Oma Rọkẹ Oka ọ February 15
OKA NỌ O RỌ FEBRUARY 15 MUHỌ
Ole avọ 144
□ Uwuhrẹ Ebaibol Ukoko:
□ Isukulu Odibọgba Esuo-Ọghẹnẹ:
Isase Ebaibol: Ibruoziẹ 15-18
No. 1: Ibruoziẹ 16:1-12
No. 2: Kọ re A Siwi Uzuazọ O Lẹliẹ Ẹraha Uzi Ọghẹnẹ Kiehọ? (td-IS 3B)
No. 3: Oware nọ O Lẹliẹ Jesu Se Ẹdhọ ‘Ọsẹ Ọterue’ (Jọn 8:44)
□ Ewuhrẹ Odibọgba:
5 min: Iwhowhovia.
15 min: Ruẹrẹ Oma Kpahe re Who Fi Uwou-Eroro gbe Awake! họ ada. Rehọ omoke jọ ta kpahe emagazini na, jẹ fodẹ izoẹme nọ e sae te were ahwo ẹkwotọ rai na. Ru odhesẹvia nọ owhowho-uvie ọ be jọ ruẹrẹ oma kpahe kẹ epanọ o ti ro fi emagazini họ ada. Ọ salọ izoẹme nọ e te mai kiehọ ẹkwotọ na, jẹ ruẹrẹ onọ jọ họ gbe Ikerakere nọ o ti se ro fi ai họ ada. Kẹsena ọ tẹ dawo oghẹrẹ nọ o ti ro fi emagazini enana họ ada.
15 min: “Ma te Wariẹ Wuhrẹ Obe na Eme Ebaibol na O Gine Wuhrẹ?” Ẹme enọ gbe iyo. Wha tẹ ta kpahe idhe-eme na no, rehọ eme nọ e rrọ ẹwẹ-obe avọ 70 ọrọ obe ọ Isukulu Odibọgba rọ kẹ ekareghẹhọ epanọ a rẹ rọ kpahe fihọ enọ evaọ iwuhrẹ ukoko.
Ole avọ 224