Branch Letter

Iwhowho-Uvie Eghaghae:

Ẹnyaharo evawere jọ ọ be rọ oma via kpahe ekere emagazini mai evaọ Nigeria. Ugboma Esuo na u kuenu kẹ ẹjini jọ nọ a re se nọ rotary press no rọ kẹ ekere ebe mai. Ijini ene nọ ma bi ro kere ebe mai enẹna i wo ẹgba nọ i re ro kere emagazini nọ i bu te 30,000 eva auwa ọvo, rekọ ẹjini nọ a re se nọ rotary press na o wo ẹgba nọ o re ro kere emagazini nọ i bu te 38,000 evaọ auwa ọvo. Onana u dhesẹ nọ a kẹ omai ekwakwa nọ ma ti ro kere ebe buobu evaọ obaro no. Ẹjini na o te obọ uwou ogha Igieduma evaọ amara Ane ukpe nana yọ ẹwhẹhọ riẹ ọ nyaharo gaga no. Ma rẹro nnọ ma ti muọ ẹjini rotary press na họ ero kere ebe evaọ oware wọhọ October 1, 2004. Fikiere ma bi rẹro epanọ ma te sai ro vi emu abọ-ẹzi ẹruoke se unu iwhowho-uvie gbe ahwo nọ a dhesẹ isiuru nọ i bi vihọ evaọ ẹkwotọ Nigeria na.

A mu isikulu ekpokpọ rọkẹ esẹro ọnyawariẹ họ eva uwou ogha obọ Igieduma. Eklase ọsosuọ nọ ahwo 20 a jọ, u muhọ evaọ July 2004, yọ u kri te emerae ivẹ. Ahwo nọ a jọ isikulu na họ esẹro okogho gbe erọ ubrotọ nọ a salọ no eghagha avọ eghagha ze evaọ ẹkwotọ Nigeria. A duobọte kabọ kabọ iruo rai kpobi, yọ onana o te jọ erere ologbo kẹ idu buobu erọ inievo nọ e rrọ ikoko gbe ikogho nọ esẹro nana a bi rri.

Kugbe owhai re, ma bi rri kparo kpohọ ‘iruo buobu nọ ma ti ru evaọ Olori na’ nọ ma bi mu ukpe iruo 2005 họ na.—1 Kọr. 15:58.

Inievo rai,

Uwou Ogha Nigeria