UZUAZỌ OLELEIKRISTI
Epanọ Whọ Sai ro Fievahọ Ẹme Ọghẹnẹ Vi Epaọ Anwẹdẹ
Ẹme Ọghẹnẹ ọ rẹ sai nwene uzuazọ mai. (Hib 4:12) Rekọ re ehrẹ gbe ekpọvio nọ e rrọ Ebaibol na e sai fiobọhọ kẹ omai, u re mu omai ẹro ziezi inọ Ebaibol na yọ “ẹme Ọghẹnẹ.” (1Tẹ 2:13) Ẹvẹ ma sai ro fievahọ Ebaibol na vi epaọ anwẹdẹ?
Hai se Ebaibol na kẹdẹ kẹdẹ. Nọ who bi sei na, muẹrohọ eware nọ i dhesẹ nọ Jihova họ Ọnọ o wo Ebaibol na. Wọhọ oriruo, kiẹ ehrẹ nọ e rrọ obe Itẹ na riwi. Whọ te ruẹ nọ eme areghẹ nọ e rrọ obe Ebaibol yena e rẹ sai fiobọhọ kẹ omai nẹnẹ.—Itẹ 13:20; 14:30.
Mu ekiakiẹ họ. Kiẹ kpahe eware nọ i dhesẹ vevẹ nọ ẹzi Ọghẹnẹ a gine ro kere Ebaibol na. Kpohọ Obe Ekiakiẹ Rọkẹ Isẹri Jihova, whọ te ruẹ uzoẹme na “Ebaibol Na.” Kẹsena whọ vẹ jọ etẹe kpohọ uzoẹme ofa nọ o ta nọ “Ẹgba Ẹzi Ọghẹnẹ A ro Kere iei.” Who te je kpohọ Ẹme-Ofiba A3 ọrọ Ebaibol Efafa Akpọ Ọkpokpọ na, whọ te ruẹ nọ dede nọ Ebaibol na o kri no, eme nọ e riẹe eva i ri nwene he. Onana u ve ti je ru nọ who re ro fievahọ ẹme Ọghẹnẹ ziezi.
WHA RRI IVIDIO NA OWARE NỌ MA RỌ RỌWO . . . ẸME ỌGHẸNẸ, KẸSENA WHA VẸ KIYO ENỌ NANA:
Ẹvẹ eware nọ a kiẹ via evaọ ugbẹhẹ etẹmpol Karnak evaọ obọ Ijipti, i ro dhesẹ nọ eme nọ e rrọ Ebaibol na ginọ eme uzẹme?
Ẹvẹ ma rọ riẹ nọ eme nọ e rrọ Ebaibol na i ri nwene he?
Dede nọ ahwo jọ a jẹ gwọlọ raha Ebaibol na no, ẹvẹ Ebaibol na nọ ọ gbẹ riẹ rite inẹnẹ u ro dhesẹ nọ ẹme Ọghẹnẹ ọ ginẹ rrọ?—Se Aizaya 40:8