Omaa Ewuhrẹ Odibọgba

Oka nọ O rọ April 11 Muhọ

Ole avọ 4

15 min: Iwhowhovia obonẹ. Iwhowhovia nọ a salọ no Odibọgba Uvie Mai ze. Kareghẹhọ iwhowho-uvie re a nẹ iyẹrẹ usiuwoma ota ubro amara ọ April. Rehọ iroro-ejẹ nọ e rrọ ẹwẹ-obe avọ 8 (otẹrọnọ i kiehọ evaọ ẹkwotọ ukoko rai) ro ru odhesẹvia epanọ a re ro fi Awake! ọ April 22 na họ ada. A sae rehọ odhesẹvia ọfa nọ o kiehọ ro ruiruo. Evaọ odhesẹvia na, dhesẹ owhowho-uvie nọ ọ be ta usiuwoma evaọ iyẹrẹ.

15 min: Ẹgwọlọ ukoko na

15 min: “Thihakọ Evaọ Usiuwoma Ota.”a Oke o tẹ riẹ, zizie ogbotu na re a kpahe fihọ ikereakere nọ a fodẹ na.

Ole avọ 47 gbe olẹ ekuhọ.

Oka nọ O rọ April 18 Muhọ

Ole avọ 76

10 min: Iwhowhovia obonẹ.

20 min: “Eru Ebe-Iwuhrẹ Ebaibol nọ E rẹ Nyaharo—Abọ Avọ 8.” Ku odhesẹvia ọkpẹkpẹe kugbei nọ owhowho-uvie ọ be jọ kẹ ọmọ-uwuhrẹ Ebaibol ọkpokpọ ibroshọ Isẹri Jihova—Oghẹrẹ Ahwo Vẹ A Rrọ? Eme A Rọwo? Owhowho-uvie na o si iroro kpohọ iwoho nọ e rrọ ẹwẹ-obe avọ 20 ibroshọ na, jẹ rehọ omoke jọ dhesẹ oghẹrẹ nọ Ewuhrẹ Ovuẹ Ogbotu na o rẹ jọ. Ọ fodẹ uzoẹme ovuẹ ogbotu notha, je zizie ọmọ-uwuhrẹ na re ọ ziọ ewuhrẹ.

15 min: Ẹria Avọ Iroro Egbagba Evaọ Udevie Oge Ekọmputa. (Tait. 2:11, 12) Ẹme nọ a re ru no Odibọgba Uvie Mai ọrọ September 2002 ze, ẹwẹ-obe avọ 8, edhe-ẹme 1-7, gbe Odibọgba Uvie Mai ọrọ November 1999, ẹwẹ-obe avọ 5, edhe-ẹme avọ 24-26, gbe ẹwẹ-obe avọ 6, edhe-ẹme avọ 35-36. Oke o tẹ riẹ, a sai ku eme efa kugbei rono uko-obeva Odibọgba Uvie Mai ọrọ November 1999 na ze otẹrọnọ e sai wiruo evaọ ẹkwotọ ukoko rai.

Ole avọ 169 gbe olẹ ekuhọ.

Oka nọ O rọ April 25 Muhọ

Ole avọ 111

15 min: Iwhowhovia obonẹ. Se iyẹrẹ epanọ igho e nya gbe obe-uyere nọ uwou ogha u vi ze fiki unevaze nọ wha ru na via kẹ ukoko na. Kareghẹhọ iwhowho-uvie re a nẹ iyẹrẹ usiuwoma ota ọ April. Rehọ iroro-ejẹ nọ e rrọ ẹwẹ-obe avọ 8 na (otẹrọnọ i kiehọ evaọ ẹkwotọ rai) ro ru idhesẹvia epanọ a re ro fi Uwou-Eroro ọ May 1 gbe Awake! ọ May 8 họ ada. A sae rehọ idhesẹvia efa nọ i kiehọ ro ruiruo. Evaọ odhesẹvia na jọ, dhesẹ epanọ a rẹ rọ tẹme kugbe ohwo nọ ọ rẹ whaha ẹmeọta inọ, “Me wo evawere he.” (Rri omobe ọ Ebaibol E rọ Jiroro na, ẹwẹ-obe avọ 8.) Fodẹ izoẹme nọ e rẹ mai kiehọ ahwo oma evaọ ẹkwotọ rai.

30 min: “Okokohọ Ubrotọ ‘Ẹmeoyo kẹ Ọghẹnẹ’ ọrọ Isẹri Jihova—2005.” Okere-obe ukoko na o re ru ei. Nọ who te ru edhe-ẹme avọ 2 no, se ileta ọ April 1, 2005 nọ u dhesẹ okokohọ nọ a fi ukoko rai họ na. Nọ whọ tẹ be ta kpahe edhe-ẹme avọ 4, ta eme kpobi nọ e rrọ ekpẹti nọ e rrọ ẹwẹ-obe avọ 4 na. Tuduhọ ahwo kpobi awọ re a jọ enẹna mu ọruẹrẹfihotọ okokohọ rai họ.

Ole avọ 79 gbe olẹ ekuhọ.

Oka nọ O rọ May 2 Muhọ

Ole avọ 148

10 min: Iwhowhovia obonẹ.

15 min: “Ru Ewoma jẹ Ghale kẹ Amọfa.” Dhesẹ epanọ ma sai ro fi onana họ iruo evaọ obonẹ, fodẹ ugogo idhere nọ ma sai ro fiobọhọ kẹ amọfa.

20 min: Rehọ Ibroshọ Ọkpokpọ na Ta Isiuru họ Ahwo Oma. Ẹme gbe iroro-ejẹ ogbotu nọ ọsẹro usiuwoma ota o re ru. Ma re zihe re ma bọ isiuru ohwo kpobi nọ ma kẹ ibroshọ Wha Hai Rroro! na. Ẹkwoma oria eware nọ e riẹ eva evaọ ẹwẹ-obe avọ 2 na nọ who re ro ruiruo, rehọ omoke jọ dhẹ ibroshọ na duwu, who ve si iroro ahwo kpohọ ugogo eria nọ ekpẹti rai e rrọ fuafo ho na (nọ a kere fihọ otọ izoẹme nọ a kere mu gbalọ na). A rẹ sae rọ ibroshọ nana ro lele ohwo tẹme kpẹkpẹe evaọ ozihebro. Wọhọ oriruo, otẹrọnọ whọ ta kpahe ẹwẹ-obe avọ 3-4 evaọ iweze ọsosuọ, a rẹ sae rehọ ẹwẹ-obe avọ 5 nọ o wo uzoẹme na “Kọ Ọghẹnẹ Ọ Be Ghinẹ Daezọ?” ro ru ozihebro. Ta kpahe epanọ a sai ro ru oyena. Kiẹ eria efa nọ ekpẹti rai e rrọ fuafo ho na riwi, wọhọ enọ e rrọ ẹwẹ-obe avọ 6-8 gbe 17-18 hayo efa nọ i kiehọ kẹ ẹkwotọ ukoko rai. Ru odhesẹvia nọ a be jọ rehọ ẹkpẹti jọ ruiruo evaọ ozihebro. Whọ sai se jẹ tẹme kpahe ikereakere jọ nọ a fodẹ. Owhowho-uvie o re kuhọ avọ iroro nọ o re si kpohọ ẹkpẹti ọfa nọ a rẹ sae tẹme kpahe evaọ iweze notha.

Ole avọ 66 gbe olẹ ekuhọ.

[Footnote]