“Oke Vẹ U Fo nọ Me re Kele?”

Kọ whọ nọ onọ yena no ẹdẹjọ? A jọ obe ọ A Koko Omai Họ evaọ ẹwẹ-obe avọ 86-87 kẹ ekpọvio nọ ma rẹ sae nya lele. Evaọ ẹsejọ ekpọvio efa e be hae romavia, wọhọ epaọ onọ o rrọ Ẹkpẹti Onọ Odibọgba Uvie Mai ọrọ September 2008. Nọ orọnọ iyero i re wo ohẹriẹ na, a kẹ omai izi buobu hu. Fikiere, u fo ho re ekpako ukoko hayo amọfa a fi ekpọvio obọ rai fihọ.

Otẹrọnọ onọ jọ o romavia, yọ ukoko u ri kere uvumọ ọkpọvio kpahe iẹe he, owhowho-uvie kpobi o re roro Kpahe enọ nana: Kọ odibọgba na a raha oke na fihọ? Manikọ oware ofa nọ o rrọ abọjọ iruo na ha a rehọ oke na ru? Oke nọ ma be n’iyẹrẹ riẹ kamara kamara o rẹ jọ onọ o rẹ wha oghọghọ se omai orọnikọ obrukpe iroro ho. (Iruẹru 23:1) Oware nọ o rẹ mae jọ omai oja họ orọnikọ epanọ ma re ro kele euwa ha rekọ epanọ ma rẹ rehọ oke mai ruiruo ziezi evaọ odibọgba na.—Hib. 6:11.