Omaa Ewuhrẹ Odibọgba
MUẸROHỌ: Odibọgba Uvie Mai o te m’omaa Ewuhrẹ Odibọgba kẹ oka kpobi evaọ etoke okokohọ na. Ikoko e rẹ sai ru inwene wọhọ epanọ o gwọlọ re o k’uvẹ kẹ ekpohọ Okokohọ Ubrotọ “Enọ I Bi Ru Ẹme Ọghẹnẹ” na. Oria nọ u je fo, rehọ iminiti 15 evaọ Ewuhrẹ Odibọgba urere taure a te ti kpohọ okokohọ na rọ kiẹ igogo ithubro nọ e rọ uko obeva amara nana riwi. Tuduhọ ahwo kpobi awọ re a rehọ iminiti jọ ro rri iprogramo nọ a kporo na taure abọ ohiohiẹ gbe uvo kpobi i te ti muhọ a ve je roro kpahe oware nọ a te t’ẹme kpahe na. Onana u ti ru ei lọhọ re a tẹrovi eme ọruẹrẹfihotọ na je kere eme nọ i wuzou fih’otọ. Ekpoka ivẹ rite ene nọ okokohọ na ọ tẹ vrẹ no, a ve ru ọkiẹriwo iminiti 30 ọrọ igogo-eme ọruẹrẹfihotọ na evaọ Ewuhrẹ Odibọgba na. Eva oke oyena, omomọvo ọ rẹ ruẹrẹ oma họ re ọ kẹ ọkpahefihọ ọkpẹkpẹe okenọ inievo esa nọ i te nọ a rehọ abọ ọnana kẹ na i te zizie ae. Ọkpahefihọ itieye na i re dhesẹ epanọ oware nọ a wuhrẹ evaọ okokohọ na u re ro w’iruo evaọ uzuazọ ohwo gbe iruẹru usiuwoma ota ohwo. A rẹ sai gbiku ekpẹkpẹe kpahe oware ovo hayo ivẹ nọ a rọ ẹro ruẹ. Emamọ omaruẹrẹhọ nọ ahwo kpobi a re ru họ usiavẹ nọ a re ro ru Ewuhrẹ Odibọgba nana wo isiuru jẹ kẹ erere.
Oka nọ O rọ September 11 Muhọ
Ole avọ 125
10 min: Iwhowhovia obonẹ. Salọ Iwhowhovia no Odibọgba Uvie Mai ze.
15 min: “Kọ Who Wo Ovuhumuo kẹ Eware Abọ-Ẹzi.” Ẹme nọ ọkpako o re ru. Fiẹgbahọ ẹgwọlọ nọ a re ro kpohọ edẹ esa okokohọ ubrotọ na kpobi.
20 min: “Rehọ Eware nọ E Via Kẹle Rọ Kpare Isiuru.” Ẹmeọta ogbotu gbe idhesẹvia. Fodẹ eware jọ nọ e via kẹle na nọ e kpare isiuru ahwo evaọ obonẹ. Awa vẹ enana e wha ze kpahe obaro na no? Ẹkwoma omobe ọ Ebaibol E rọ Jiroro na, ẹwẹ-obe avọ 4, kẹ iroro-ejẹ jọ kpahe epanọ a rẹ rọ ruẹrẹ ẹme-emuhọ họ nọ u re su kpohọ ẹmeọta Ebaibol. Ru idhesẹvia ivẹ nọ i w’iruo, nọ a ruẹrẹhọ ziezi.
Ole avọ 224 gbe olẹ ekuhọ.
Oka nọ O rọ September 18 Muhọ
Ole avọ 2
13 min: Iwhowhovia obonẹ. Iyẹrẹ epanọ igho e nya.
16 min: “Gaviezọ kẹ Eme Efuafo.” Enọ gbe iyo. Fiẹgbahọ ẹjiroro nọ mai kpobi ma rẹ rọ jọ oria ẹkeria mai evaọ okenọ abọ okokohọ ọvuọvo o te bi muhọ.
16 min: “Dhesẹ Uruemu Ezi nọ O rẹ Kẹ Ọghẹnẹ Orro.” Ọkpako o re ru ẹme na kugbe utu uviuwou jọ. A rẹ kiẹ oware nọ a re ru riwi re a dhesẹ ẹkpatiẹ, emamọ uruemu, ẹfuọ, gbe ẹgọ oriruo avọ uruemu ezi evaọ eria ogbotu.
Ole avọ 203 gbe olẹ ekuhọ.
Oka nọ O rọ September 25 Muhọ
Ole avọ 93
15 min: Iwhowhovia obonẹ. Kareghẹhọ iwhowho-uvie re a n’iyẹrẹ usiuwoma ota ọ September. Kiẹ Ẹkpẹti Onọ na riwi.
13 min: “Oghale Jihova U re Ru Omai Fe.” Ru ẹme emuhọ ra kpẹre vi uminiti ovo, re who ru enọ gbe iyo lele iei.—Rri Insight, Uko avọ 2, ẹwẹ-obe avọ 804, edhe-ẹme avọ 6-7.
17 min: “Izuazọ E Rrọ Awa!” Ẹmeọta ogbotu. Fielo họ ikereakere nọ e rọ uzoẹme na.
Ole avọ 30 gbe olẹ ekuhọ.
Oka nọ O rọ October 2 Muhọ
Ole avọ 169
15 min: Iwhowhovia obonẹ. Vuẹ ukoko na kpahe ẹghale obọdẹ nọ a m’omaa riẹ fihọ kẹ Usi Uvie ọrọ avọ 36, onọ u ti muhọ evaọ Ẹdọvo-Oka, October 16, rite Edisoi-Oka, November 17 na. Tuduhọ ahwo kpobi awọ, te emaha te ahwo ọkpokpọ, re a daoma w’obọ vọvọ. Iwuhrẹ ọ obe uwuhrẹ a rẹ jọ enẹna muọ uduotahawọ họ ẹrọkẹ enọ e rọ utu rai kpobi jẹ ruẹrẹ ae họ re a w’obọ avọ ọwhọ. Fi ikuigbe eware ọbọga nọ e via no ẹghale Usi Uvie nọ u kpemu na ze kugbei.
15 min: “Kọ Mẹ Kwa?” Ẹme nọ ọkpako o re ru. Dhesẹ oware nọ o soriẹ nọ a je dhesẹ orimuo evaọ iroro-ejẹ re a kwa kpohọ oria ofa. T’ẹme kpahe epanọ a re ro fi ohrẹ nọ o rọ Itẹ 22:3 na họ iruo. Fi eme unuovẹvẹ nọ e rọ Uwou-Eroro ọ August 15, 1988 (ọrọ Oyibo), ẹwẹ-obe avọ 22 na kugbei.
15 min: Ẹvẹ Ma Ru Te Evaọ Ukpe n’Ukpo? Ẹme nọ ọsẹro iruo usiuwoma-ota o re ru. Kiẹ abọ ologbo ọ iyẹrẹ ukoko na ọrọ ukpe iruo ọ 2000 riwi. Jiri ahwo na fiki eware iwoma nọ a rugba. Fodẹ abọ nọ a jọ gwọlọ ẹnyaharo. Tẹro vi epanọ ukoko na u ru evaọ ekpohọ iwuhrẹ, evaọ emuhọ gbe eruo iwuhrẹ Ebaibol, gbe ekpohọ usiuwoma ota ẹsikpobi. Dhesẹ itee nọ a sai fihọ rọkẹ ukpe n’otha na.
Ole avọ 205 gbe olẹ ekuhọ.