Omaa Ewuhrẹ Odibọgba

Oka nọ O rọ December 9 Muhọ

Ole Avọ 193

12 min: Iwhowhovia obonẹ. Iwhowhovia nọ a salọ no Odibọgba Uvie Mai ze. Ẹkwoma iroro-ejẹ nọ e rrọ ẹwẹ-obe avọ 8 na, ru re a ru odhesẹvia epanọ a re ro fi Awake! ọ December 22 na họ ada.

15 min: “Whowho Ovuẹ Uvie Na.”a Nọ whọ tẹ be ta kpahe edhe-ẹme avọ 3, kuọ iroro-ejẹ kugbe ei kpahe epanọ a re ro se no Ebaibol na ze dẹẹ evaọ okenọ a tẹ rrọ usiuwoma.—km-IS 12/01 ẹwẹ. 1 edhe. 3.

18 min: Mọ Ibi Evaọ Iruo Iwoma Kpobi. Ẹmeọta, avọ ẹkpahefihọ ogbotu. Ọkpako ukoko o re ru ei. Kiẹ ikuigbe gbe ẹnyaharo ukoko na riwi, kugbe omodawọ nọ u su kpohọ eromuo ukoko na. Vuẹ ahwo jọ nọ a jariẹ evaọ oke oyena kpahotọ re a gb’iku eware uduotahawọ nọ a rọ ẹro ruẹ. Ta kpahe ẹruore ẹvi ọfa, jẹ t’udu họ ahwo kpobi awọ re a tha iruẹru ukoko na uke avọ ọwhọ.

Ole Avọ 119 gbe olẹ ekuhọ.

Oka nọ O rọ December 16 Muhọ

Ole Avọ 29

10 min: Iwhowhovia obonẹ. Iyẹrẹ epanọ igho e nya. Dhesẹ ọruẹrẹfihotọ usiuwoma ota obọdẹ rọkẹ December 25 gbe January 1.

15 min: Enọ I Wo Orimuo A Ti Wo Otoriẹ. (Dan. 12:3, 10) Odhesẹvia. Ohwo nọ o wo isiuru ọ rẹ nọ nnọ: “Ẹvẹ o sai ro mu omẹ ẹro nnọ wha wo otoriẹ ogbagba orọ iwuhrẹ Ebaibol na?” Owhowho-uvie na o ve dhesẹ kẹe epanọ a re ro ru ekiakiẹ Ebaibol ẹkwoma ẹrotọvi ugogo uzoẹme. (w96-IS 6/1 ẹwẹ-obe avọ 17-18) Ẹkwoma oriruo ọvo hayo ivẹ jọ ro no Uwuhrẹ avọ 5 orọ ibroshọ Gwọlọ na ze, o re dhesẹ epanọ ma ro wo otoriẹ ẹjiroro Ọghẹnẹ kẹ otọakpọ na ẹkwoma oma nọ a re ro totọ kiẹ Ikereakere na. Owhowho-uvie na o re dhesẹ epanọ a sae rọ rehọ edhere ọvona wo otoriẹ ogbagba iwuhrẹ Ebaibol efa, ọ vẹ jẹ ta kẹe kpahe uwuhrẹ Ebaibol.

20 min: “Kareghẹhọ Enọ I Wo Ẹrọwọ nọ E Kpako No.” Ku eme kugbei no Uwou-Eroro ọ August 1, 1994, (ọrọ Oyibo) ze, edhe-ẹme avọ 29. Fodẹ ọruẹrẹfihọ nọ a ru kẹ enọ oma rai o ga ha re a n’iyẹrẹ iminiti 15 nọ a rọ ta usiuwoma. Ru ọruẹrẹfihọ re umutho ahwo jọ a gb’iku eware nọ a rọ ẹro ruẹ nọ i dhesẹ epanọ usu kugbe ahwo otiọye na o rẹ rọ wha eghale se ohwohwo.

Ole Avọ 154 gbe olẹ ekuhọ.

Oka nọ O rọ December 23 Muhọ

Ole Avọ 136

10 min: Iwhowhovia obonẹ. Ẹkwoma iroro-ejẹ nọ e rrọ ẹwẹ-obe avọ 8 na, dhesẹ epanọ a re ro fi Uwou-Eroro ọ January 1 gbe Awake! ọ January 8 họ ada. T’udu họ ahwo kpobi awọ re a rri ividio ọ No Blood—Medicine Meets the Challenge na evaọ oma ruẹrẹ kpahe kẹ ẹmeọta kugbe evaọ Ewuhrẹ Odibọgba ọrọ oka ọ January 6 na.

18 min: “Dhesẹ Omarokpotọ Oleleikristi Evaọ Okenọ A te Si Omoni Ra No Ukoko.” (Edhe-ẹme 1-8) Ọkpako nọ o te ziezi ọ rẹ rehọ enọ nọ a kẹ na ro ru ẹme na. Ta kẹ oniọvo nọ ọ riẹ ese ziezi re o se edhe-ẹme kpobi do via.

17 min: “Kọ Whọ Rẹ Zọhọ Fihọ Iyẹrẹ Iruo Usiuwoma Ota Egbagba?” Nọ whọ tẹ be ta kpahe edhe-ẹme avọ 2, ku eme jọ kugbe ei no obe ọ Our Ministry, ẹwẹ-obe avọ 106-108 na ze.

Ole Avọ 165 gbe olẹ ekuhọ.

Oka nọ O rọ December 30 Muhọ

Ole Avọ 152

10 min: Iwhowhovia obonẹ. Kareghẹhọ iwhowho-uvie re a n’iyẹrẹ usiuwoma ota ọ December rai. Otẹrọnọ ukoko rai u ti nwene oke iwuhrẹ evaọ ukpe okpokpọ na, ta udu họ ahwo kpobi awọ re a kpohọ ewuhrẹ ẹsikpobi evaọ oke okpokpọ na. Fodẹ ebe nọ a ti fihọ ada evaọ January, si iroro kpohọ ebe nọ ukoko na u wo.

15 min: “Ọruẹrẹfihotọ Okokohọ Okogho Ọkpokpọ.” Ẹmeọta. Whowho ẹdẹ okokohọ okogho n’ọtha na. Ta udu họ ahwo kpobi awọ re a jariẹ jẹ kezọ kẹ ọruẹrẹfihotọ na. Ta udu họ iwhowho-uvie nọ e rẹ te họ-ame he awọ re a roro kpahe ete kẹ ame-ọhọ. Wha daoma gaga re wha zizie emọ-uwuhrẹ Ebaibol rai.

20 min: “Dhesẹ Omarokpotọ Oleleikristi Evaọ Okenọ A te Si Omoni Ra No Ukoko.” (Edhe-ẹme avọ 9-14) Ọkpako nọ o te ziezi ọ rẹ rehọ enọ nọ a kẹ na ru ẹme na. Ta kẹ oniọvo nọ ọ riẹ ese ziezi re o se edhe-ẹme kpobi do via.

Ole Avọ 125 gbe olẹ ekuhọ.

Oka nọ O rọ January 6 Muhọ

Ole Avọ 67

8 min: Iwhowhovia obonẹ.

20 min: Uketha Evaọ Ẹmeoyo kẹ Uzi Ọghẹnẹ Kpahe Azẹ. Ẹme nọ ọkpako ukoko nọ o te ziezi o re ru, rono omaa-ẹmeọta nọ uwou-ogha o rọ ze. U fo re okere-obe na o wo emebe obotọ na buobu nọ i re te ghale: Ekade ọ Advance Medical Directive/Release, Identity Card. A te rehọ ae kẹ iwhowho-uvie nọ e họ-ame no nọ ewuhrẹ owọwọ nana ọ tẹ fa no, rekọ a re kere eme fihọ ae owọwọ onana HA. Obọ-owhẹhọ, isẹri, gbe ẹdẹ nọ a ro kere ekade na kpobi a re ru ai nọ Uwuhrẹ Obe Ukoko n’otha na o tẹ fa no, avọ obufihọ ọsẹro uwuhrẹ na, nọ o tẹ gwọlọ ere. [Esẹgbini i re mi Identity Cards na rọkẹ emọ rai.] Ahwo nọ a be whobọhọ ekade na wọhọ isẹri a rẹ ghinẹ ruẹ ọnọ o wo ekade na evaọ okenọ ọ be whobọhọ obe na. Ẹkwoma enwene eme ọ ekade enana rọwokugbe iyero obọrai gbe ẹrọwọ rai, iwhowho-uvie nọ e re họ-ame he a rẹ sai kere obe ọjọriẹ obọ rai nọ a re ro ruiruo k’oma rai gbe emọ rai.

17 min: “Who Re Rri Ividio ọ No Blood—Medicine Meets the Challenge na Hrọ.” Ọkpako nọ o te ziezi o re ru ei. Nya ruọ ẹmeọta kpahe ividio ọ No Blood na kugbe ogbotu na ovavo, ẹkwoma enọ nọ a fihọ ẹkpẹti nọ ọ rrọ ẹwẹ-obe avọ 7 na. Kẹsena who ve se edhe-ẹme urere nọ ọ rrọ ẹkpẹti na.

Hayo, ta kpahe “Whọ rẹ Sai Wo Uvi Ẹrọwọ.” Ẹme nọ ọkpako ukoko ọ rẹ ta no Uwou-Eroro ọ October 1, 2001, ẹwẹ-obe avọ 4-7 na ze.

Ole Avọ 79 gbe olẹ ekuhọ.

[Footnote]