Idhere Usiuwoma Ota Oriruo

Onọ A rẹ rọ To Ebe-Iwuhrẹ Ebaibol họ Evaọ Ẹdẹ-Ọmaha Ọsosuọ February

“Uyerakpọ ogaga nọ ma yeri te o wha riẹ ze nọ evawere e gbẹ rrọ iviuwou buobu hu. Kọ eme who roro nọ o sai fi obọ họ kẹ omai wo evawere evaọ iviuwou mai?” Kuvẹ kẹ uyo. Kẹsena whọ vẹ rehọ Uwou-Eroro ọ January-March na kẹe, wha vẹ ta ẹme kpahe onọ jọ evaọ ẹwẹ-obe avọ 10 gbe 11. Se ikere jọ nọ a jariẹ fodẹ. Kẹe Uwou-Eroro na avọ Awake! je ru ọruẹrẹfihotọ epanọ who ti ro zihe re whọ kuyo onọ ofa jọ nọ o riẹe.

Uwou-Eroro Na January-March

“U mu omẹ ẹrọ inọ whọ riẹ nnọ koware koware nọ ohwo jọ o ru u wo ẹjiroro nọ o ro ru ei. Kọ who tube roro no ẹdẹjọ inọ ‘fikieme Ọghẹnẹ ọ rọ ma omai?’ [Kuvẹ kẹ uyo.] U woma kẹhẹ inọ Ọghẹnẹ oyoyou mai na o dhesẹ ẹjiroro nọ ọ rọ ma omai. [Se Ọtausiuwoma Na 12:13.] Uzoẹme nana nọ u muhọ evaọ ẹwẹ-obe avọ 28 na u dhesẹ oware nọ u je fo re ma ru oware nọ a rọ fiki riẹ ma omai, gbe erere nọ ma re wo nọ ma te ru ere.”

Awake! February

“O rẹ were ahwo gaga nẹnẹ re a lele amọfa ta ẹme evaọ Itanẹte. Kọ who roro nọ ebẹbẹ jọ i re no oghẹrẹ ẹmeọta-kugbe nana na ze? [Kuvẹ kẹ uyo.] Whaọ, ma rẹ sae jọ Ebaibol ruẹ ehrẹ nọ e rẹ thomai no ebẹbẹ nọ e rẹ sai no ẹmeọta-kugbe evaọ Itanẹte ze. [Rovie ẹwẹ-obe avọ 6-9, re whọ jariẹ ta ẹme kpahe onọ gbe ikere jọ.] Emagazini nana u ti fi obọ họ kẹ owhẹ riẹ ebẹbẹ nọ i re no ẹmeọta-kugbe evaọ Itanẹte ze gbe epanọ ma rẹ rọ whaha ae.”