Omaa Ewuhrẹ Odibọgba

Oka nọ O rọ July 14 Muhọ

Ole avọ 126

10 min: Iwhowhovia obonẹ. Kareghẹhọ iwhowho-uvie re a nẹ iyẹrẹ usiuwoma ota ubro ọsosuọ amara ọ July. Ẹkwoma iroro nọ a jẹ fihọ ẹwẹ-obe avọ 4 na hayo efa nọ i kiehọ kẹ ẹkwotọ ukoko rai, ru odhesẹvia epanọ a re ro fi Uwou-Eroro ọ July–September gbe Awake! July họ ada.

15 min: Kọ Whọ sae T’ẹme Ududu? Ẹme nọ a re ru no Uwou-Eroro ọ May 15, 2006 ze (ọrọ Oyibo), ẹwẹ-obe avọ 13-16. Fiẹgbahọ epanọ u wuzou te re ma ta usiuwoma avọ aruọwha.

20 min: “Edidi Evawere Uviuwou.”a Fodẹ eware iwoma jọ nọ e rrọ obe na. Kiẹ omaa nọ a ti ro wuhrẹ obe na riwi. Ku eme kugbei rono Odibọgba Uvie Mai ọrọ July 1997 ze nọ o ta kpahe ewuhrẹ obe Edidi Evawere Uviuwou na. Ta udu họ ahwo kpobi awọ re a hai kpohọ ewuhrẹ na ẹsikpobi, re a jẹ kẹ iyo ziezi. Rọ omoke jọ kiẹ owhowho-uvie ọvo hayo ivẹ riwi enọ a riẹ inọ a rẹ ruẹrẹ oma kpahe ziezi kẹ iwuhrẹ, jẹ nọ ae oware nọ o be hae lẹliẹ ai ru ere.

Ole avọ 147

Oka nọ O rọ July 21 Muhọ

Ole avọ 95

10 min: Iwhowhovia obonẹ. Iwhowhovia nọ a salọ no Odibọgba Uvie Mai ze. Kareghẹhọ ahwo na kpobi re a wha Uwou-Eroro ọ July–September gbe Awake! August lele oma ziọ Ewuhrẹ Odibọgba oka notha, re a jẹ ruẹrẹ oma kpahe nọ a te rọ ta kpahe epanọ a sai ro fi emagazini na họ ada evaọ ẹkwotọ rai.

15 min: Ẹgwọlọ ukoko na.

20 min: “Omaruẹrẹkpahe—U re Fi Obọ Họ K’omai Ru Izihebro Ziezi.” Ku ẹme-ogukẹ omobọ ohwo iminiti ene kugbei onọ owhowho-uvie ọ jẹ be ruẹrẹ oma kpahe kẹ ozihebro. Ọ be kiẹ eware nọ o kere fihotọ riwi, ọ tẹ jiroro inọ o re zihe bru imava evaọ urere oka na. Kẹsena o te roro kpahe oware nọ o lele imava na ta evaọ oke nọ u kpemu, o roro kpahe ẹjiroro nọ ọ be rọ nyabru ahwo na jẹ ruẹrẹ oma kpahe epanọ ọ sai ti ro ru ẹjiroro riẹ na gba. Ọ tẹ ruẹrẹ oma kpahe re ọ to obe-uwuhrẹ Ebaibol họ kugbe ọ jọ. Rọkẹ ọnọ o kiọkọ, ọ tẹ ruẹrẹ oma kpahe re ọbọ isiuru riẹ kpahe uzẹme na ga ẹkwoma iroro nọ a jẹ fihọ edhe-ẹme avọ 5 ọrọ uzoẹme nana.

Ole avọ 189

Oka nọ O rọ July 28 Muhọ

Ole avọ 6

10 min: Iwhowhovia obonẹ. Kareghẹhọ ahwo kpobi re a nẹ iyẹrẹ usiuwoma ota ọ ubro avivẹ amara ọ July. Se Iyẹrẹ epanọ igho e nya gbe obe uyere nọ uwou ogha u vi ze fiki unevaze nọ wha ru na via kẹ ukoko na. Fodẹ ebe nọ a ti fihọ ada evaọ amara ọ August, je ru odhesẹvia ọvo.

15 min: Epanọ Ma rẹ rọ Yọrọ Eriwo Ovẹrẹ. Ẹme ọjaja nọ a re ru no Uwou-Eroro ọ January 1, 2007 ze, ẹwẹ-obe avọ 10-11, edhe-ẹme avọ 17-21.

20 min: Ruẹrẹ Oma họ re Who Fi Emagazini Ekpokpọ na Họ Ada. Ẹme nọ ogbotu na ọ rẹ kpahe fihọ. Nọ whọ tẹ rọ omoke jọ ta kpahe izoẹme nọ e rrọ Uwou-Eroro ọ July–September gbe Awake! August no, nọ ogbotu na re a fodẹ izoẹme nọ a roro nọ e te were ahwo ẹkwotọ rai, gbe oware nọ a ro roro ere. Nọ ogbotu na re a fodẹ igogo eme jọ nọ e rrọ izoẹme na nọ a roro nọ a ti ro fi emagazini na họ ada. Enọ vẹ a rẹ sae nọ ro mu ẹme họ? Kọ ikereakere vẹ evaọ uzoẹme na a roro nọ a sai se? Ẹkwoma edhere usiuwoma ota oriruo nọ e rrọ Odibọgba Uvie Mai na hayo iroro nọ ogbotu na a jẹ ze na, ru odhesẹvia epanọ a sai ro fi emagazini enana họ ada.

Ole avọ 106

Oka nọ O rọ August 4 Muhọ

Ole avọ 222

10 min: Iwhowhovia obonẹ.

15 min: Kọ Emọ ra A Ruẹrẹ Oma Kpahe no re a Fi Use-abọ nọ a te Rẹriẹ Ovao Dhe Evaọ obọ Isukulu Kparobọ? Ẹme gbe ọkpahefihọ ogbotu. Fodẹ eghẹrẹ use-abọ jọ nọ izoge ileleikristi a be rẹriẹ ovao dhe eva obọ isukulu. Dhesẹ epanọ esẹgbini avọ emọ rai a sae rọ rehọ Watch Tower Publications Index rọ gwọlọ evuẹ nọ i re fi obọ họ. Kẹ iriruo jọ. (Rri uzoẹme na “Schools,” gbe uzoẹme-osese nọ o rrọ otọ riẹ na “experiences.”) Zizie enọ a jọ iviuwou Ileleikristi yọrọ evaọ ogbotu na re a ta epanọ esẹgbini rai a ro wuhrẹ ai epanọ a sai ro fi ebẹbẹ kparobọ je fi ehri-izi Ebaibol họ iruo eva obọ isukulu. A sae jẹ fodẹ izoẹme jọ nọ a jọ Awake! se kpahe nọ a ruẹrẹhọ inọ a te tẹme kpahe evaọ obọ isukulu. Nọ ae re a ta epanọ usiuwoma nọ a rẹ jọ obọ isukulu ta o rọ rrọ ọthọwẹ kẹ ae.

20 min: “Ma Be Kpọ Iwuhrẹ Ethọthọ nọ I Kri Otọ no Vi.” Zizie ogbotu na re a ta epanọ ohwo nọ o wuhrẹ obe kugbe ai ọ sae rọ rehọ odiri fi obọ họ kẹ ae nyasiọ iwuhrẹ erue nọ a rọwo kri no ba.

Ole avọ 83

[Oruvẹ-obotọ]