Iwhowhovia

◼ Ebe nọ a ti fihọ ada evaọ September: Eriariẹ Nọ I Re Su Kpohọ Uzuazọ Ebẹdẹ Bẹdẹ. October: Emagazini ọ Uwou-Eroro gbe Awake! na. Oria nọ a jo duku isiuru evaọ ozihebro, a rẹ sae kẹ ọkparedẹ emagazini na. Muhọ evaọ abọ urere amara na, a te ghale Usi Uvie ọrọ avọ 36. November: Ẹghale Usi Uvie ọrọ avọ 36 na o te gbẹ nyaharo. Ikoko nọ e rehọ Usi Uvie ọrọ avọ 36 na rọ nya iwou nọ e rrọ ẹkwotọ rai reno, a rẹ sai fi ibroshọ Gwọlọ na hayo obe Eriariẹ na họ ada. Otẹrọnọ ahwo a wo ebe nana no, a rẹ sai fi obe ọ Ria Bẹdẹ Bẹdẹ na họ ada. December: Eriariẹ Nọ I Re Su Kpohọ Uzuazọ Ebẹdẹ Bẹdẹ.

◼ Ẹgwọlọ obufihọ ọ rẹ jariẹ ẹsikpobi evaọ okenọ okpẹtu ọ tẹ via. Otẹrọnọ whọ gwọlọ rehọ ugho fiobọhọ evaọ etoke okpẹtu, whọ sai vi azọhọ unevaze ra se Society, oria nọ a jọ ruẹrẹ azọhọ ugho họ kẹ ẹjiroro nana. Adrẹse na họ: Watch Tower, P.M.B. 1090, Benin City, Edo State. (Rri Uwou-Eroro ọ December 1, 1985 [ọrọ Oyibo], ẹwẹ-obe 20-22.) Iviena wha vi ehọ, hayo ekwakwa se Society hayo kpohọ oria okpẹtu na ha ajokpanọ Society hayo ogbẹgwae obufihọ na a ta nọ wha ru ere. Onana u ti ru omodawọ obufihọ na jọ owowa je ru ẹghale ekwakwa na jọ kpatiẹ.

◼ Ma be kareghẹhọ ekpako ukoko nnọ a nya lele ọkpọvio nọ a kẹ evaọ ẹwẹ-obe avọ 21-23 ọrọ Uwou-Eroro ọ April 15, 1991 (ọrọ Oyibo), kpahe ohwo kpobi nọ a sino ukoko hayo ọnọ o si oma kpemu nọ ọ gwọlọ zihe ze.

◼ U fo re ahwo nọ a rọ ukoko na a vi ekparedẹ Uwou-Eroro Na avọ Awake! ekpokpọ gbe erọ anwae nọ a bi ru kpokpọ kpobi ẹkwoma ukoko na.

◼ Society o re vi ebe se omomọvo ho. Jọ ọsẹro ukoko na ọ m’omaa re a hai ru owhowhovia k’amara k’amara taure ukoko na u te ti vi ayare ebe rai se Society re ahwo kpobi nọ a gwọlọ vi ebe kẹ oma rai a sai wo uvẹ vuẹ oniọvo nọ ọ be sẹro ebe na. Iviena wha wo ebe nọ e rọ ayare-obọdẹ fihọ iroro.

◼ Ebe Ekpokpọ nọ E Riẹ:

1999 Watchtower bound volume—Oyibo

1999 Awake bound volume—Oyibo

◼ Ekasẹte Ekpokpọ Nọ E Riẹ:

Ovuhumuo kẹ Ukuoriọ Abọ-Ẹzi Mai (Ekasẹte edrama)—Oyibo