Omaa Ewuhrẹ Odibọgba

Oka nọ O rọ December 11 Muhọ

Ole avọ 174

15 min: Iwhowhovia obonẹ. Kareghẹhọ iwhowho-uvie re a niyẹrẹ usiuwoma ota ubro amara ọ December. Ta kpahe “Ọruẹrẹfihotọ Ẹdẹ Okokohọ Obọdẹ Ọkpokpọ.” Whowho ideti ẹdẹ okokohọ obọdẹ rai notha otẹrọnọ a kere se owhai kpahiẹe no. Ẹkwoma iroro nọ a jẹ fihọ ẹwẹ-obe avọ 8 na hayo efa nọ i kiehọ kẹ ẹkwotọ ukoko rai, ru odhesẹvia epanọ a re ro fi Awake! ọ December họ ada. Evaọ odhesẹvia na, dhesẹ edhere nọ a rẹ rọ kpahe fihọ unoma na ‘Me wo evawere kpahe ovuẹ rai hi.’—Rri omobe na Ebaibol E rọ Jiroro, ẹwẹ-obe avọ 8.

15 min: Isukulu Odibọgba Esuo-Ọghẹnẹ ọrọ 2007. Ẹme gbe ekiẹriwo nọ ọsẹro isukulu na o re ru. Jọ uko-obeva Odibọgba Uvie Mai ọrọ October 2006 ta kpahe igogo eria nọ o gwọlọ nọ ukoko rai a muẹrohọ. Ru ei vevẹ inọ ọsẹro isukulu na o re whowho okwakwa ẹmeọta nọ a bi ro rri ọmọ-isukulu na via taure o te ti mu ẹme riẹ họ họ. Nọ orọnọ ma te jọ ukpe 2007 se Ikereakere Hibru no umuo obe Aizaya 24 rite Malakae na, ukpe nana o te jọ uvẹ obọdẹ kẹ inievo nọ a kẹ ẹme oruvẹ Ebaibol gbe amọfa kpobi nọ a te kpahe ẹme evaọ abọ nana re a rehọ ebe mai nọ i fi elo họ ebe eruẹaruẹ nana ro ru iruo. Jọ usu ahwo nọ a fodẹ evaọ obotọ na kiẹ owhowho-uvie ọvo hayo ivẹ riwi: ọmọ-isukulu ọkpokpọ, ọmọ-isukulu ọmaha nọ o bi wo ẹnyaharo ziezi, gbe ohwo nọ o kri isukulu na no. Nọ ae re a gbiku oghẹrẹ nọ isukulu na i ro fiobọhọ kẹ ai no evaọ odibọgba rai gbe ẹnyaharo abọ-ẹzi rai. Tuduhọ ahwo kpobi awọ re a ru ẹme nọ a kẹ rai ziezi, re a wobọ evaọ ọkpahefihọ oruvẹ isase Ebaibol na, re a jẹ hai ru lele ithubro nọ a be kẹ koka koka no obe isukulu na ze, Wo Erere no Ewuhrẹ ọ Isukulu Odibọgba Esuo-Ọghẹnẹ Ze.

15 min: “Who Siobọno Uyoyou nọ Who Wo Eva Oke Ọsosuọ Họ.”a Epanọ oke o riẹ te, zizie ogbotu na re a kpahe fihọ ikereakere nọ a fodẹ na.

Ole avọ 193 gbe olẹ ekuhọ.

Oka nọ O rọ December 18 Muhọ

Ole avọ 150

10 min: Iwhowhovia obonẹ. Iwhowhovia nọ a salọ no Odibọgba Uvie Mai ze. Fodẹ ọruẹrẹfihotọ usiuwoma ota obọdẹ rọkẹ December 25 gbe January 1.

15 min: “Zihe Bru Ahwo Kpobi nọ A Dhesẹ Makọ Umutho Isiuru.” Zizie ogbotu na re a ta epanọ a sae rọ rehọ inọmba ifonu hayo adrẹse mi ahwo nọ a nyaku nọ a dhesẹ isiuru evaọ isẹri-ise oke-gheghe hayo isẹri-ise iyẹrẹ, re a je gbiku eware ọbọga nọ a rọ ẹro ruẹ nọ a zihe bru ahwo otiọye na. Whọ sae ta kẹ omọvo hayo imava jọ kpahotọ re a ruẹrẹ eme nọ a te ta kpahe.

20 min: “Ma Rẹ Sai Thihakọ Oghẹrẹ Odawọ Kpobi!” Ẹme nọ a re ru no Uwou-Eroro ọ June 15, 2005 (ọrọ Oyibo) ze, ẹwẹ-obe avọ 30-31. Kẹ ahwo na kpobi uduotahawọ nọ o rẹ kẹ omosasọ nọ ma be rẹriẹ ovao dhe edawọ sa-sa evaọ uyerakpọ nana.

Ole avọ 182 gbe olẹ ekuhọ.

Oka nọ O rọ December 25 Muhọ

Ole avọ 210

15 min: Iwhowhovia obonẹ. Ta kpahe “Ọruẹrẹfihotọ Okokohọ Okogho Ọkpokpọ,” je whowho ideti okokohọ okogho rai notha otẹrọnọ a kere s’owhai kpahiẹe no. Se Iyẹrẹ epanọ igho e nya gbe obe uyere nọ uwou ogha u vi ze fiki unevaze nọ wha ru na via kẹ ukoko na. Ẹkwoma iroro nọ a jẹ fihọ ẹwẹ-obe avọ 8 na hayo efa nọ i kiehọ kẹ ẹkwotọ ukoko rai, ru odhesẹvia epanọ a re ro fi Uwou Eroro ọ January 1 gbe Awake! ọ January họ ada. Eva obọ ekuhọ odhesẹvia ivẹ na ọvuọvo, nọ onọ jọ nọ u re duobọte iroro ohwo na, nọ whọ rẹ sae rọ obe ọ Ebaibol Wuhrẹ na kẹ uyo riẹ evaọ iweze nọ e tha.

15 min: Ẹgwọlọ ukoko na.

15 min: Iyẹrẹ-Enẹ Kpahe Ẹnyaharo Odibọgba Na. Ẹme gbe iroro-ejẹ ogbotu nọ a re ru no obe ọ A Koko Omai Họ re Ma Ru Oreva Jihova ze, ro no uzoẹme-osese nọ o rrọ ẹwẹ-obe avọ 83 rite ẹwẹ-obe avọ 91.

Ole avọ 72 gbe olẹ ekuhọ.

Oka nọ O rọ January 1 Muhọ

Ole avọ 158

10 min: Iwhowhovia obonẹ. Kareghẹhọ iwhowho-uvie re a niyẹrẹ usiuwoma ota amara ọ December.

35 min: “Didi Iroro Mẹ rẹ Jẹ Kpahe Eroruiruo Egẹgẹ-Esese Azẹ gbe Oghẹrẹ Usiwo-Imu nọ U Kpomahọ Eroruiruo Azẹ Obọmẹ?” Ẹmeọta-kugbe ọrọ enọ gbe iyo. Ta ẹme-emuhọ kpẹkpẹe rono edhe-ẹme ọsosuọ na ze. Kẹsena whọ vẹ nọ enọ esa nọ a kere mu gbalọ na je zizie ogbotu na re a kẹ iyo rai no eme nọ e rrọ otọ enọ na ze. Kiẹ ebe ọkiẹriwi ivẹ na kugbe ogbotu na. Fi ẹgba họ oware nọ Ileleikristi a rẹ jẹrehọ họ, gbe enọ o jọ gwọlọ nọ ohwo ọ rẹ jọ jẹ iroro na kẹ omariẹ. Wha obe ithubro kpahe epanọ a re ro kere eme fihọ ekade ọ DPA na lele oma. Dhesẹ epanọ a re ro kere eme fihọ ekade ọ DPA na gbagba jẹ tuduhọ ahwo nọ a ri kere eme fihọ ọrai hi re a ru ere. Ta nọ esẹro obe uwuhrẹ ukoko a re fiobọhọ kẹ ahwo utu rai kere eme fihọ ekade na. Ahwo nọ a kere ọjọ no vẹre a re gbe kere ọfa ha ajokpanọ a gwọlọ jariẹ nwene oware jọ hayo ọ raha no.

Ole avọ 120 gbe olẹ ekuhọ.

[Footnote]