Ipini Ivẹ nọ I re Te Oware Dẹ Hẹ

Emamọ edhere jọ nọ ma rẹ rọ wha iruo Uvie na haro họ ugho nọ ma rẹ rọ tha iruo usiuwoma ota akpọ soso mai uke. Kọ otẹrọnọ akpọ ọ rrọ omai oma gaga?

Ẹdẹjọ Jesu ọ jọ etẹmpol na ruẹ ayeuku oyogbere jọ nọ o fi ipini ivẹ nọ i re te emamọ oware ovo dẹ hẹ họ emetehe-okẹ. Fikinọ o you Jihova, o fi “onọ ukiọkọ kẹ e, . . . makọ eyero riẹ” kpobi họ. (Mak 12:41-44) Nọ orọnọ Jesu o muẹrohọ onana, koyehọ Ọghẹnẹ o rri okẹ unevaze na ruaro. Epọvo na, Ileleikristi ikpe-udhusoi ọsosuọ a roro ho inọ ahwo nọ i fe ọvo a re ru okẹ unevaze. Wọhọ oriruo, Pọl ukọ na ọ fodẹ inievo obọ Masidonia enọ e jọ “uvuhu ogaga rai” yare inọ a kẹ ae uvẹ nọ a rẹ rọ “jọ obufihọ kẹ” inievo efa.—2 Kọr. 8:1-4.

Fikiere, ma rẹ kareghẹhọ inọ onọ ma zọhọ ze o tẹ make kao, a te ku ei kugbe erọ amọfa i re bu. Okẹ mai u te no udu ze, o rẹ were Ọsẹ obọ odhiwu mai, “keme Ọghẹnẹ o re you ohwo nọ ọ rẹ kẹ okẹ-evawere.”—2 Kọr. 9:7.