Rri Usu nọ Who Wo Kugbe Jihova Ghaghae

Mai Isẹri Jihova ma wo obọdẹ uvẹ-ọghọ ulogbo jọ. Fikinọ ma rọ oma mudhe jẹ họ-ame no, ma wo emamọ usu kugbe Jihova, Olori nọ Ọ Mai Kpehru na. Ọ rọ ẹkwoma Ọmọ riẹ si omai kẹle omariẹ. (Jọ 6:44) Ọ rẹ gaviezọ kẹ elẹ mai.​—Ol 34:15.

Eme ma re ru re emamọ usu nọ ma wo kugbe Ọghẹnẹ na o seba ẹraha? Ma rẹ whaha oghẹrẹ uzioraha nọ ahwo Izrẹl a raha. Nọ a nwane re ọvọ kugbe Jihova no inọ ọye ọvo a rẹ gọ, u kri hi, a te ru ọmọ-eruẹ igoru je mu edhọ họ ẹgọ. (Ọny 32:7, 8; 1Kọ 10:7, 11, 14) Ma sae nọ omamai nọ: ‘Eme mẹ be hai ru nọ mẹ tẹ rẹriẹ ovao dhe odawọ? Kọ eware nọ me bi ru i bi dhesẹ nọ me rri usu nọ me wo kugbe Jihova ghaghae?’ Uyoyou udidi nọ ma wo kẹ Ọsẹ obọ odhiwu mai, u re fiobọhọ kẹ omai kẹnoma kẹ eware nọ o mukpahe.​—Ol 97:10.

WHA RRI IVIDIO NA SẸRO USU NỌ WHO WO KUGBE JIHOVA (KỌL 3:5), KẸSENA WHA VẸ KIYO ENỌ NANA:

• Eme họ uvou-uthei?

• Fikieme ma rẹ rọ whaha uvou-uthei gbe ẹdhọgọ?

• Oghẹrẹ vẹ ẹnwae-obro avọ ẹdhọgọ i ro thoma?

• Fikieme o rọ gwọlọ nọ ahwo nọ a wo ewha-iruo evaọ ukoko na a rẹ rẹrote ẹgwọlọ ọrivẹ-orọo rai ziezi?