Ẹvẹ Obe na O Rrọ?

Oyena yọ emamọ onọ nọ ma rẹ nọ taure ma te fi obe jọ kpobi họ ada. Obe kpobi nọ u kpiriku, nọ u nwene ovao no, nọ o rrọ gbegbe, hayo bẹre no u re ru nọ ahwo a gbe wo adhẹẹ kẹ ukoko na ha, jẹ sai ru nọ ohwo na o gbe wo isiuru hu kpahe obọdẹ ovuẹ esiwo nọ o rrọ obe utioye.

Ẹvẹ ma sai ro ru ebe mai fihọ kpatiẹ jẹ jọ fuafo? Ibuobu a rẹ ruẹrẹ oghẹrẹ ebe evona fihọ oria ovo evaọ ẹkpa usiuwoma ota rai. Wọhọ oriruo, u wo oria nọ a re fi ebe ikokoli họ, ofa kọ emagazini avọ ibroshọ, ofa rọkẹ emebe-evẹvẹ. Oke kpobi nọ a tẹ ta usiuwoma no, a rẹ rọ romatotọ zihe Ebaibol rai gbe obe ofa kpobi fihọ ẹkpa rai re o seba ẹbẹre hayo ekpiriku. Iwhowho-uvie jọ a re fi ebe rai họ ẹmẹkpa ọkpakpala hayo ẹmẹkpa urọba nọ a rẹ ruẹ lafi. Oghẹrẹ kpobi nọ ma be rọ wha ebe mai kẹhẹ, joma daoma re ma siọ ebe nọ i kpiriku, nọ e rrọ gbegbe hayo bẹre no ba ẹrọkẹ ohwo re ọ siọ usiuwoma ota mai ba ẹfuọ.—2 Kọr. 6:3.