Omaa Ewuhrẹ Odibọgba
Oka nọ O rọ February 12 Muhọ
Ole avọ 52
10 min: Iwhowhovia obonẹ. Kareghẹhọ iwhowho-uvie re a nẹ iyẹrẹ usiuwoma ota ubro amara ọ February. Ẹkwoma iroro nọ a jẹ fihọ ẹwẹ-obe avọ 8 na hayo efa nọ i kiehọ kẹ ẹkwotọ ukoko rai, ru odhesẹvia epanọ a re ro fi Awake! ọ February họ ada. Evaọ odhesẹvia na, dhesẹ epanọ a rẹ rọ kpahe fihọ unoma na “Me wo evawere kpahe egagọ họ.”—Rri omobe Ebaibol E rọ Jiroro na, ẹwẹ-obe avọ 9.
15 min: “A Mu Efe họ Omai Obọ.”a Nọ oke o tẹ gbẹ riẹ, ku eware nọ wha rọ ẹro ruẹ ọvo hayo ivẹ kugbei.
20 min: Ruẹrẹ oma kpahe kẹ ẹghale Usi Uvie Avọ 37 na. Ẹmeọta gbe iroro-ejẹ ogbotu. Kiẹ ọruẹrẹfihotọ nọ a ru kẹ usi-uwhowho na, wọhọ epanọ a jọ Odibọgba Uvie Mai ọrọ January ta na. Ta udu họ ahwo kpobi awọ re a wobọ ziezi evaọ usi-uwhowho na. Ta udu họ ahwo nọ a wo emọ-uwuhrẹ Ebaibol nọ i bi wo ẹnyaharo awọ re a roro kpahe emọ-uwuhrẹ rai sọ a te epanọ a rẹ rọ jọ ewhowho na wobọ wọhọ iwhowho-uvie nọ e re họ-ame he. Esẹgbini a sai je roro kpahe emọ rai sọ a te. Rọ omoke kpẹkpẹe ta kpahe itee nọ e rrọ ẹwẹ-obe avọ 79-81 ọrọ obe ọ A Koko Omai Họ re Ma Ru Oreva Jihova.
Ole avọ 104 gbe olẹ ekuhọ.
Oka nọ O rọ February 19 Muhọ
Ole avọ 198
5 min: Iwhowhovia obonẹ.
20 min: “Rọ Aro Kele Owuhrẹ Ologbo na nọ Whọ Tẹ Be Rehọ Obe Ebaibol Wuhrẹ na Ruiruo.” Nọ whọ tẹ be ta kpahe edhe-ẹme avọ 6, ru odhesẹvia ọkpẹkpẹe nọ o re dhesẹ epanọ owhowho-uvie ọ be rọ rehọ ẹkpẹti nọ ọ rrọ ekuhọ uzou avọ 6 evaọ obe Ebaibol Wuhrẹ na rọ kiẹ eware nọ a jọ uzou yena wuhrẹ kugbe ọmọ-uwuhrẹ.
20 min: “Rọ Aro Kele Kristi Evaọ Odibọgba Ra.” Nọ oke o tẹ gbẹ riẹ, zizie ogbotu na re a se jẹ kpahe fihọ ikereakere nọ a kere eme rai via ha na.
Ole avọ 220 gbe olẹ ekuhọ.
Oka nọ O rọ February 26 Muhọ
Ole avọ 29
15 min: Iwhowhovia obonẹ. Se Iyẹrẹ epanọ igho e nya gbe obe uyere nọ uwou ogha u vi ze fiki unevaze nọ wha ru na via kẹ ukoko na. Ẹkwoma iroro nọ a jẹ fihọ ẹwẹ-obe avọ 8 na hayo efa nọ i kiehọ kẹ ẹkwotọ ukoko rai, ru odhesẹvia epanọ a re ro fi Uwou-Eroro ọ March 1 gbe Awake! March họ ada. Jọ odhesẹvia na jọ o dhesẹ epanọ owhowho-uvie ọ be rọ jọ ẹkwotọ ekiọthuọ ta usiuwoma. Kareghẹhọ iwhowho-uvie re a nẹ iyẹrẹ usiuwoma ota ọ February.
15 min: “Whọ Kpairoro Vrẹ Enọ E Se Iruo Uvie na Ba No Ho.” Ku eme kugbei rono Uwou-Eroro ọ May 1, 2004 ze, ẹwẹ-obe avọ 29-30, edhe-ẹme avọ 13-16.
15 min: Ewhowho Emamọ Usi na Evaọ Edhere nọ Ọ Rrọ Kpatiẹ. Ẹme gbe iroro-ejẹ ogbotu nọ a re ru no obe ọ A Koko Omai Họ re Ma Ru Oreva Jihova ze, no uzoẹme-osese nọ o rrọ ẹwẹ-obe avọ 102 rite urere uzou na.
Ole avọ 18 gbe olẹ ekuhọ.
Oka nọ O rọ March 5 Muhọ
Ole avọ 32
10 min: Iwhowhovia obonẹ. Iwhowhovia nọ a salọ no Odibọgba Uvie Mai ze. Jọ etoke ẹme ra na rehọ obe-uzizie obọdẹ orọ Ekareghẹhọ na kẹ ohwo kpobi evaọ ogbotu na, re whọ jẹ ta kpahe ọruẹrẹfihotọ nọ ukoko rai u wo nọ a te rọ jọ ẹkwotọ rai ghale obe-uzizie na. Ta udu họ ahwo kpobi awọ re a jariẹ wobọ. Ru odhesẹvia epanọ a sae rọ rehọ obe-uzizie na ruiruo.
35 min: “Whowho Oruaro Jihova Nya Akpọ na Soso Wariẹ.” Ọsẹro usiuwoma ota na o re ru ei. Evaọ oria nọ o jọ fo evaọ etoke ẹmeọta na, fodẹ oke gbe oria nọ a te jọ ru Ekareghẹhọ na, eruẹrẹfihotọ efa nọ wha ru kẹ omakokohọ kẹ iwuhrẹ usiuwoma ota, gbe utee nọ ukoko rai u wo kẹ iruo ọkobaro obufihọ evaọ amara Ane. Nọ wha te ru edhe-ẹme avọ 3 no, ru odhesẹvia ọkpẹkpẹe nọ owhowho-uvie o je bi zizie ohwo ozihebro riẹ kpohọ Ekareghẹhọ.
Ole avọ 147 gbe olẹ ekuhọ.
[Footnote]
a Ru ẹme-emuhọ ra kpẹre vi uminiti ovo, re whọ rehọ enọ gbe iyo ro lele iei.