Omaa Ewuhrẹ Odibọgba

Oka nọ O rọ May 12 Muhọ

Ole 1

10 min: Iwhowhovia obonẹ. Iwhowhovia nọ a salọ no Odibọgba Uvie Mai ze. Kareghẹhọ ahwo kpobi re a n’iyẹrẹ usiuwoma ota ọ ubro amara ọ May. Ẹkwoma iroro-ejẹ nọ e rrọ ẹwẹ-obe avọ 8 na, ru odhesẹvia epanọ a re ro fi Awake! ọ May 22 na họ ada. Rehọ emagazini ivẹ kẹ ohwo na dede nọ ọvo whọ t’ẹme kpahe. Fodẹ ọruẹrẹfihotọ azọhọ-unevaze na kẹ ohwo na.

20 min: Esẹgbini—Wha Fi Obọ họ kẹ Emọ Rai Nyaharo. Ẹmeọta kpahe igogo eware nọ i w’uzou rono obe ọ Isukulu Odibọgba na ze, ẹwẹ-obe avọ 9-12 gbe 21-38. Tuduhọ esẹgbini awọ re a rehọ eme nana jọ ru uwuhrẹ uviuwou rai, avọ ẹjiroro ọ emọ rai nọ a re wuhrẹ re a nyaharo evaọ odibọgba. Dhesẹ ugogo eme jọ nọ a rẹ sai ro fi obọ họ kẹ izoge re a wo ona nọ u fo.

15 min: “A Mu Emamọ Usi na Họ Omai Obọ.”a Ru ọruẹrẹfihotọ evaọ ẹruoke re owhowho-uvie ọvo hayo ivẹ a ta kpẹkpẹe kpahe epanọ a sai ro ru enwene evaọ iyero rai re a fiba ẹkẹ-abọ rai evaọ iruo usiuwoma ota na.

Ole avọ 46 gbe olẹ ekuhọ.

Oka nọ O rọ May 19 Muhọ

Ole avọ 62

10 min: Iwhowhovia obonẹ. Iyẹrẹ epanọ igho e nya.

15 min: “Jiri Jihova Ẹkwoma Isẹri-Ise Ọnyakuo.” Ẹme gbe iroro-ejẹ ogbotu. Nọ whọ tẹ be ta kpahe edhe-eme avọ 3, nọ ogbotu na ẹme nọ a rẹ sae ta ro mu ẹmeọta Ebaibol họ evaọ iyero obotọ na jọ: (1) Okenọ who te dikihẹ uhie evaọ uwou-eki, (2) okenọ whọ tẹ rrọ omoto-ofa, (3) rọkẹ ọrivẹ ra nọ o bi ru iruo evaọ ighẹ riẹ, (4) rọkẹ ibe-oruiruo evaọ oria iruo ra, (5) rọkẹ ibe ọmọ-eklase ra evaọ obọ isukulu. Ru ọruẹrẹfihotọ kẹ oware nọ a rọ ẹro ruẹ evaọ obonẹ nọ u dhesẹ epanọ owhowho-uvie o ro se-isẹri ọnyakuo.

20 min: “Okokohọ Ubrotọ ‘Rehọ Oruaro kẹ Ọghẹnẹ’ ọrọ Isẹri Jihova ọrọ 2003.”* Okere-obe ukoko na o re ru ei, avọ ẹro nọ ọ rẹ tọvi edhe-ẹme avọ 3-13. Okenọ whọ tẹ be ta kpahe edhe-ẹme avọ 13, fi ẹgba họ iruo ọ okere-obe na wọhọ ọsẹro ọ eme nọ i kie kpahe okokohọ. Rehọ oma sasasa jiri ahwo na kpobi rọkẹ ẹjiroro rai re a ru eruẹrẹfihotọ kẹ okokohọ na ababọ oke oraha.

Ole avọ 147 gbe olẹ ekuhọ.

Oka nọ O rọ May 26 Muhọ

Ole avọ 174

10 min: Iwhowhovia obonẹ. Kareghẹhọ ahwo kpobi re a n’iyẹrẹ usiuwoma ota urere amara ọ May. Ẹkwoma iroro-ejẹ nọ e rrọ ẹwẹ-obe avọ 8 na, ru idhesẹvia ivẹ kpahe epanọ a re ro fi Uwou-Eroro ọ June 1 gbe Awake! ọ June 8 na họ ada. Evaọ idhesẹvia ivẹ na, rehọ emagazini ivẹ kẹ ohwo na dede nọ ọvo whọ t’ẹme kpahe. Evaọ ekuhọ odhesẹvia na jọ, rehọ omobe-ovẹvẹ ọ Kọ Whọ Gwọlọ Riẹ Kpahe Ebaibol na Viere? kẹ ọnọ o wo uwou na nọ ọ se emagazini na.

15 min: Ẹgwọlọ ukoko.

20 min: “Ẹme Ọghẹnẹ Họ Uzẹme.” Rehọ enọ nọ a kẹ na ro ru iruo. Zizie ogbotu na re a ta epanọ a ro fi obọ họ kẹ ae riẹ uzẹme na evaọ okenọ iwhowho-uvie e rehọ Ebaibol na kẹ iyo enọ rai. Nọ whọ tẹ be ta kpahe edhe-ẹme avọ 4, ru re owhowho-uvie nọ o te ziezi o ru odhesẹvia epanọ a rẹ rọ rehọ Ebaibol na ru iruo evaọ iweze ọsosuọ, ẹkwoma iroro-ejẹ jọ nọ e rrọ uzoẹme na “Yọrọ Ẹme Ọghẹnẹ Gbagba.”—km-IS 12/01 ẹwẹ. 1 edhe. 3-4.

Ole avọ 188 gbe olẹ ekuhọ.

Oka nọ O rọ June 2 Muhọ

Ole avọ 210

10 min: Iwhowhovia obonẹ. Ta kpahe iroro-ejẹ ọvo hayo ivẹ erọ epanọ a re ro fi ibroshọ Gwọlọ na gbe obe Eriariẹ na họ ada rono uko-obeva ọ Odibọgba Uvie Mai ọrọ January 2002 ze.

20 min: Orọo Adhẹẹ—Ute nọ Ọghẹnẹ Ọ Gwọlọ. Ẹme gbe iroro-ejẹ ogbotu. Evaọ ekwotọ buobu, a rẹ ruẹ imava nọ e be rria kugbe ababọ orọo uzi. Ahwo jọ a ta nnọ onana u wo uvi irere. Dhesẹ eriwo Ebaibol na, re who fi ẹgba họ iẹe inọ orọo yọ oware nọ u no obọ Ọghẹnẹ ze. (rs-E ẹwẹ. avọ 248-249) Ẹrria kugbe ababọ orọo yọ igberẹ-ibro. (fy-IS ẹwẹ. 17) Wo ohẹriẹ no oware nọ ibuobu e rọwo, otokiẹ u dhesẹ nnọ ẹrria kugbe taure a tẹ te rọo o sae lẹliẹ orọo na nọ o gbẹ kpare obọ họ. (g02-E 3/8 ẹwẹ. 29; g92-E 9/8 ẹwẹ. 28; g91-E 5/8 ẹwẹ. 28) Ileleikristi e rẹ rehọ adhẹẹ kẹ Jihova ẹkwoma itee riẹ nọ a rẹ nya lele. Evaọ ere oruo, a re je wo erere kẹ omobọ rai.—Aiz. 48:17, 18.

15 min: Ẹvẹ Who bi ro Wo Erere? Ẹmeọta ogbotu nọ ọsẹro isukulu na o re ru. Muhọ evaọ January, a k’omai omaa okpokpọ kẹ Isukulu Odibọgba Esuo-Ọghẹnẹ na. Ru ọkiẹkpemu ọkpẹkpẹe kpahe abọ ọkpokpọ ọrọ isukulu na jọ. Fielo họ emamọ irere nọ ma wo noi ze no enẹna. Kọ amọfa buobu a fi odẹ h’otọ no evaọ isukulu na? Kọ ahwo a wo unevaze ziezi re a jariẹ w’obọ? Ẹvẹ emọ-isukulu na a bi ro wo erere no ọruẹrẹfihotọ ọkpokpọ kẹ uthubro nọ a rẹ kẹ na ze? Zizie ogbotu na re a gbiku epanọ a ro wo erere no enẹna gbe oghẹrẹ nọ a roro nnọ omaa okpokpọ na u ti ro fi obọ họ kẹ ae evaọ obaro.

Ole avọ 225 gbe olẹ ekuhọ.

[Footnote]