Omaa Ewuhrẹ Odibọgba

Oka nọ O rọ January 14 Muhọ

Ole avọ 41

10 min: Iwhowhovia obonẹ. Kareghẹhọ iwhowho-uvie re a nẹ iyẹrẹ usiuwoma ota ubro ọsosuọ amara ọ January. Iwhowhovia nọ a salọ no Odibọgba Uvie Mai ze. Ẹkwoma iroro nọ a jẹ fihọ ẹwẹ-obe avọ 8 na hayo efa jọ nọ i kiehọ kẹ ẹkwotọ ukoko rai, ru odhesẹvia epanọ a re ro fi Uwou-Eroro ọ January-March gbe Awake! ọ January họ ada.

15 min: “Rehọ Oke Ra Ruiruo Ziezi nọ Whọ tẹ Rrọ Usiuwoma Ota.”* Kiẹ oniọvo-ọmọzae jọ riwi ọnọ ọ rẹ wha ahwo kpohọ usiuwoma ẹsikpobi. Ẹvẹ ọ be rọ ruẹrẹ oma kpahe re ọ sae wha iwhowho-uvie na kpohọ usiuwoma re ọ jẹ ruẹ inọ a rehọ oke na ruiruo ziezi?

20 min: “Jọ Ẹme Rai Ọ . . . Hẹ Mere Wọhọ Uwhei Kẹse Keṣẹ.”a No whọ te ta ẹme kpahe edhe-ẹme avọ 2, se Jọn 4:7-15, 39.

Ole avọ 85

Oka nọ O rọ January 21 Muhọ

Ole avọ 215

10 min: Iwhowhovia obonẹ. Fodẹ ebe nọ a ti fihọ ada evaọ February, je ru odhesẹvia ọvo jọ. Tudu họ ahwo kpobi awọ re a rri ividio na Transfusion-Alternative Health Care—Meeting Patient Needs and Rights rọ ruẹrẹ oma kpahe kẹ ẹme nọ a te jọ Ewuhrẹ Odibọgba ru evaọ oka ọ February 4.

10 min: Ẹgwọlọ ukoko na.

25 min: ‘Se Isẹri Kpahe Emamọ Usi na Ziezi.’ (Edhe. 1-10) Ẹme nọ ọsẹro usiuwoma ota o re ru. Kiẹ owhowho-uvie ọvo hayo ivẹ jọ riwi enọ i ru ọkobaro obufihọ evaọ ukpe nukpo dede nọ iruo e vọ rai obọ hayo oma o ga rai tere he. Ẹvẹ a ro ru ei? Erere vẹ a jariẹ wo? Whọ tẹ be te ta kpahe edhe-ẹme avọ 7, fodẹ ọruẹrẹfihotọ nọ ukoko na u wo kẹ usiuwoma ota evaọ March, April, gbe May.

Ole avọ 177

Oka nọ O rọ January 28 Muhọ

Ole avọ 52

10 min: Iwhowhovia obonẹ. Kareghẹhọ iwhowho-uvie re a nẹ iyẹrẹ usiuwoma ota amara ọ January. Se Iyẹrẹ epanọ igho e nya gbe obe uyere nọ uwou ogha u vi ze fiki unevaze nọ wha ru na via kẹ ukoko na. Ẹme nọ ogbotu ọ rẹ kpahe fihọ nọ a re ru no Uwou-Eroro ọ January-March gbe Awake! February ze. Nọ whọ tẹ rọ omoke jọ dhesẹ oghẹrẹ nọ uvitha ovuovo o rrọ no, nọ ogbotu na re a fodẹ izoẹme nọ a roro nọ e te were ahwo ẹkwotọ rai gbe oware nọ a ro roro ere. Nọ ogbotu na re a fodẹ igogo eme jọ evaọ uzoẹme nọ a gwọlọ ta ẹme kpahe evaọ emagazini nọ a bi ti fihọ ada na. Onọ vẹ a rẹ sae nọ ro mu ẹme họ? Kọ ikereakere vẹ a roro nọ a te jọ uzoẹme na se? Ẹvẹ a sai ro dhesẹ oghẹrẹ nọ ikere na i ro wobọ kugbe uzoẹme na? Ẹkwoma iroro nọ a jẹ fihọ ẹwẹ-obe avọ 8 na, ru odhesẹvia epanọ a re ro fi emagazini ọvuọvo họ ada.

20 min: ‘Se Isẹri Kpahe Emamọ Usi na Ziezi.’ (Edhe. 11-17) Wha te wo ebe uzizie erọ Ekareghẹhọ na no, wha ghale ọvuọvo rọ kẹ ohwo kpobi evaọ ogbotu na evaọ okenọ whọ tẹ be ta ẹme kpahe edhe-ẹme avọ 14. Fodẹ ọruẹrẹfihotọ nọ ukoko rai u wo nọ wha te rọ ghale obe uzizie na nya ẹkwotọ rai duwu.

15 min: “Fi Obọ họ kẹ Emọ-Uwuhrẹ Ebaibol re A Te Iwhowho-Uvie.” Epanọ oke o kuvẹ te, se jẹ t’ẹme kpahe ikere nọ a fodẹ na.

Ole avọ 22

Oka nọ O rọ February 4 Muhọ

Ole avọ 161

10 min: Iwhowhovia obonẹ. Kiẹ Ẹkpẹti Onọ riwi.

10 min: Kọ whọ be rehọ omobe Ẹkiẹriwo Ikereakere na Kẹdẹ Kẹdẹ ruiruo? Ẹme gbe ọkpahefihọ ogbotu nọ a re ru no oria ẹme nọ ọ karo evaọ omobe ọ Ẹkiẹriwo Ikereakere na Kẹdẹ Kẹdẹ—2008 ze. Ta epanọ u ro fo re ohwo kpobi ọ hae rehọ omoke jọ ro se ikere okpẹdẹ avọ ọkpahefihọ na kẹdẹ kẹdẹ. Nọ ogbotu na re a ta kpahe ọruẹrẹfihotọ nọ a wo nọ a be hai ro se obe okpẹdẹ na gbe erere nọ a wo no. Ta kẹ omọvo hayo imava jọ kpahotọ. Ta ẹme kpẹkpẹe kpahe uzoẹme ẹgbukpe ọrọ 2008 na.

25 min: “Kọ Whọ be Vae?” Ọkpako ukoko o re ru ei. Kẹsena who ve mu ẹmeọta-kugbe kpahe ividio Patient Needs and Rights na họ ababọ oke-oraha, rehọ enọ nọ a kẹ evaọ uzoẹme na ro ru ei. Evaọ ekuhọ, se edhe-ẹme urere na jẹ tudu họ ahwo kpobi awọ re a roma totọ se izoẹme nọ a rehọ no Uwou-Eroro Na gbe Odibọgba Uvie Mai na ze. Dhesẹ epanọ uko obeva ọrọ Odibọgba Uvie Mai ọrọ December 2006 na o re ro fi obọ họ kẹ ohwo nọ o ri kere eme fihọ ekade azẹ riẹ hẹ re ọ sai jiroro oghẹrẹ usiwo imu nọ ọ rẹ salọ. Ahwo nọ a kere eme fihọ ekade azẹ rai no vẹre a rẹ sai kere ọfa otẹrọrọ a gwọlọ nwene ẹjiroro rai jọ.

Onọ a sai ro nwene ei, ta ẹme kpahe Enọ Ahwo nọ A s’Ebe evaọ Uwou-Eroro Na ọrọ June 15, 2004, (ọrọ Oyibo).

Ole avọ 4

[Oruvẹ-obotọ]