Omaa Ewuhrẹ Odibọgba

Oka nọ O rọ March 10 Muhọ

Ole avọ 131

10 min: Iwhowhovia obonẹ. Ẹkwoma iroro nọ a jẹ fihọ ẹwẹ-obe avọ 4 na hayo efa jọ nọ i kiehọ kẹ ẹkwotọ ukoko rai, ru odhesẹvia epanọ a re ro fi Uwou-Eroro ọ January-March gbe Awake! ọ March họ ada kugbe obe-uzizie Ekareghẹhọ na.

20 min: Fikieme Ma Je Kpohọ Iwuhrẹ? Ẹme gbe ọkpahefihọ ogbotu nọ a re ru no Uwou-Eroro ọ May 15, 2007 (ọrọ Oyibo) ze, ẹwẹ-obe avọ 11-13. Nọ ogbotu na re a ta epanọ a ro wo erere no iwuhrẹ ukoko na ze no, gbe epanọ a ro fi ebẹbẹ nọ e rẹ gwọlọ whaha ae iwuhrẹ enya ẹsikpobi kparobọ no.

15 min: “Mai Kpobi Ma Wo Oware Jọ nọ Ma rẹ Sae Kẹ Jihova.”a Epanọ oke o riẹ te, ta kẹ ogbotu na re a kpahe fihọ ikereakere nọ a fodẹ na.

Ole avọ 8

Oka nọ O rọ March 17 Muhọ

Ole avọ 144

10 min: Iwhowhovia obonẹ. Kareghẹhọ iwhowho-uvie re a nẹ iyẹrẹ usiuwoma ota ubro ọsosuọ amara ọ March. Tuduhọ ogbotu na awọ inọ a wha Uwou-Eroro ọ April-June avọ Awake! ọ April lele oma ziọ Ewuhrẹ Odibọgba oka notha, re a jẹ ruẹrẹ idhere usiuwoma ota nọ a roro nọ i kiehọ kẹ ẹkwotọ rai họ. Iwhowhovia nọ a salọ no Odibọgba Uvie Mai ze.

15 min: Ẹkpẹti Onọ. Ọkpako ukoko o re ru ei. Se jẹ ta ẹme kpahe oma uzoẹme na soso.

20 min: “Ẹvẹ Ma Sai ro Fi Obọ họ kẹ Ahwo nọ E Ziọ Ekareghẹhọ Na?” Nọ whọ te ta kpahe edhe-ẹme avọ 5, ru odhesẹvia ọkpẹkpẹe ọrọ epanọ a sai ro mu obe-uwuhrẹ Ebaibol họ kugbe ohwo jọ nọ ọ ziọ Ekareghẹhọ na.

Ole avọ 214

Oka nọ O rọ March 24 Muhọ

Ole avọ 111

10 min: Iwhowhovia obonẹ. Vuẹ ogbotu na re a wha ibroshọ na Edhere nọ O Re Su Kpohọ Uzuazọ Ebẹdẹ Bẹdẹ-Kọ Who Duku Ei No? lele oma ziọ Ewuhrẹ Odibọgba evaọ oka na, a ve je se uwuhrẹ avọ 5 no obọ uwou ze. Se Iyẹrẹ epanọ igho e nya gbe obe uyere nọ uwou ogha u vi ze fiki unevaze nọ wha ru na via kẹ ukoko na.

15 min: Ruẹrẹ Oma Kpahe re Who Fi Emagazini Ekpokpọ na họ Ada. Ẹme nọ ogbotu na ọ rẹ kpahe fihọ. Nọ whọ tẹ rọ omoke jọ ta kpahe izoẹme nọ e rrọ Uwou-Eroro ọ April-June gbe Awake! ọ April no, nọ ogbotu na re a fodẹ izoẹme nọ a roro nọ e te were ahwo ẹkwotọ rai, gbe oware nọ a ro roro ere. Nọ ogbotu na re a fodẹ igogo eme jọ nọ e rrọ izoẹme na nọ a ma omaa nọ a ti ro fi emagazini na họ ada. Enọ vẹ a rẹ sae nọ ro mu ẹme họ? Kọ ikereakere vẹ evaọ uzoẹme na a roro nọ a sai se? Rehọ iroro nọ ogbotu na a jẹ ze na ro ru idhesẹvia epanọ a re ro fi Uwou-Eroro ọ April-June gbe Awake! ọ April na họ ada.

20 min: Ma Be Vuẹ Ahwo Emamọ Usi Oware Uwoma. Ọkpako ukoko o te ru ẹme-emuhọ nọ o rẹ kpẹre vi uminiti ovo no, o ve ru ẹme no Uwou-Eroro ọ July 1, 2005 ze, ẹwẹ-obe avọ 24-25, edhe-ẹme avọ 10-14. Nọ ogbotu na re a ta kpahe epanọ ovuẹ Uvie na o rọ kẹ ae omosasọ gbe ẹruore evaọ oke ọsosuọ nọ a ro yoi.

Ole avọ 29

Oka nọ O rọ March 31 Muhọ

Ole avọ 37

5 min: Iwhowhovia obonẹ. Kareghẹhọ iwhowho-uvie re a nẹ iyẹrẹ usiuwoma ota ubro avivẹ amara ọ March.

25 min: Uzẹme Kpahe Emajiki, Ẹva-Ọgba, gbe Eda. Ọkpako o re ru ei. Ta ẹme-emuhọ iminiti ivẹ hayo esa rono edhe-ẹme 1-5 ọrọ uwuhrẹ avọ 5 evaọ ibroshọ na, Edhere nọ O Re Su Kpohọ Uzuazọ Ebẹdẹ Bẹdẹ-Kọ Who Duku Ei No? Kẹsena whọ vẹ rọ enọ gbe iyo ro ru edhe-ẹme avọ 6-17. Se edhe-ẹme avọ 10, 11, 12, gbe ẹkpẹti nọ ọ rrọ ẹwẹ-obe avọ 18, je fi obọ họ kẹ inievo na re a wo ovuhumuo kẹ uzẹme Ebaibol na onọ u si omai no igbo ọrọ erue nọ Setan ọ be vravrẹ gbe iwuhrẹ idhivẹri.—Jọn 8:32, 44.

15 min: “Wha Tudu họ Ohwohwo Awọ nọ Wha Tẹ Rrọ Usiuwoma.”

Ole avọ 155

Oka nọ O rọ April 7 Muhọ

Ole avọ 186

10 min: Iwhowhovia obonẹ.

20 min: Fikieme Who bi ro Go Oke Ame-Ọhọ Ra Haro? Ẹme nọ ọkpako ukoko o re ru no Uwou-Eroro ọ July 1, 2006 ze, ẹwẹ-obe avọ 29-30, edhe-ẹme 14-17. Rọ omoke kpẹkpẹe kiẹ owhowho-uvie ọvo hayo ivẹ riwi, enọ e họ-ame evaọ okenọ a jọ ikpe ikpegbọ. Eme ọ wọ rai jẹ owọ nana nọ u wuzou gaga na evaọ oke ọmaha? Ẹvẹ ame-ọhọ rai o ro fi obọ họ kẹ ai rro haro evaọ abọ-ẹzi, nọ o rẹ thọ ohwo no eyoma?

15 min: Kọ Whọ Dawo Edhere Ovavo na No? Ẹme gbe ọkpahefihọ ogbotu nọ a re ru no uko-obeva Odibọgba Uvie Mai ọrọ January 2002 ze, ẹwẹ-obe avọ 6. Ta kpahe idhere oriruo nọ a jọ etẹe kẹ, gbe epanọ a sai ro nwene ai rọ rehọ obe Ebaibol Wuhrẹ na ro mu obe-uwuhrẹ họ. Who ve ru odhesẹvia ọvo hayo ivẹ. Ta udu họ ogbotu na awọ re evaọ oka nọ o tha na, a daoma rehọ edhere ovavo rọ rehọ obe Ebaibol Wuhrẹ na ro mu obe-uwuhrẹ Ebaibol họ.

Ole avọ 225

[Oruvẹ-obotọ]