Idhere Usiuwoma Ota Oriruo

Onọ A rẹ rọ To Ebe-Iwuhrẹ Ebaibol họ Evaọ Ẹdẹ-Ọmaha Ọsosuọ September

“Ahwo buobu nẹnẹ a re se Ọghẹnẹ edẹ wọhọ “ỌNOWO” hayo “Erumeru.” Kọ who roro nọ u wuzou re ma se odẹ oma Ọghẹnẹ? [Kuvẹ kẹ uyo.] Joma se oghẹrẹ nọ Ọghẹnẹ o rri onana.” [Se Aizaya 12:4.] Kẹe Uwou-Eroro ọ July-September na, re who se jẹ ta ẹme kpahe onọ ọsosuọ nọ o rrọ ẹwẹ-obe avọ 26. Se oria Ikere ọvo jọ nọ a jariẹ fodẹ. Ku Awake! kugbe rọ kẹe, je ru ọruẹrẹfihotọ nọ who ti ro zihe re wha ta ẹme kpahe onọ nọ o kẹle riẹ.

Uwou-Eroro Na July-September

“Ẹbẹbẹ ugho u bi dhe ẹgẹga kukpe kukpe. Yọ uzuazọ o sae ga vi epaọ ọsosuọ otẹrọnọ ohwo o gbe bi wo ugho te epanọ ọ jẹ hai wo vẹre he. Kọ o tẹ via ere, who roro nọ ehrẹ jọ e rrọ Ebaibol na nọ e sai fi obọ họ kẹ omai? [Kuvẹ kẹ uyo. Se 2 Timoti 3:16, 17.] Uzoẹme nana nọ o rrọ ẹwẹ-obe avọ 28 evaọ emagazini nana o ta ẹme kpahe eware ene jọ evaọ Ebaibol na nọ i fi obọ họ kẹ ahwo buobu no.”

Awake! September

“Ahwo buobu a be ta nọ ebọmbo, eware wọhọ etọ nọ i re nuhu, ẹvo, okpofou, ekwakwa obehru nọ i ti kie ze, hayo ẹroro e te raha akpọ na muotọ. Kọ who roro nọ ma sai fievahọ eme itieye na? [Kuvẹ kẹ uyo.] Rri emamọ eyaa nọ ọ rrọ Ebaibol na. [Se Olezi 37:29.] Emagazini nana ọ ta kpahe eware imuozọ jọ nọ ahwo a ta nọ e te via gbe oghẹrẹ nọ Ebaibol o dhesẹ nọ obaro akpọ ọ te jọ.”