‘Ruẹrẹ Oware Jọ Kpahe’

Evaọ ukoko Ileleikristi ọsosuọ na, ẹgwọlọ iwo ọ jariẹ nọ o gwọlọ nọ a rẹ rẹriẹ ovao ku. Epanọ ohwo o wo te, a tuduhọ iẹe awọ re ọ “[ruẹrẹ] oware jọ kpahe” wọhọ okẹ unevaze re a ro ru ẹgwọlọ eyena gba. (1 Kọr. 16:1-3) Fiki ọghoruo rai, ai kpobi a ghọghọ fiki “ajiri buobu [nọ a] rọ kẹ Ọghẹnẹ.”—2 Kọr. 9:11-12.

Nẹnẹ na iruo akpọ soso erọ ahwo Jihova e be rro haro, be gwọlọ uketha ugho nọ u bi vihọ kẹse kẹse. U fo re ma jẹ “[ruẹrẹ] oware jọ kpahe” kẹse kẹse ro fiobọhọ ru ẹgwọlọ na gba. (2 Kọr. 8:3, 4) A rẹ sae kẹ okẹ ekwakwa iwu evaọ idhere sa-sa. (Rri Uwou-Eroro Na ọrọ November 1, 2001 (ọrọ Oyibo), ẹwẹ-obe avọ 28-29.) Ma rri onana gbagba wọhọ obọdẹ uvẹ nọ o rẹ wha uvi evawere ze.—Iruẹru 20:35.