Idhere Usiuwoma Ota Oriruo

Onọ A rẹ rọ To Ebe-Iwuhrẹ Ebaibol họ Evaọ Ẹdẹ-Ọmaha Ọsosuọ September

“Mai kpobi ma wo imoni hayo egbẹnyusu mai nọ i whu no. Kọ who wo ẹruore nọ whọ te wariẹ rue rai? [Kuvẹ kẹ uyo.] Muẹrohọ eme nana nọ e rẹ kẹ omosasọ na.” Se jẹ ta ẹme kpahe onọ ọsosuọ na evaọ ẹwẹ-obe avọ 26 ọrọ Uwou-Eroro ọ July-September, je se oria Ikere ọvo jọ nọ a jariẹ fodẹ. Ku Awake! kugbe Uwou-Eroro na rọ kẹe, je ru ọruẹrẹfihotọ epanọ whọ te rọ kuyo onọ nọ o kẹle riẹ na.

Uwou-Eroro Na July-September

“O rrọ bẹbẹ kẹ ahwo jọ re a rehọ areghẹ raha ugho nọ a bi wo. Eme who roro nọ o rẹ sai fi obọ họ kẹ ahwo otiọye? [Kuvẹ kẹ uyo.] Iviena muẹrohọ ẹme nọ Ebaibol ọ jọ etenẹ ta. [Se Itẹ 21:5.] Oria nana u dhesẹ nọ re a wo omaa-araha o sai fi obọ họ. Kọ ehri-izi Ebaibol efa vẹ who roro nọ e sai fi obọ họ kẹ ohwo raha ugho mu utho nọ o bi wo.”

Awake! September

“Ahwo buobu nẹnẹ a be ruawa gaga fiki ẹbẹbẹ ugho. Eme who roro nọ u bi ru ei jọ bẹbẹ re ahwo a sae re eva vọ? [Kuvẹ kẹ uyo.] Obọdẹ ehrẹ buobu e rrọ Ebaibol na nọ i fi obọ họ kẹ ibuobu no evaọ ẹraha ugho rai avọ areghẹ. [Se oria ikere ọvo jọ nọ e rrọ ẹwẹ-obe avọ 8-9.] A jọ emagazini nana kẹ ithubro nọ i re fi obọ họ kẹ enọ e re esa.”