Iroro-Ejẹ nọ A re ro Fi Ibroshọ na họ Ada Eme Họ Ẹjiroro Uzuazọ—Ẹvẹ Whọ Sai Ro Duku Ei?
Nọ who te yere ohwo nọ whọ be te ta ẹme kẹ na no, whọ sae ta nọ:
“Ababọ avro, akpọ inẹnẹ ọ vọ avọ ebẹbẹ gbe ẹruore-ofofe. Kọ who roro nọ enẹ a ma akpọ na nọ ọ jọ? [Kuvẹ kẹ uyo.] Ibroshọ nana o dhesẹ inọ uzedhe ẹjiroro Ọghẹnẹ kẹ ahwo-akpọ gbe otọakpọ na o ti rugba kẹle. [Ta kpahe uwoho nọ o rrọ ẹwẹ-obe avọ 20-21 na. Who ve se edhe-ẹme avọ 9, jẹ ta kpahe Aizaya 14:24 gbe Aizaya 46:11.] Evaọ ẹdẹ-ọfa nọ me te zihe ze, me ti dhesẹ k’owhẹ oria nọ Ebaibol e jẹ ta kpahe epanọ Ọghẹnẹ o ti ro nwene otọakpọ na zihe ruọ Aparadase.” Fi ibroshọ na họ ada, re who ru ọruẹrẹfihotọ nọ who re ro zihe.
Nọ who te zihe, whọ sae ta nọ:
“Evaọ ẹdẹ nọ mẹ nyaze, mẹ ta nọ ẹjiroro Ọghẹnẹ họ re ahwo a rria aparadase otọakpọ bẹdẹ bẹdẹ. [Wariẹ dhesẹ uwoho nọ o rrọ ẹwẹ-obe avọ 20-21 na.] Muẹrohọ nọ Jesu, Pita, gbe Devidi a ta kpahe Aparadase.” Ta kẹe re ọ tọlọ ibroshọ riẹ lahwe. Who ve rovie kpohọ ẹwẹ-obe avọ 21-22, je se edhe-ẹme avọ 10-13. Ta kẹe inọ whọ gwọlọ nọ whọ te hai wuhrẹ obe na kugbei, hayo ru ọruẹrẹfihotọ nọ who ti ro se uzoẹme-osese jọ nọ o rrọ ẹwẹ-obe avọ 29-30 eva iweze ra netha.
Owhowho-uvie nọ ọ rrọ ikpe-ikpegbọ ọ sae ta nọ:
“Ehwa mẹ buobu a wo ẹruore kpahe obaro na ha. Kọ who roro nọ akpọ o ti kiehọ kẹ oge nọ ọ be tha na? [Kuvẹ kẹ uyo.] Ebaibol na e ta kpahe obaro nọ o vọ avọ evawere rọkẹ ahwo-akpọ kpobi. [Rovie kpohọ uwoho nọ o rrọ ẹwẹ-obe avọ 31 ibroshọ na, je se eme nọ a kere fihọ otọ uwoho na. Kẹsena who ve se 2 Pita 3:13.] Evuẹ nọ e ta kpahe eghale nọ Ọghẹnẹ ọ ruẹrẹ fihọ kẹ ahwo akpọ e rrọ Ibroshọ nana. [Ta kpahe izoẹme-esese nọ a kere mu gbalọ evaọ ẹwẹ-obe avọ 29-30 na, re who fi ibroshọ na họ ada.] Mẹ te wariẹ zihe ze re ma ta kpahe eyaa Ọghẹnẹ nọ o ti ro ku ẹmo-ofio kpobi họ.” Ru ọruẹrẹfihotọ nọ who re ro zihe.
Nọ who te zihe, whọ sae ta nọ:
“Evaọ ẹdẹ nọ mẹ nya ze, mẹ tẹme kpẹkpẹe kpahe ẹjiroro Ọghẹnẹ nọ o ti ro zihe aparadase otọakpọ ze. [Wariẹ si iroro kpohọ uwoho nọ o rrọ ẹwẹ-obe avọ 31 na.] Mẹ gwọlọ nọ whọ ta ẹme nọ ọ rrọ owhẹ iroro kpahe eyaa Ọghẹnẹ nọ o ti ro ku ẹmo-ofio kpobi họ na.” Ta kẹe re ọ tọlọ ibroshọ riẹ lahwe. Who ve se jẹ ta kpahe idhe-eme avọ 3-6 eva ẹwẹ-obe avọ 29. Ru ọruẹrẹfihotọ nọ wha ti ro se edhe-ẹme avọ 7-8 evaọ iweze netha.
Nọ ọkpako avọ ọmaha a tẹ rrọ usu, ọkpako na ọ rẹ sai mu ẹme na họ ẹkwoma enẹ nọ ọ rẹ ta:
“Whọ tẹ k’omai uvẹ, ________ ọ gwọlọ dhesẹ uwoho jọ je se oria Ebaibol jọ k’owhẹ. [Ọmọ na o ve dhesẹ uwoho nọ o rrọ ẹwẹ-obe avọ 31 je se eme nọ a kere fihọ otọ uwoho na, kẹsena o ve se Eviavia 21:4.] Ibroshọ nana o ta kpahe oware nọ Ọghẹnẹ o ti ru kpahe ebẹbẹ nọ i bi te omai nẹnẹ na. [Rehọ omoke jọ ta kpahe izoẹme-esese nọ a kere mu gbalọ eva ẹwẹ-obe avọ 29-30 na, re who fi ibroshọ na họ ada.] Nọ ma te zihe ze, o te were omẹ re me dhesẹ oware nọ Ebaibol na e ta kpahe ekuhọ ebẹbẹ ẹyao kpobi k’owhẹ.”
Nọ wha te zihe, ọkpako na ọ sae ta nọ:
“Evaọ ẹme nọ ma ta whremu, mẹ ta inọ mẹ gwọlọ dhesẹ oware nọ Ebaibol na e ta kpahe ekuhọ ebẹbẹ ẹyao kpobi k’owhẹ. Muẹrohọ oware nọ a kere fihọ etenẹ.” Ta kẹe re ọ tọlọ ibroshọ riẹ lahwe. Who ve se edhe-ẹme avọ 9-14 eva ẹwẹ-obe avọ 29 ọrọ ibroshọ na. Ta kẹe inọ whọ gwọlọ nọ whọ te hai wuhrẹ obe na kugbei, hayo ru ọruẹrẹfihotọ nọ wha ti ro se edhe-ẹme avọ 15-17 eva iweze netha.