Omaa Ewuhrẹ Odibọgba

Oka nọ O rọ January 10 Muhọ

Ole avọ 223

10 min: Iwhowhovia obonẹ. Iwhowhovia nọ a salọ no Odibọgba Uvie Mai ze. Kareghẹhọ iwhowho-uvie re a nẹ iyẹrẹ usiuwoma ota ubro amara ọ January. Rehọ iroro-ejẹ nọ e rrọ ẹwẹ-obe avọ 8 na (otẹrọnọ i kiehọ evaọ ẹkwotọ rai) ro ru odhesẹvia epanọ a re ro fi Awake! ọ January 22 na họ ada. A sae rehọ odhesẹvia ọfa nọ o kiehọ ro ruiruo. Evaọ odhesẹvia na, dhesẹ epanọ a re ro fi emagazini họ ada kẹ imoni mai nọ e rrọ ukoko na ha.

15 min: “Rọ Eme Orọwọ na Kuọ Oma.”a Se jẹ ta kpahe ikereakere nọ a fodẹ na wọhọ epanọ oke o kuvẹ te.

20 min: “Dao Edhere Ọlọlọhọ.” Ẹmeọta ogbotu nọ a re ru no ẹwẹ-obe avọ 5 ọrọ uko obeva na ze. Rehọ ebe nọ a bi fihọ ada evaọ amara nana ru idhesẹvia ivẹ erọ epanọ a sae rọ rehọ idhere nana ruiruo. Evaọ odhesẹvia na ọvuọvo, ta kẹ owhowho-uvie na re o se ikereakere jọ nọ e ta kpahe ẹbẹbẹ nọ ohwo nọ ọ be t’ẹme kẹ na ọ fodẹ.

Ole avọ 143 gbe olẹ ekuhọ.

Oka nọ O rọ January 17 Muhọ

Ole avọ 34

10 min: Iwhowhovia obonẹ.

15 min: Izoge—Kọ Wha bi Wo Ẹnyaharo Abọ-ẹzi? Ẹme nọ ọkpako ukoko o re ru no Uwou-Eroro ọ April 1, 2003 ze (ọrọ Oyibo), ẹwẹ-obe avọ 8-10. Fodẹ uvi itee jọ nọ a rẹ sai le tobọ, jẹ ta udu họ izoge na awọ re a fi ugogo itee jọ họ kẹ oma rai.

20 min: “Eru Ebe-Iwuhrẹ Ebaibol nọ E rẹ Nyaharo—Abọ Avọ 5.” Ku odhesẹvia jọ kugbei ọrọ owhowho-uvie nọ o wo ona ziezi nọ ọ be tẹme kugbe owhowho-uvie ọkpokpọ kpahe epanọ ọ sae rọ whaha egbefẹ nọ a jọ edhe-ẹme avọ 4-5 fodẹ na.

Ole avọ 78 gbe olẹ ekuhọ.

Oka nọ O rọ January 24 Muhọ

Ole avọ 163

10 min: Iwhowhovia obonẹ. Iyẹrẹ epanọ igho e nya.

10 min: Ẹkpẹti Onọ. Ẹme nọ a re ru.

25 min: “Epanọ Ma rẹ rọ Rehọ Idhere Ẹmeọta nọ A rọ kẹ Omai Oriruo ro Ruiruo.” Rehọ enọ nọ a kẹ na ro ru ẹme na. Dhesẹ inọ ẹwẹ-obe avọ 3-4 ọrọ uko obeva amara nana u wo idhere ẹmeọta nọ ma ti ro fi ebe mai jọ họ ada. Rawo uko-obeva na jẹ rehọ iẹe ruiruo evaọ ukpe na soso. Nọ whọ tẹ ta eme nọ e rrọ uzoẹme na no, ta kpahe epanọ ma sai ro fi obe ọ Si Kẹle Jihova họ ada eva February. Rehọ idhere ẹmeọta ivẹ jọ ro ru odhesẹvia. A sai ru idhesẹvia na no enọ a rọ kẹ omai oriruo eva ẹwẹ-obe avọ 3 na ze, hayo ro no idhere efa nọ e rẹ sai wiruo evaọ ẹkwotọ ukoko rai ze.

Ole avọ 200 gbe olẹ ekuhọ.

Oka nọ O rọ January 31 Muhọ

Ole avọ 157

10 min: Iwhowhovia obonẹ. Kareghẹhọ iwhowho-uvie re a nẹ iyẹrẹ usiuwoma ota amara ọ January. Rehọ iroro-ejẹ nọ e rrọ ẹwẹ-obe avọ 8 na (otẹrọnọ i kiehọ evaọ ẹkwotọ rai) ro ru odhesẹvia epanọ a re ro fi Uwou-Eroro February 1 hayo Awake! ọ February 8 na họ ada. A sae rehọ ọdhesẹvia ọfa nọ o kiehọ ro ruiruo.

15 min: “Ileta nọ I No Obọ Ugboma Esuo Ze.” Ẹmeọta ogbotu. Wọhọ epanọ oke o kuvẹ te, se ikere nọ a fodẹ na je zizie ogbotu na re a kpahe ẹme fihọ ikere na.

20 min: Kọ Whọ be Kiẹ Ikereakere na Riwi Kẹdẹ Kẹdẹ? Ẹme gbe iroro-ejẹ ogbotu nọ a re ru no eme-emuhọ erọ Ẹkiẹriwo Ikereakere na Kẹdẹ Kẹdẹ—2005 ze. Ta oware nọ o jẹ roja re ohwo kpobi ọ rehọ iminiti jọ kakao ro se ikere okpẹdẹ na gbe ọkpahefihọ riẹ kẹdẹ kẹdẹ. Ru ọruẹrẹfihotọ evaọ ẹruoke rọkẹ omọvo hayo imava re a ta kpahe omaa nọ a be hai ro se ikere okpẹdẹ na gbe epanọ a ro wo erere noi ze no. Kuhọ avọ omoke jọ nọ whọ rẹ rọ ta kpahe uzoẹme ẹgbukpe 2005 na.

Ole avọ 184 gbe olẹ ekuhọ.

Oka nọ O rọ February 7 Muhọ

Ole avọ 97

10 min: Iwhowhovia obonẹ.

15 min: Fiobọhọ kẹ Ahwo Ọkpokpọ re A Wuhrẹ Epanọ A re ro You Ọghẹnẹ gbe Ọrivẹ. Ẹme nọ a re ru no Uwou-Eroro ọ July 1, 2004 ze, ẹwẹ-obe avọ 22, edhe-ẹme avọ 7-9. Fi ẹgba họ epanọ ohwo kpobi evaọ ukoko na o ro wo obọ evaọ obọ nọ a re fihọ kẹ ahwo ọkpokpọ re a zihe ruọ ilele ọ Kristi.

20 min: Jihova rẹ Rehọ Oware Uwoma Ovuovo Gbọ Ogbọ Họ. (Ol. 84:11) Kiẹ inievo jọ nọ i kru ẹrọwọ rai eva otọ edawọ no riwi. Didi ebẹbẹ a rẹriẹ ovao dhe no? Eme o fiobọhọ kẹ ae nọ a sai ro thihakọ edawọ na? Kọ oghọghọ gbe eghale vẹ a reawere rai no?

Ole avọ 104 gbe olẹ ekuhọ.

[Footnote]