Oma Rọkẹ Oka ọ Ọvo 26

Ole avọ 99 gbe Olẹ

Uwuhrẹ Ebaibol Ukoko:

lv uzou 13 edhe. 1-4 gbe ẹkpẹti nọ ọ rrọ ẹwẹ. 148-149, 158-159 (Iminiti 30)

Isukulu Odibọgba Esuo-Ọghẹnẹ:

Isase Ebaibol: Ibruoziẹ 5-7 (Iminiti 8)

Ẹme 1: Ibruoziẹ 7:12-25 (Iminiti 3 hayo kpẹre viere)

Ẹme 2: Oghẹrẹ nọ Jesu O ro Dhesẹ nọ O Te Ovie (Iminiti 5)

Ẹme 3: Idhere nọ Ma Sai ro Wuhrẹ Kpahe Jihova—igw ẹwẹ. 5 edhe. 1-4 (Iminiti 5)

Ewuhrẹ Odibọgba:

Uzoẹme Amara Na: “Rọ omaurokpotọ kpobi gbodibo kẹ Olori na.”—Iruẹru 20:19.

Ole avọ 88

Iminiti 10: Ebe nọ Ma te rọ Kẹ Ahwo Evaọ Ọvo gbe Ava. Ẹme nọ a rẹ kpahe fihọ. Nọ inievo na re a gbe emamọ iku epanọ a rọ rehọ ibroshọ Emamọ Usi na kẹ ahwo no. Ru odhesẹvia ọkpẹkpẹe epanọ a rẹ rọ rehọ ibroshọ na kẹ ahwo. Kẹsena whọ vẹ ta kpahe uzoẹme na “Fikieme Ma rẹ rọ Nyavrẹ Ababọ Oke-Oraha?”

Iminiti 10: Ekpako Ukoko nọ E be Gbodibo kẹ Olori Na—Ọnọ O re Ru Uwuhrẹ Uwou-Eroro Na. Rọ enọ nana kiẹ ọnọ o re ru Uwuhrẹ Uwou-Eroro Na riwi: Eme họ ewha-iruo ra evaọ ukoko na? Ẹvẹ whọ be hae rọ ruẹrẹ oma kpahe kẹ Uwuhrẹ Uwou-Eroro Na? Fikieme o gbẹ rọ lọhọ họ re who se ohwo kpobi nọ ọ kpare obọ? Ẹvẹ ọnọ o bi se, enọ e be kẹ iyo, gbe inievo nọ e be wọ emaekrofonu na a re ro fiobọhọ ru Uwuhrẹ Uwou-Eroro Na jọ sasasa, inievo na a re je wo erere noi ze? Ẹvẹ Isukulu Odibọgba Uvie na nọ whọ nya kẹle u ro fiobọhọ kẹ owhẹ no nọ whọ be sai ro ru iruo nana nọ i wuzou na ziezi?

Iminiti 10: “Rehọ jw.org Ta Usiuwoma—‘Jọ Ogbẹnyusu Jihova.’” Ẹme nọ a rẹ kpahe fihọ. Ta kpahe eware jọ nọ e rrọ abọ nana evaọ Oria Evuẹ Itanẹte mai na, je kporo ọvo jọ kẹ ogbotu na. Nọ inievo na re a ta oghẹrẹ nọ a sae rọ rehọ “Jọ Ogbẹnyusu Jihova” na rọ ta usiuwoma n’uwou ruọ uwou, ọrọ ẹgbede gbe ọrọ oke-gheghe.

Ole avọ 135 gbe Olẹ