Iwhowhovia
◼ Ebe nọ a ti fihọ ada evaọ January: Okugbe Evaọ Egagọ Ọghẹnẹ Uzẹme Ọvo Na, gbe Whọ Sae Ria Bẹdẹ Bẹdẹ eva Aparadase ọ Otọakpọ. Enana e gbẹ riẹ hẹ, a rẹ sai fi obe ewẹ-obe 192 ofa kpobi nọ u kri no họ ada. February: Whọ Sae Ria Bẹdẹ Bẹdẹ eva Aparadase ọ Otọakpọ, hayo obe ewẹ-obe 192 ofa kpobi nọ u kri no nọ ukoko na u wo. March: Eriariẹ Nọ I Re Su Kpohọ Uzuazọ Ebẹdẹ Bẹdẹ. A rẹ daoma gaga re a muọ ebe uwuhrẹ Ebaibol họ. April: Emagazini Uwou-Eroro gbe Awake! na. Fi ibroshọ Gwọlọ na họ ada avọ ẹjiroro ọ emuhọ iwuhrẹ Ebaibol.
◼ Iwhowho-uvie kpobi nọ e họ-ame no nọ e nyaze Ewuhrẹ Odibọgba na evaọ oka ọ January 14 na, a te kẹ ae ekade ọ Advance Medical Directive/Release gbe Identity Card na rọkẹ emọ rai.
◼ Society ọ gwọlọ ahwo kpata-kpata enọ i wo ona akiruo wọhọ Mecahanical engineers, computer programmers, electronic engineers, architects, civil and structural engineers, quantity surveyors, gbe building technologists. Ahwo nana kpobi a re wo idigri ọ yunivasiti hayo utioye na ofa. Amọfa nọ a gwọlọ kpata-kpata re họ drivers, machinists, gbe press operators. Ohwo kpobi nọ o roro nọ o te yọ ọ gwọlọ ruiruo eva Ebẹtẹle, jọ o kere se Society re ọ yare efọmo, ajokpanọ o mi efọmo otiọye na jọ kẹle no evaọ okokohọ ologbo na. Enọ i bi kere ze a rẹ jọ ahwo nọ a te rọo ho hayo enọ e rọo no ababọ emọ, yọ a re wo uvẹ nọ a rẹ rọ jẹ uzizie kpohọ Ebẹtẹle rehọ.
◼ Muhọ evaọ February, nọ u re lehie vrẹ March 3 ha, ovuẹ ogbotu okpokpọ kẹ esẹro okogho o te jọ “Eduku Ufuoma Evaọ Akpọ Imuozọ.”
◼ Ikoko i re ru ọruẹrẹfihotọ re a ru ehaa Ekareghẹhọ enukpe ọnana eva Edene-Oka, March 28, nọ ọre o te kiediwi no. Dede nọ a sae kaki mu ẹme na họ ẹta, ẹwọ ebrẹdi gbe udi na u re muhọ họ bẹsenọ ọre o re kiediwi no. Wha nọ mi ahwo nọ a kẹle owhai re wha riẹ okenọ ọre o re ro kiediwi evaọ oria rai. Dede nọ o rọ oware isiuru re ukoko kpobi u ru ọvuọvuọ ehaa Ekareghẹhọ riẹ na, orọnikọ ẹsikpobi onana o rẹ lọhọ họ. Oria nọ ikoko buobu e jẹ be jọ Ọgwa Uvie ọvo ru iwuhrẹ, ukoko ovo hayo bu viere e rẹ sae gwọlọ oria ofa kẹ owọwọ oyena. Oria nọ o jọ lọhọ, ma jiroro nọ u re lehie te iminiti 40 re omaa ofa u te ti muhọ re uvẹ o jariẹ nọ a re ro yere erara, tuduhọ ahwo ọkpokpọ awọ, re wha je wo erere no ehaa na ze vọvọ. Wha re roro kpahe ebẹbẹ imoto buobu nọ e rẹ jọ edhere gbe oria nọ a rẹ dhẹ imoto fihọ, kugbe ẹwọ ze gbe ẹwọ kpo ahwo. Ugboma ekpako na o rẹ j’iroro eruẹrẹfihotọ nọ e mai kiehọ evaọ oborai.
◼ A vi ebe uzizie ehaa Ekareghẹhọ 2002 se ikoko kpobi no. Ikoko nọ erai i t’obọ rite urere January he a re vi obe ayare kẹ ebe uzizie na, kere fihọ ẹnvẹlopu na nnọ, attention: Shipping Office.
◼ Iviena wha muẹrohọ nnọ ehaa Ekareghẹhọ erọ ukpe 2003 o te jọ Edesa-Oka, April 16, okenọ ọre o te kiediwi no. Ma kẹ ọjọriẹ ẹruoke ọnana re inievo na e sae yare hayo ru ọtamuo kẹ iwou nọ i wo uvẹ otẹrọnọ ikoko buobu e be jọ Ọgwa Uvie ọvo ru iwuhrẹ yọ u fo re a gwọlọ eria efa. Ekpako na a re ru ọtamuo kugbe enọ i wuzou iwou na a vẹ ruẹ nọ awhaha ọvuọvo o ti no eware efa nọ a rẹ jọ uwou na ru ze he re Ekareghẹhọ na e sae nya dhedhẹ kpatiẹ. Fiki epanọ ehaa na i wuzou te, nọ a tẹ be salọ ọnọ ọ te t’ẹme Ekareghẹhọ na, ugboma ekpako na a rẹ jọ usu ekpako nọ e mai te ziezi salọ omọvo jọ viukpenọ a rẹ hae rehọ iẹe kẹ ekpako na unọjọ utọjọ hayo viukpenọ omọvo jọ ọvo ọ rẹ hae t’ẹme na k’ukpe k’ukpe. Ohẹriẹ o sae jariẹ otẹrọnọ ọkpako nọ o te ziezi evaọ usu enọ a wholo na ọ riẹ nọ ọ rẹ sae kẹ ovuẹ na.