UZUAZỌ OLELEIKRISTI
Jọ U Mu Owhẹ Ẹro Inọ Jihova O You Owhẹ Gaga
Whọ rrọ ghaghae evaọ aro Jihova. (Aiz 43:4) Jihova o ru nọ who ro wo emamọ usu kugbei jẹ rrọ ukoko riẹ. Nọ whọ roma mudhe jẹ họ-ame no na, Jihova o wo owhẹ. Eware e tẹ make rrọ gaga dede, ọ te rẹrote owhẹ wọhọ okwakwa obọdẹ riẹ. Ọ te rọ ẹkwoma ukoko riẹ dhesẹ uyoyou nọ o rẹ hiẹ hẹ kẹ owhẹ.—Ol 25:10.
Nọ ma te roro kpahe oghẹrẹ nọ ukoko Jihova o be rọ dhogbo bru inievo nọ eware okpẹtu e via kẹ, u re ru nọ ma re ro yere Jihova rọkẹ uyoyou nọ o rẹ hiẹ hẹ nọ o bi dhesẹ kẹ omai.
WHA RRI IVIDIO NA IYẸRẸ 2019 NỌ I NO OBỌ OGBẸGWAE OTU ẸRUỌSA ZE, KẸSENA WHA VẸ KIYO ENỌ NANA:
Oghẹrẹ vẹ Ogbẹgwae Otu Ẹruọsa na o rọ ruẹrẹ iwou ogha nọ e rrọ akpọ na soso họ re a sae dhogbo nọ oware okpẹtu o tẹ via?
Oghẹrẹ vẹ ukoko Jihova u ro fiobọhọ kẹ inievo mai nọ e rrọ obọ Indonesia gbe Nigeria, jẹ vuẹ ae oware nọ a re ru nọ oware okpẹtu o via?
Eme o were owhẹ evaọ oghẹrẹ nọ ukoko Jihova o rọ jowọ kpata kpata nọ ẹyao COVID-19 na o du lawhe?