Iriruo Usiuwoma Ota

Onọ A re ro Mu Ebe-Iwuhrẹ Ebaibol Họ Evaọ Ẹdẹ-Ọmaha Ọsosuọ Azie

“Ma be ta ẹme kpẹkpẹe kugbe ahwo kpahe oware jọ nọ enwenọ ohwo kpobi ọ be hai ru. Makọ egagọ nọ ma rrọ kẹhẹ, enwenọ ohwo kpobi ọ rẹ lẹ. Kọ whọ riẹ oware nọ u ro fo nọ ma lẹ se Ọghẹnẹ? [Kuvẹ kẹ uyo.]” Dhesẹ uke Uwou-Eroro Azie rite Akpe na kẹe, wha ve se edhe-ẹme ọsosuọ nọ ọ rrọ otọ onọ ọsosuọ na. Se oria Ebaibol nọ a jariẹ fodẹ na. Ku Awake! kugbe rọ kẹe, wha ve fi oke họ nọ who ti ro zihe re wha ta ẹme kpahe edhe-ẹme nọ ọ kẹle riẹ na.

Uwou-Eroro Na Azie rite Akpe

Fodẹ oware jọ nọ a jọ irediyo hayo etẹlẹvisiọno ta kpahe nọ u kpomahọ ahwo okegbe na. Kẹsena whọ vẹ ta nọ: “Eme who roro nọ o be lẹliẹ ahwo ru eware iyoma itieye? [Kuvẹ kẹ uyo.] Ebaibol na ọ kẹ omai imuẹro nọ eware yena i ti kuhọ kẹle. [Se 2 Pita 3:13.] Emagazini nana ọ fodẹ oware nọ Ebaibol na ọ ta nọ o be lẹliẹ ahwo ru eware iyoma gbe oghẹrẹ nọ Ọghẹnẹ o ti ro si eyoma no akpọ na kẹle.”

Awake! Azie

“Ma be ta kpahe ẹbẹbẹ jọ nọ ahwo buobu a bi wo. Ahwo jọ nọ ega-iruo rai a bi ro ru iruo vrẹta a be sai fi ẹbẹbẹ nana kparobọ họ. Ahwo nọ i wuhrẹ kpahe iruo a ta nọ onana o rẹ lẹliẹ iruo vẹso ohwo, yọ o rẹ sae lẹliẹ ohwo kie ẹyao hayo jọ ọkọkora. Eme who roro nọ o rẹ sai fiobọhọ kẹ ohwo nọ o gbe ru iruo vrẹta ha? [Kuvẹ kẹ uyo.] Joma se oria Ebaibol jọ. [Se Ọtausiuwoma Na 4:6.] Emagazini nana ọ ta kpahe idhere ene nọ ma sae rọ rehọ eware nọ i wuzou karo gbe oware nọ ma re ru nọ iruo e tẹ vẹso omai no.”