Omaa Ewuhrẹ Odibọgba

Oka nọ O rọ April 12 Muhọ

Ole avọ 93

12 min: Iwhowhovia obonẹ. Iwhowhovia nọ a salọ no Odibọgba Uvie Mai ze. Ẹkwoma iroro-ejẹ nọ e rrọ ẹwẹ-obe avọ 4 na, ru odhesẹvia ọrọ epanọ a re ro fi Awake! ọ April 22 na họ ada. Evaọ odhesẹvia na, rehọ emagazini ivẹ kẹ ohwo na dede nọ ọvo whọ t’ẹme kpahe. Evaọ odhesẹvia na, dhesẹ epanọ a rẹ rọ kpahe fihọ unoma na “Obọ mẹ o rọ oware.” (Rri omobe ọ Ebaibol E rọ Jiroro na, ẹwẹ-obe avọ 11-12.) Kareghẹhọ iwhowho-uvie re a nẹ iyẹrẹ usiuwoma ota ubro amara ọ April.

18 min: “Onọ O Mai Woma nọ Ma rẹ Kẹ Jihova.”a Nọ whọ tẹ be ta kpahe edhe-ẹme avọ 4, zizie ogbotu na re a ta kpahe ugogo idhere nọ ma sai ro dhesẹ uyoyou kẹ ahwo eva okenọ ma tẹ be wha odibọgba mai haro.

15 min: Gbiku eware nọ a reawere rai evaọ ezi Ekareghẹhọ na gbe etoke iruo odibọgba nọ a ru kẹre evaọ March.

Ole avọ 91 gbe olẹ ekuhọ.

Oka nọ O rọ April 19 Muhọ

Ole avọ 55

8 min: Iwhowhovia obonẹ.

17 min: “Rọ Aro Kele Oghẹrẹ Uruemu Jesu.” Rehọ enọ nọ a kẹ na ro ru ẹme na. Nọ whọ tẹ be ta kpahe edhe-ẹme avọ 4, zizie ahwo nọ a bi ru ọkobaro obufihọ re a ta kpahe eghale nọ a wo noi ze no.

20 min: Rehọ Eware nọ E Via Kẹle Ro Mu Ẹme họ rọ Kpare Isiuru Ahwo. Ẹmeọta ogbotu. Fodẹ eware sa-sa nọ e via kẹlena nọ e kpare isiuru ahwo no evaọ oborai. Didi awaọruọ enana e wha ze no kpahe obaro na? Avọ omobe ọ Ebaibol E rọ Jiroro na, ẹwẹ-obe avọ 4 nọ who re ro ru iruo, kẹ iroro-ejẹ jọ kpahe epanọ a rẹ rọ ruẹrẹ ẹme-emuhọ fihọ nọ o re su kpohọ ẹmeọta Ebaibol. Ru re a ru idhesẹvia ivẹ nọ a ruẹrẹ họ ziezi nọ a rẹ sai fihọ iruo evaọ obonẹ.

Ole avọ 80 gbe olẹ ekuhọ.

Oka nọ O rọ April 26 Muhọ

Ole avọ 46

12 min: Iwhowhovia obonẹ. Iyẹrẹ epanọ igho e nya. Kareghẹhọ iwhowho-uvie re a nẹ iyẹrẹ usiuwoma ota ọ April. Fodẹ ebe nọ a ti fihọ ada evaọ May. Ẹkwoma iroro-ejẹ nọ e rrọ ẹwẹ-obe avọ 4 na, ru idhesẹvia ivẹ erọ epanọ a re ro fi Uwou-Eroro ọ May 1 gbe Awake! ọ May 8 na họ ada. Evaọ idhesẹvia ivẹ na, rehọ emagazini ivẹ kẹ ohwo na dede nọ ọvo whọ t’ẹme kpahe. Evaọ odhesẹvia na jọ, dhesẹ epanọ a bi ro se isẹri kẹ ibe-oruiruo hayo ibe ọmọ-isukulu.

15 min: Ẹgwọlọ ukoko na.

18 min: Fikieme A jẹ Kare Ẹrọwọ? Ẹmeọta ogbotu. Ẹsibuobu ma rẹ nyaku ahwo nọ a wo ẹrọwọ tere he. (2 Tẹs. 3:2) Re ma sae wha uzẹme kpahe Jihova ro te ai oma, ma rẹ daoma kake riẹ oware nọ o so riẹ nọ a je wo oghẹrẹ iroro itieye kpahe Ọghẹnẹ. Ta kpahe eware ene nọ a fodẹ evaọ obe ọ Reasoning na, ẹwẹ-obe avọ 129-130, nọ e rẹ sae whae ze nọ ahwo a gbe wo ẹrọwọ họ. Zizie ogbotu na re a kẹ ẹjiroro jọ nọ a sai ro ru iruo evaọ abọ ọvuọvo. Gbiku oware nọ o via ọrọ uvi edhere jọ nọ a ro ruiruo, hayo rehọ onọ o rrọ Awake! ọ August 22, 1993, ẹwẹ-obe avọ 14-15 na ro ru iruo.

Ole avọ 38 gbe olẹ ekuhọ.

Oka nọ O rọ May 3 Muhọ

Ole avọ 48

10 min: Iwhowhovia obonẹ.

20 min: “Izoge—Wha Se Ẹme Ọghẹnẹ!” Ru ọruẹrẹfihotọ kpahotọ rọkẹ uzoge ọvo hayo ivẹ re a ta kpahe omaa isase Ebaibol rai gbe epanọ a bi ro wo erere no i ze. Ta udu họ izoge na awọ re a ru ei fihọ ute rai nọ a re ro se Ebaibol na kpobi re. Ku eme kugbei rono obe ọ Isukulu Odibọgba, ẹwẹ-obe avọ 10, edhe-ẹme avọ 5 na ze.

15 min: Ikuigbe Eware nọ A rọ Ẹro Ruẹ erọ Idhere nọ A ro Mu Ẹmeọta Họ. Evaọ omaa Ewuhrẹ Odibọgba oka ọ April 19, a jẹ iroro kẹ omai inọ ma ta kpahe eware nọ e via kẹle rọ kpare isiuru ahwo je ro mu ẹmeọta họ evaọ odibọgba na. Zizie ogbotu na re a gbiku emamọ iyẹrẹ nọ a reawere rai no ẹkwoma efihiruo iroro-ejẹ nana.

Ole avọ 164 gbe olẹ ekuhọ.

[Footnote]