Oware nọ Uzẹme na O rẹ Sai Ru kẹ Owhẹ
Ọghẹnẹ nọ ọ rẹ ta uzẹme ọvo na ọ be kẹ owhẹ ẹruore “uzuazọ ebẹdẹ bẹdẹ.”—Jọn 3:16.
EME O GWỌLỌ NỌ WHO RE RU?
Wuhrẹ oware nọ Ẹme Ọghẹnẹ nọ ọ rrọ uzẹme na ọ ta.—Jọn 17:3, 17.
Salọ nọ who re yoẹme kẹ Ọghẹnẹ.—Iziewariẹ 30:19, 20.
Ru lele ekpọvio Ọghẹnẹ evaọ uzuazọ ra.—Jemis 1:25.
Isẹri Jihova evaọ akpọ na soso a bi wo irere buobu fikinọ a wuhrẹ uzẹme nọ o rrọ Ebaibol na. Eva e te were ae re a vuẹ owhẹ eware nọ a bi wuhrẹ na.
Re who gbe wuhrẹ kpahe uzẹme na evaọ Ebaibol na, se ibroshọ na Reawere Uzuazọ Bẹdẹ Bẹdẹ! onọ Isẹri Jihova a kere. Whọ sae jẹ ruẹ e riẹ evaọ www.jw.org/iso.