Ibroshọ nọ A re Fihọ Ada kẹ Ahwo nọ A Rrọ Egagọ-Ileleikristi Hi
Edhere nọ O Re Su Kpohọ Uzuazọ Ebẹdẹ Bẹdẹ—Kọ Who Duku Ei No?
Nọ whọ tẹ be ta usiuwoma kẹ ohwo nọ ọ rrọ egagọ anwae Africa, whọ sae ta nọ:
“Ahwo buobu a rẹ gọ esemọ. Iruemu iwhori buobu nọ a re ru i no egagọ esemọ ze. Fikieme ahwo a jẹ be gọ hayo dhe idhe kẹ esemọ rai? [Kuvẹ kẹ uyo. Who ve se edhe-ẹme 1 gbe ọrọ avọ 2 evaọ ẹwẹ-obe avọ 12 ibroshọ na.] Kọ esẹ anwae mai nọ i whu no a riẹ oware nọ ma bi ru? [Kuvẹ kẹ uyo. Who ve se Ọtausiuwoma Na 9:5, 10.] Nọ a riẹ onahona ha na, u fo ho re a gọ ae. Whọ rẹ sai gbe se kpahe onana evaọ uwuhrẹ avọ 4 ibroshọ nana.”
The Guidance of God—Our Way to Paradise
Nọ whọ tẹ be t’ẹme kẹ ohwo egagọ Muslim, whọ sae ta nọ:
“Mẹ be daoma gaga re me lele ahwo Muslim t’ẹme. Mẹ riẹ nọ ahwo Muslim a rọwo Ọghẹnẹ ọvo gbe eruẹaro na kpobi. Kọ o gbẹ rrọ ere? [Kuvẹ kẹ uyo.] Mẹ gwọlọ lele owhẹ t’ẹme kpahe eruẹaruẹ oke-anwae jọ nọ e ta kpahe epanọ a ti ro zihe akpọ na ruọ aparadase. Kọ mẹ sai se oware nọ ọruẹaro na o kere k’owhẹ? [Kuvẹ kẹ uyo. Who ve se Aizaya 11:6-9.] Eruẹaruẹ nana e lẹliẹ omẹ roro kpahe ikere jọ nọ a si no Koran ze nọ a kere fihọ ibroshọ nana.” Rovie kpohọ ẹwẹ-obe avọ 9, re who se ikere nọ a kere mu gbalọ na. Nọ ohwo na o te dhesẹ isiuru, t’ẹme na haro ẹkwoma edhe-ẹme avọ 7-9 nọ ọ rrọ ẹwẹ-obe nọ ọ kẹle riẹ na nọ who re se.