Esẹgbini, Wha Ru re U Woma kẹ Emọ Rai

Esẹgbini nọ e be ginẹ dhozọ Ọghẹnẹ a re rẹro nọ emọ rai a te gọ Jihova ziezi. Esẹgbini a sai ru ẹkẹ abọ rai nọ a te bi wuhrẹ ai re Ẹme Ọghẹnẹ o te emọ rai udu nọ a gbẹ rrọ emaha na. (Izi 6:7; Itẹ 22:6) Kọ a re gbobọnẹ eware jọ re a sai ru ei? Ere o rrọ! Keme ohwo nọ ọ rehọ ẹwe kpahe ufi, ọ riẹ arao nọ ọ te jariẹ kpe.​—3Jọ 4.

Esẹgbini a sai wuhrẹ eware buobu mi Josẹf avọ Meri. A “jẹ hai kpohọ Jerusalẹm kukpe kukpe kẹ ehaa Ọnyavrẹ na” dede nọ o jẹ hae rehọ oke gbe ugho mi ai re a sai ru ere. (Luk 2:41) Ghele na, a jẹ rọ obọ nọ a re fihọ kẹ uviuwou gọ Ọghẹnẹ zaharo ho. Epọvo na re, esẹgbini a rẹ kpọ emọ rai họ emamọ edhere jẹ rehọ uvẹ kpobi rọ ẹme gbe uruemu rai wuhrẹ ai.​—Ol 127:​3-5.

WHA RRI IVIDIO NA A REHỌ UVẸ KPOBI NỌ U ROVIE RUIRUO, WHA VẸ KIYO ENỌ NANA:

• Oghẹrẹ vẹ Jon avọ Sharon Schiller a rọ rehọ Uvie Ọghẹnẹ karo nọ a jẹ yọrọ emọ rai?

• Fikieme esẹgbini a gbẹ rọ rehọ oghẹrẹ ovona whọku emọ rai hi?

• Ẹvẹ esẹgbini a sai ro fiobọhọ kẹ emọ rai re a dikihẹ ga kẹ edawọ?

• Eware vẹ ukoko na u ru no nọ who bi ro wuhrẹ emọ ra re a gọ Ọghẹnẹ ziezi?