Kọ Jesu Họ Ọghẹnẹ Erumeru Na?

Uyo nọ Ebaibol na ọ kẹ

Ewegrẹ Jesu a ta nọ Jesu o je ru oma riẹ ẹrẹrẹe kugbe Ọghẹnẹ. (Jọn 5:18; 10:30-33) Rekọ Jesu ọ ta ẹdẹvo ho inọ avọ Ọghẹnẹ Erumeru na ẹrẹrẹe. Ọ ta nọ: ‘Ọsẹ na ọ rro vi omẹ.’—Jọn 14:28.

Ilele Jesu a rri rie nọ avọ Ọghẹnẹ Erumeru na ẹrẹrẹe he. Wọhọ oriruo, Pọl ukọ na ọ ta nọ, nọ Jesu ọ kparoma no uwhu ze no, Ọghẹnẹ ọ tẹ kpare iẹe “kpo-ehru gaga.” O rrọ vevẹ nọ Pọl ọ rọwo nọ Jesu họ Ọghẹnẹ Erumeru na ha. O hae jọnọ Jesu họ Ọghẹnẹ Erumeru na, ẹvẹ Ọghẹnẹ ọ rẹ rọ kpare Jesu kpehru?—Ahwo Filipai 2:9.