Omaa Ewuhrẹ Odibọgba

Oka nọ O rọ January 13 Muhọ

Ole avọ 69

15 min: Iwhowhovia obonẹ. Iwhowhovia nọ a salọ no Odibọgba Uvie Mai ze. Ẹkwoma iroro-ejẹ nọ e rrọ ẹwẹ-obe avọ 8 na, ru re a ru idhesẹvia ivẹ erọ epanọ a re ro fi Awake! ọ January 22 gbe Uwou-Eroro ọ February 1 (iroro-ejẹ ọsosuọ) na họ ada. Rehọ emagazini ivẹ kẹ ohwo na, dede nọ ọvo whọ t’ẹme kpahe.

15 min: Ta Kpahe “Ọruẹrẹfihotọ Ebabọ Egwa Uvie Ọ be Nya Haro.”

15 min: “Ẹria te Omaromudhe Mai.”a Nọ whọ tẹ ta kpahe edhe-ẹme avọ 3 no, kiẹ uzoge nọ o te ohwo no hayo uzoge-ọmaha nọ ọ họ-ame no riwi. Didi edawọ ọ rẹriẹ aro dhe no anwọ oke nọ ọ rọ họ-ame no na? Eme o fi obọ họ kẹ e fi edawọ eyena kparobọ? Ẹvẹ o ro wo erere no uzuazọ riẹ nọ o ro mudhe kẹ Jihova ze no?

Ole avọ 22 gbe olẹ ekuhọ.

Oka nọ O rọ January 20 Muhọ

Ole avọ 44

8 min: Iwhowhovia obonẹ. Iyẹrẹ epanọ igho e nya.

15 min: Kọ Whọ be Kiẹ Ikereakere na Riwi Kẹdẹ Kẹdẹ? Ẹme gbe iroro-ejẹ ogbotu. Ta udu họ ahwo kpobi awọ re a rehọ Ẹkiẹriwo Ikereakere na Kẹdẹ Kẹdẹ—2003 ruiruo ziezi. Rehọ eme jọ no oria ẹme nọ ọ karo ọrọ obe na ze, ẹwẹ-obe avọ 3-4. Kẹ iroro-ejẹ kpahe epanọ iviuwou e sai ro se ikere okpẹdẹ na kugbe. Rehọ iriruo ivẹ hayo esa erọ ikere okpẹdẹ gbe ekpahefihọ rai no amara n’ọtha na ze ro dhesẹ irere nọ i re no ikere okpẹdẹ na nọ a re se kẹdẹ kẹdẹ ze. Ku odhesẹvia ọkpẹkpẹe jọ kugbe ei ọrọ ọzae avọ aye nọ a bi se ikere inẹnẹ gbe ọkpahefihọ na kugbe.

22 min: “Wuhrẹ Amọfa Ẹvẹrẹ Ọgbagba Na.” Nọ whọ tẹ ta kpahe edhe-ẹme avọ 6 na no, ru re owhowho-uvie nọ o te ziezi o ru odhesẹvia epanọ a re ro mu obe-uwuhrẹ Ebaibol họ evaọ unuẹthẹ nọ a tẹ rrọ ozihebro, ẹkwoma edhere ẹmeọta jọ nọ o re ro ruiruo evaọ usu enọ e rrọ uko-obeva Odibọgba Uvie Mai ọrọ January 2002, ẹwẹ-obe avọ 4 na. Ta ẹme na ruọ edhe-ẹme jọ evaọ ibroshọ Gwọlọ na. Owhowho-uvie na o re kuhọ ẹkwoma onọ jọ nọ ọ rẹ nọ kpahe edhe-ẹme nọ ọ kẹle riẹ, ọ vẹ jẹ ta nọ a te kẹ uyo riẹ evaọ iweze efa. Ta udu họ ahwo kpobi awọ re a roro sọ ohwo jọ nọ a weze bru ọ sae rọwo uwuhrẹ Ebaibol evaọ edhere otiọna.

Ole avọ 68 gbe olẹ ekuhọ.

Oka nọ O rọ January 27 Muhọ

Ole avọ 92

15 min: Iwhowhovia obonẹ. Kareghẹhọ iwhowho-uvie re a n’iyẹrẹ usiuwoma ota. Ẹkwoma iroro-ejẹ nọ e rrọ ẹwẹ-obe avọ 8 na, ru re a ru idhesẹvia ivẹ erọ epanọ a re ro fi Awake! ọ February 8 gbe Uwou-Eroro ọ February 1 (iroro-ejẹ avivẹ) na họ ada. Evaọ ivẹ na, ru re owhowho-uvie na o kuhọ ẹkwoma omobe-ovẹvẹ na Kọ Whọ Gwọlọ Riẹ Kpahe Ebaibol na Viere? nọ ọ rẹ rọ kẹ ọnọ o wo uwou na—te ọnọ ọ rehọ emagazini gbe ọnọ ọ rehọ họ. Dhesẹ kpẹkpẹe epanọ ma sae rọ wariẹ weze bru ahwo nọ ma fi emagazini họ ada kẹ evaọ okenọ ma rehọ omobe-ovẹvẹ na kẹ ae.—Rri uko-obeva ọ Odibọgba Uvie Mai ọrọ August 2002, ẹwẹ-obe avọ 4, edhe-ẹme avọ 10.

15 min: Ẹgwọlọ ukoko na.

15 min: Rehọ obe Eriariẹ na mu Ebe Iwuhrẹ họ. Evaọ etoke February, ma te daoma gaga re ma mu iwuhrẹ Ebaibol họ. Kiẹ owhowho-uvie jọ riwi ọnọ ọ rehọ obe Eriariẹ na mu uwuhrẹ jọ họ kẹle, o re dhesẹ epanọ o ro ru ei. Kareghẹhọ ahwo kpobi kpahe “Iroro-Ejẹ nọ A re ro Fi Obe ọ Eriariẹ na Họ Ada” evaọ ẹwẹ-obe avọ 5 ọrọ uko-obeva Odibọgba Uvie Mai ọrọ January 2002, whọ vẹ rọ iroro-ejẹ ọvo hayo ivẹ jọ nọ e riẹ na ru odhesẹvia.

Ole avọ 148 gbe olẹ ekuhọ.

Oka nọ O rọ February 3 Muhọ

Ole avọ 9

15 min: Iwhowhovia obonẹ. Kiẹ Ẹkpẹti Onọ riwi. Ta udu họ iwhowho-uvie awọ re a rehọ efọmo ọ Please Follow Up (S-43) na ruiruo evaọ okenọ a tẹ nya ku ahwo nọ a rẹ ta ẹvẹrẹ ọfa. A rẹ rehọ efọmo na ru ẹjiroro nana makinọ ohwo na o dhesẹ isiuru kẹ ovuẹ Uvie na ha.

12 min: Rọ Aro Kele Ẹrọwọ Rai. Kiẹ ọkpako jọ nọ ọ rọ ẹrọwọ avọ omarokpotọ gọ Jihova te ikpe buobu no riwi. (Hib. 13:7) Ẹvẹ o ro wo uzẹme na t’obọ? Ezadhe vẹ o fi kparobọ re ọ ruẹse sai dikihẹ abọ uzẹme na? Eruẹrẹfihotọ abọ-ẹzi hayo uduotahawọ vẹ i fi obọ họ kẹ e ru ẹnyaharo? Eme o ru re o te kẹ ọkwa ọsẹro evaọ ukoko na? (1 Tim. 3:1) Eme o fi obọ họ kẹ e no rọ edhere owowa wọ ewha-iruo ukoko na avọ erọ obọ riẹ gbe uviuwou riẹ no? (1 Tim. 5:8) Ẹvẹ uvẹ oghaghae nọ o re ro fi obọ họ kẹ amọfa evaọ ukoko na o riẹ e oma?

18 min: “Iruo nọ E Gwọlọ Omarokpotọ.” Okenọ whọ tẹ be ta kpahe edhe-ẹme avọ 3 na, zizie ogbotu na re a kẹ iroro-ejẹ oghẹrẹ nọ a rẹ kpahe ẹme otẹrọnọ ohwo jọ evaọ ẹkwotọ na ọ gwọlọ se omai ẹkoko hayo kpahe eme egaga, sikẹ, hayo dheva. Okenọ whọ tẹ be ta kpahe edhe-ẹme avọ 4 na, ku eme kugbe ei no Insight, Uko 1 ze, ẹwẹ-obe avọ 1160, edhe-ẹme avọ 3.

Ole avọ 133 gbe olẹ ekuhọ.

[Footnote]