Omaa Ewuhrẹ Odibọgba
Oka nọ O rọ January 10 Muhọ
Ole avọ 107
10 min: Iwhowhovia obonẹ. Salọ Iwhowhovia no Odibọgba Uvie Mai ze.
15 min: “Edhesẹvia Odẹ Jihova Evaọ Otọakpọ na Soso.” Ẹmeọta-kugbe ọrọ enọ gbe iyo. Ku eme kpahe isẹri-ise ọnyakuo kugbe ei rono obe ọ Our Ministry na ze, ẹwẹ-obe avọ 93-94.
20 min: Oke Erukpokpọ ọrọ Ekade ọ Advance Medical Directive/Release na U Te No. (Iruẹru 15: 28, 29) Ẹme gbe iroro-ejẹ ogbotu nọ ọkpako ukoko nọ o te ziezi o re ru. Nọ ewuhrẹ ọnana ọ tẹ fa no, a te kẹ Isẹri nọ e họ-ame no ekade ọ Advance Medical Directive/Release ekpokpọ, yọ a te kẹ ahwo nọ a wo emọ nọ e te họ-ame he Identity Card ọvuọvo rọkẹ ọmọ kpobi. A re kere eme fihọ ekade enana owọwọ nana ha. A rẹ romatotọ kere eme fihọ ai evaọ obọ uwou rekọ a rẹ whobọhọ ae HE. Obọ-owhẹhọ, isẹri, gbe ẹdẹ nọ a ro kere ekade kpobi, a re ru ei nọ Uwuhrẹ Obe Ukoko n’otha na o tẹ fa no, avọ obufihọ owuhrẹ obe uwuhrẹ na, o tẹ gwọlọ ere. Re whọ tẹ te whobọhọ iẹe, ruẹ nnọ a kere eme fihọ ekade na gba kpobi no. Ahwo nọ a be whobọhọ ekade na wọhọ isẹri a rẹ ghinẹ ruẹ ọnọ o wo ekade na evaọ okenọ ọ be whobọhọ obe na. Ẹkwoma enwene eme ọ ekade na rọwokugbe iyero gbe ẹrọwọ obọ rai, iwhowho-uvie nọ e te họ-ame he a rẹ sai kere obe ọjọriẹ obọ rai nọ a re ro ruiruo k’oma rai gbe emọ rai. U re mu iwuhrẹ ọ obe uwuhrẹ ukoko kpobi ẹro inọ ahwo nọ a rọ utu rai a wo obufihọ nọ a gwọlọ re a ruẹsi kere eme fihọ ekade ọ Advance Medical Directive/Release na. Rọkẹ ọthọwẹ ọvọvọ ọrọ abọ-uzi, o gwọlọ nọ a re kere eme fihọ efọmo nana. Kareghehọ iwhowho-uvie na re a hae wha efọmo na lele oma ẹsikpobi. Iyẹrẹ i dhesẹ no inọ ahwo jọ a rẹ wha ekade rai lele oma ha evaọ okenọ a te bi kpohọ ẹsipito kẹ usiwo. Onana o wha ebẹbẹ buobu se ai avọ ẹsipito na no.
Ole avọ 155 gbe olẹ ekuhọ.
Oka nọ O rọ January 17 Muhọ
Ole avọ 12
10 min: Iwhowhovia obonẹ. Iyẹrẹ epanọ igho e nya.
15 min: Ẹgwọlọ ukoko na.
20 min: “Rehọ Emebe-Evẹvẹ Muọ Ẹmeọta Họ.” Kiẹ emebe-evẹvẹ ene nọ a bi ro ruiruo gaga evaọ ẹkwotọ na riwi. Nọ onọ jọ nọ a jọ emebe-evẹvẹ na ọvuọvo kuyo riẹ. Zizie ogbotu na re a jiroro epanọ a rẹ rọ rehọ onọ na muọ ẹmeọta họ nọ o rẹ sai su kpohọ uwuhrẹ Ebaibol. Rehọ emebe-evẹvẹ ivẹ jọ ru odhesẹvia epanọ a rẹ sai ro ru onana.
Ole avọ 57 gbe olẹ ekuhọ.
Oka nọ O rọ January 24 Muhọ
Ole avọ 110
10 min: Iwhowhovia obonẹ gbe eware nọ a rọ ẹro ruẹ evaọ usiuwoma-ota.
15 min: “Roro Kpahe Ẹme ọ Jihova Kẹdẹ Kẹdẹ!” Ẹme gbe iroro-ejẹ ogbotu. Tuduhọ ahwo kpobi awọ re a rehọ Ẹkiẹriwo Ikereakere na Kẹdẹ Kẹdẹ—2000 na ruiruo ziezi. Rehọ eme jọ nọ e rọ oria ẹme nọ ọ karo na nọ ọ rọ ẹwẹ-obe avọ 3-4 na kugbei. Zizie iwhowho-uvie re a ta kpahe epanọ a be rọ daoma ziezi re a kiẹ ikere na gbe ọkpahefihọ riẹ riwi kẹdẹ kẹdẹ.
20 min: A Riẹ Salọ. Ẹme nọ a sino Uwou-Eroro Na ze ọrọ November 1, 1997, ẹwẹ-obe avọ 15-17, edhe-ẹme avọ 3-16. Wariẹ eme ekobaro ajọwha, nọ i dhesẹ oware nọ osoriẹ nọ a ro roro nnọ a rehọ uzuazọ rai ruiruo ziezi evaọ edhere nọ ọ rẹ mae kẹ erere. Tuduhọ ahwo nọ a rọ etenẹ kpobi awọ re a roro didi kpahe ete rai kẹ iruo ọkobaro.
Ole avọ 182 gbe olẹ ekuhọ.
Oka nọ O rọ January 31 Muhọ
Ole avọ 16
12 min: Iwhowhovia obonẹ. Kareghẹhọ ahwo kpobi re a niyẹrẹ iruo January. Fodẹ obe nọ a ti fihọ ada evaọ February: Obe Evawere Uviuwou. Dhesẹ epanọ a rẹ sae rehọ enọ esa nọ e rọ etehe nọ ọ rọ ẹwẹ-obe avọ 12 obe na ro ruiruo re a sai ro si ohwo ruọ ẹmeọta.
15 min: Uyo kẹ Onọ Kpahe ‘Oka-Ukpehọ.’ Ẹme nọ ọkpako o re ru, onọ a si no Uwou-Eroro Na ze ọrọ July 15, 1999 (ọrọ Oyibo), ẹwẹ-obe avọ 29-31.
18 min: Epanọ A re Ro fiobọhọ kẹ Amọfa Vuhu Egagọ Uzẹme Na. Ẹmeọta-kugbe ọrọ odibo oriruo nọ o te ziezi avọ iwhowho-uvie ivẹ hayo esa nọ i te ziezi kpahe epanọ Isẹri Jihova e rẹ sai ro si ahwo urru rekiyọ a riẹ ohẹriẹ nọ o rọ egagọ efa avọ egagọ mai ziezi hi. Kiẹ igogo-eme ikpe nọ e rọ ẹwẹ-obe avọ 20 evaọ Awake! ọrọ May 8, 1995, na riwi. Dhesẹ epanọ ẹriẹ kpahe izẹme nana e rẹ sai ro fiobọhọ kẹ ohwo eva efuafo ruẹ ohẹriẹ nọ o rọ udevie egagọ uzẹme gbe ọrọ erue gbe ẹgwọlọ nọ a re ro wuhrẹ mi ahwo Jihova jẹ nyusu kugbe omai.
Ole avọ 60 gbe olẹ ekuhọ.
Oka nọ O rọ February 7 Muhọ
Ole avọ 113
20 min:
10 min: Iwhowhovia obonẹ.
20 min: “Whọ k’Uvẹ re Ẹgba Ra O Zihe Ruọ Ewhrehe Ra Ha.” Ẹme nọ ọkpako ukoko ọ rẹ ta, rono Uwou-Eroro Na ze, ọrọ December 1, 1999 (ọrọ Oyibo), ẹwẹ-obe avọ 26-29.
15 min: ‘Eyae Nọ I Bi Ruiruo Gaga Evaọ Ọnowo Na.’ Ru ẹme emuhọ ra kpẹre vi uminiti ovo, re who ru enọ gbe iyo lele iei. Ku eme gbe ei rono Uwou-Eroro Na ze, ọrọ October 1, 1996, ẹwẹ-obe avọ 12-13, edhe-ẹme avọ 18-19. Rehọ oma osasa jiri inievo-emetẹ na rọkẹ uketha rai nọ u n’evaze, iruo erere nọ a bi ru kẹ amọfa, gbe iruo usiuwoma ota ọwhọ rai.
Ole avọ 82 gbe olẹ ekuhọ.