UZUAZỌ OLELEIKRISTI

Uruemu Ezi gbe Adhẹẹ Odidi O rẹ Lẹliẹ Amọfa Kurẹriẹ

Eyae nọ e rrọ ukoko na nọ i bi dhesẹ ọkpọ uruemu Kristi, a re fiobọhọ kẹ ezae rai kurẹriẹ ziọ ukoko na. Rekọ re a sai ru ere, o te gwọlọ nọ aye na o re thihakọ ebẹbẹ sa-sa evaọ ikpe buobu. (1Pi 2:21-23; 3:1, 2) Otẹrọnọ a bi kpokpo owhẹ, gbẹ hae rehọ ewoma ro fi eyoma kparobọ. (Rom 12:21) Emamọ uruemu ra o sai duobọte udu ọzae ra vi ẹmeunu ra.

Daoma hae gwọlọ ewoma ọrivẹ-orọo ra. (Fil 2:3, 4) Daoma wo ororokẹ gbe ọdawẹ kẹ ọzae ra, je ru ẹkẹ abọ ra evaọ uwou na. Hae gaviezọ ziezi nọ ọ tẹ be ta ẹme kẹ owhẹ. (Jem 1:19) Wo odiri je dhesẹ kẹe nọ who you rie. O tẹ make rọnọ ọzae ra ọ be rẹrote owhẹ hẹ, yọ ọ be kẹ owhẹ adhẹẹ wọhọ epanọ who bi ru kẹe he, jọ u mu owhẹ ẹro nọ Jihova o bi muẹrohọ omodawọ ra.—1Pi 2:19, 20.

WHA RRI IVIDIO NA JIHOVA Ọ RẸ KẸ OMAI ẸGBA YERIKUGBE EBẸBẸ MAI, KẸSENA WHA VẸ KIYO ENỌ NANA:

Ẹvẹ eware e jọ kẹ Grace Li nọ ọ rọo no obọ?
Eme o soriẹ ze nọ o ro mu Ebaibol họ ewuhrẹ?
Oghẹrẹ vẹ Sista Li o ro thihakọ ebẹbẹ nọ ọ nwane họ-ame no?
Eme Sista Li ọ jẹ lẹ kpahe fiki ọzae riẹ?
Irere jọ vẹ i te Sista Li no fiki emamọ uruemu gbe adhẹẹ odidi riẹ?

Iwoho na: Iwoho sa-sa nọ a rehọ no ividio na ze, ‘Jihova Ọ rẹ Kẹ Omai Ẹgba Yerikugbe Ebẹbẹ Mai,’ enọ i dhesẹ epanọ Grace Li o ro wo ẹnyaharo. 1. Grace nọ ọ be viẹ evaọ ogebara. 2. Oniọvo-ọmọtẹ nọ o bi wuhrẹ Ebaibol kugbe Grace; 3. Grace avọ emọ riẹ nọ a bi no uwou eki rai kpohọ ewuhrẹ; 4. Grace avọ ahwo uviuwou riẹ nọ a te imazii evaọ Ọgwa Uvie. — Uruemu ezi gbe adhẹẹ odidi i re fiobọhọ gaga!