Omaa Ewuhrẹ Odibọgba

Oka nọ O rọ July 14 Muhọ

Ole avọ 56

10 min: Iwhowhovia obonẹ. Iwhowhovia nọ a salọ no Odibọgba Uvie Mai ze. Kareghẹhọ iwhowho-uvie re a n’iyẹrẹ usiuwoma ota ubro amara ọ July. Ẹkwoma iroro-ejẹ nọ e rrọ ẹwẹ-obe avọ 8 na, ru odhesẹvia ovevẹ ọrọ epanọ a re ro fi Awake! ọ July 22 na họ ada evaọ ẹkwotọ ukoko na. Evaọ odhesẹvia na, rehọ emagazini ivẹ na kẹ ohwo na dede nọ ọvo whọ t’ẹme kpahe.

15 min: Ẹvẹ Egagọ Jihova I Re Ro Ru Izuazọ Mai Woma Viere? Ẹmeọta ogbotu. Egagọ uzẹme họ usiavẹ kẹ evawere, gbe uvi uzuazọ. (1) U re fi obọ họ k’omai thihakọ ebẹbẹ gbe awa-ọruọ uzuazọ. (Fil. 4:6, 7) (2) O rẹ tuduhọ omai awọ re ma bọ ekwakwa Ọghẹnẹ. (2 Pita 1:5-8) (3) U re fi obọ họ kẹ omai rehọ oke gbe ekwakwa mai ro ru iruo evaọ edhere nọ ọ rẹ mae kẹ erere. (1 Tim. 6:17-19) (4) O rẹ kẹ ẹruore obaro nọ o muẹro. (2 Pita 3:13) (5) U re fi obọ họ k’omai bọ usu okpekpe kugbe Jihova. (Jem. 4:8) Dai roro epanọ eware enana e kare ahwo nọ a riẹ Jihova ha te.

20 min: “Uyere kẹ Ohrọ Ọghẹnẹ.”a Nọ whọ tẹ be ta kpahe edhe-ẹme avọ 3, dhesẹ idhere jọ nọ a re ro mu ejẹ emagazini họ rono Odibọgba Uvie Mai ọrọ October 1998, ẹwẹ-obe avọ 8 ze. Nọ owhowho-uvie ọvo hayo ivẹ nọ i te ziezi kpahe edhere-ẹmeọta jọ nọ a ruẹ nnọ o woma evaọ emuhọ ebe-iwuhrẹ Ebaibol. Ta udu họ ahwo kpobi awọ re a ru ei fihọ ute rai re a muhọ je ru ebe-iwuhrẹ Ebaibol.—om-E ẹwẹ. 91.

Ole avọ 176 gbe olẹ ekuhọ.

Oka nọ O rọ July 21 Muhọ

Ole avọ 184

10 min: Iwhowhovia obonẹ. Iyẹrẹ epanọ igho e nya.

15 min “Kọ Whọ Sai Siobọno Uwou Ra?” Ẹme nọ ọsẹro uwuhrẹ obe-ukoko o re ru. Ku eme jọ kugbe rono Ekpẹti Onọ nọ e rrọ Odibọgba Uvie Mai erọ May 2001 gbe April 1990 (ọrọ Oyibo) ze. Fodẹ unu itu ọ uwuhrẹ obe-ukoko nọ e rrọ ukoko na gbe unu ahwo nọ a be hai kpohọ uwuhrẹ na. Ru re owhowho-uvie ọvo hayo ivẹ a gbiku epanọ uwuhrẹ obe-ukoko nọ o rrọ uwou rai o rọ kẹ ae oma rai gbe iviuwou rai erere no. Jọ ohwo kpobi nọ ọ gwọlọ siobọno uwou riẹ ọ vuẹ ọsẹro ukoko na.

20 min: Rọ Aro Kele Aruọwha Rai Evaọ Usiuwoma Ota. Ẹmeọta-kugbe ogbotu rono obe ọ Gọ Ọghẹnẹ ze, ẹwẹ-obe avọ 170-171. Zizie ogbotu na re a kẹ iyo enọ nọ e rrọ edhe-ẹme avọ 7 na re a je ku ikereakere nọ a fodẹ na kugbe iyo rai. Salọ ikere jọ se. Fi elo họ eware nọ ma wuhrẹ no ikuigbe enana ze gbe epanọ i re ro fi obọ họ k’omai wo eriwo ọgbagba kpahe iruo usiuwoma ota mai.

Ole avọ 201 gbe olẹ ekuhọ.

Oka nọ O rọ July 28 Muhọ

Ole avọ 45

10 min: Iwhowhovia obonẹ. Kareghẹhọ iwhowho-uvie re a n’iyẹrẹ usiuwoma ota urere-amara ọ July. Ẹkwoma iroro-ejẹ nọ e rrọ ẹwẹ-obe avọ 8 na, ru idhesẹvia ivẹ erọ epanọ a re ro fi Uwou-Eroro ọ August 1 gbe Awake! ọ August 8 na họ ada. Evaọ idhesẹvia ivẹ na, rehọ emagazini ivẹ kẹ ohwo na dede nọ ọvo whọ t’ẹme kpahe. Evaọ odhesẹvia na jọ, ru re owhowho-uvie na o ru isẹri-ise oke-gheghe.

15 min: Ta kpahe “Ebabọ Egwa Uvie Akpọ-Soso Evaọ Ekwotọ Europe Jọ.” Dhesẹ nnọ azọhọ-unevaze kẹ Ẹkpa-Ugho Ọgwa Uvie na a be rọ bọ Egwae Uvie evaọ ekwotọ nọ a jọ wo igho te ere he gbe ekwotọ efa.

20 min: “Isẹri-Ise Utu O rẹ Wha Oghọghọ Ze.”* Okenọ whọ tẹ be ta kpahe edhe-ẹme avọ 3, ku eme jọ kugbe i rono Ẹkpẹti Onọ evaọ Odibọgba Uvie Mai orọ September 2001 na ze. Kiẹ ọsẹro Uwuhrẹ Obe-Ukoko jọ riwi kpẹkpẹe. Nọe kpahe ọruẹrẹfihotọ usiuwoma ota nọ o ru kẹ utu uwuhrẹ obe-ukoko riẹ gbe epanọ utu na u bi ro wo erere no isẹri-ise kugbe ze.

Ole avọ 36 gbe olẹ ekuhọ.

Oka nọ O rọ August 4 Muhọ

Ole avọ 178

10 min: Iwhowhovia obonẹ. Fodẹ ebe nọ a ti fihọ ada evaọ amara na. Ru odhesẹvia ọkpẹkpẹe ọvo hayo ivẹ nọ a sai ro fi ebe na họ ada.

20 min: “Ebe Ifihọ-Ada Evaọ Ẹkwotọ nọ A rẹ Jọ Ta Evẹrẹ Buobu.” Rehọ enọ nọ a ruẹrẹ fihọ na ro ru ei. Nọ whọ tẹ be ta kpahe edhe-ẹme avọ 3, rehọ ẹvẹrẹ ọfa nọ u wo ukoko ho nọ a rẹ ta evaọ ẹkwotọ ukoko rai ro ru odhesẹvia ọlọlọhọ.—km-IS 7/02 ẹwẹ. 1 edhe. 4.

15 min: Izoge I Bi Jiri Jihova! Ẹmeọta avọ iroro-ejẹ ogbotu gbe ekiẹriwo. Oma o rẹ were omai nọ ma tẹ be gaviezọ kẹ iyo izoge nọ a nabe ruẹrẹhọ ziezi eva iwuhrẹ. Osegboja gbe ẹnyaharo rai evaọ Isukulu Odibọgba Esuo-Ọghẹnẹ na i siuru gaga. A bi dhesẹ uvi ẹrọwọ nọ a bi se emamọ isẹri evaọ odibọgba na. Uruemu edhere-Ọghẹnẹ rai o rẹ kẹ Jihova ọghọ. (yb88-E ẹwẹ. 53-54) Ẹnyaharo abọ-ẹzi rai u fi otọhotọ họ kẹ uvẹ-iruo evaọ obaro. Rehọ omoke kpẹkpẹe rọ kiẹ izoge Ileleikristi ivẹ hayo esa jọ nọ e be reawere ọ abọ owo evaọ iruẹru ukoko na riwi. Jiri izoge nọ e rrọ ukoko na rọkẹ obọdẹ omodawọ rai nọ a bi ro jiri Jihova.

Ole avọ 49 gbe olẹ ekuhọ.

[Footnote]