo vaha orọwọ ẹko-egagọ jọ họ. Ukpoye, ẹgwọlọ orro orọkẹ odẹ Ọghẹnẹ gbe obufihọ kẹ amọfa re a riẹ e ziezi o be w’omai. Ẹsibuobu efafa efa e rẹ fa Ẹme Ọghẹnẹ evaọ edhere nọ ọ rẹ jọ bẹbẹ evaọ otoriẹ, fikiere kiẹ irere oghẹrẹ-sa erọ New World Translation na riwi. (Rri obe ọ “All Scripture,” ẹwẹ-obe avọ 327-331. Muẹrohọ eme nọ e rrọ edhe-ẹme avọ 3, fodẹ iriruo ọ efafa iwoma evaọ edhe-ẹme avọ 6, je fielo họ irere nọ a fodẹ evaọ edhe-ẹme avọ 22-23.) Ru idhesẹvia ekpẹkpẹe ivẹ nọ i dhesẹ epanọ ma rẹ sae kuyo evaọ okenọ amọfa a tẹ ta nọ, “Wha wo Ebaibol obọ rai.”—Rri obe ọ Reasoning, ẹwẹ-obe avọ 279-280.
Ole avọ 205 gbe olẹ ekuhọ.