Omaa Ewuhrẹ Odibọgba

Oka nọ O rọ November 12 Muhọ

Ole avọ 59

10 min: Iwhowhovia obonẹ. Kareghẹhọ iwhowho-uvie re a niyẹrẹ usiuwoma ota ubro ọsosuọ amara ọ November. Ẹkwoma iroro nọ a jẹ fihọ ẹwẹ-obe avọ 4 na hayo ọfa jọ nọ o kiehọ kẹ ẹkwotọ ukoko rai, ru odhesẹvia epanọ a re ro fi Awake! ọ November họ ada. Evaọ odhesẹvia na, who re fi Uwou-Eroro kugbei rọ kẹ ohwo na dede nọ Awake! na ọvo whọ t’ẹme kpahe.

15 min: “Isiliva gbe Igoru na Emẹ.” Ẹme nọ ọkpako ukoko o re ru no Uwou-Eroro ọ November 1, 2007 ze (ọrọ Oyibo), ẹwẹ-obe avọ 17-21.

20 min: “Wha Nya Wọhọ Enọ I Wo Areghẹ.”a Epanọ oke o riẹ te, zizie ogbotu na re a kpahe fihọ ikereakere nọ a fodẹ na.

Ole avọ 192

Oka nọ O rọ November 19 Muhọ

Ole avọ 109

10 min: Iwhowhovia obonẹ. Fodẹ ebe nọ ma ti fihọ ada evaọ December, je ru odhesẹvia ọvo jọ.

15 min: Ẹgwọlọ ukoko na.

20 min: “Whọ Se Ba Ha!” Nọ whọ te ta kpahe edhe-ẹme avọ 5, gbiku eware jọ nọ inievo nọ i wuhrẹ obe kugbe ahwo nọ a kurẹriẹ ziọ ukoko na no a ta. Ẹvẹ eru obe-uwuhrẹ Ebaibol nọ u bi wo ẹnyaharo o rẹ rọ kẹ erere gbe omaweromẹ? Whọ sae ta kẹ omọvo hayo imava jọ kpahotọ re a ruẹrẹ ẹme nọ a te ta fihọ.

Ole avọ 96

Oka nọ O rọ November 26 Muhọ

Ole avọ 172

10 min: Iwhowhovia obonẹ. Se iyẹrẹ epanọ igho e nya gbe obe uyere nọ uwou ogha u vi ze fiki unevaze nọ wha ru na via kẹ ukoko na. Kareghẹhọ iwhowho-uvie re a niyẹrẹ usiuwoma ota ubro avivẹ amara ọ November. Ẹkwoma iroro nọ a jẹ fihọ ẹwẹ-obe avọ 4 na hayo efa jọ nọ i kiehọ kẹ ẹkwotọ ukoko rai, ru odhesẹvia epanọ a re ro fi Uwou-Eroro ọ December 1 gbe Awake! ọ December họ ada.

15 min: Kọ Whọ Sai Ru Uyoyou Ra Kẹre te Amọfa? Ẹme nọ ọkpako ukoko o re ru no Uwou-Eroro ọ January 1, 2007 ze (ọrọ Oyibo), ẹwẹ-obe avọ 9-11.

20 min: Emaha na—Ẹvẹ Wha Sai ro Jiri Jihova? Ẹme nọ a re ru no Uwou-Eroro ọ July 1, 2005 ze, ẹwẹ-obe avọ 16-18, edhe-ẹme avọ 15-19, rehọ enọ uwuhrẹ na ro ru ei. Nọ who te te edhe-ẹme avọ 18, zizie emaha nọ e rrọ ogbotu na re a ta epanọ a rọ ta usiuwoma kẹ emọ-isukulu hayo iticha evaọ obọ isukulu.

Ole avọ 5

Oka nọ O rọ December 3 Muhọ

Ole avọ 77

15 min: Iwhowhovia obonẹ. Iwhowhovia nọ a salọ no Odibọgba Uvie Mai ze. Kiẹ Ẹkpẹti Onọ riwi.

15 min: Isukulu nọ Enọ I Nwrotọ Noi ze E be Kẹ Ahwo Erere Wariẹ Akpọ-Soso Họ. Ẹme nọ a re ru no Uwou-Eroro ọ November 15, 2006 ze (ọrọ Oyibo), ẹwẹ-obe avọ 10-13. Ku ọkiẹriwo ọkpẹkpẹe kugbei ọrọ ọkpako ukoko hayo odibo oriruo nọ ọ rrọ ukoko rai na nọ o kpohọ Isukulu Ewuhrẹ Odibọgba na no. Ẹvẹ isukulu na i ro fiobọhọ kẹ ae bi wo ẹnyaharo wọhọ etausiuwoma, esẹro, gbe iwuhrẹ evaọ ukoko na? Tuduhọ inievo nọ i te awọ re a roro kpahe ele ute Isukulu Ewuhrẹ Odibọgba na.

15 min: “Ma rẹ Vuẹ Amọfa Kpahe Ẹruore Uvie Na.” Epanọ oke o riẹ te, zizie ogbotu na re a kpahe fihọ ikereakere nọ a fodẹ na.

Ole avọ 173

[Footnote]