UWOU-EBE ITANẸTE Uwou-Eroro
UWOU-EBE ITANẸTE
Uwou-Eroro
Isoko
Ọ
  • Ẹ
  • ẹ
  • Ọ
  • ọ
  • EBAIBOL
  • EBE GBE EWARE EFA
  • IWUHRẸ
  • T-14 ẹwẹ. 2-6
  • Eme Isẹri Jihova A Rọwo?

Ọnana o wo ividio ho.

Eva e dha owhẹ hẹ, ividio na ọ rọwo kporo ho.

  • Eme Isẹri Jihova A Rọwo?
  • Eme Isẹri Jihova A Rọwo?
  • Izoẹme-Esese
  • Onọ O Wọhọ E Riẹ
  • Ebaibol na, Jesu Kristi, gbe Ọghẹnẹ
  • Uvie Ọghẹnẹ
  • Ẹruore kẹ Obaro Na
  • Eme Họ Uvie Ọghẹnẹ?
    Eme Ebaibol na O Gine Wuhrẹ?
  • Kọ Wha Rọwo Jesu?
    Enọ nọ Ahwo A rẹ Nọ Kẹse Kẹse Kpahe Isẹri Jihova
  • Eme Họ Uvie Ọghẹnẹ?
    Eme Ebaibol na Ọ rẹ Sai Wuhrẹ Omai?
  • Ovuẹ Nọ Ma Re Whowho Hrọ
    Wo Erere No Ewuhrẹ Ọ Isukulu Odibọgba Esuo-Ọghẹnẹ Ze
Ruẹ Efa
Eme Isẹri Jihova A Rọwo?
T-14 ẹwẹ. 2-6

Eme Isẹri Jihova A Rọwo?

“Ma guọlọ re ma yo o rọ unu ra; epanọ iroro ra e rọ, keme orọ otu ọnana, ma riẹ nọ koria koria a jẹ rọ ẹme oyoma riẹ ẹta.” (Iruẹru 28:22) Isu okogho erọ Rom ọ ikpe-udhusoi ọsosuọ enana a fi emamọ oriruo h’otọ. A gwọlọ yo no ehri na ze, viukpenọ a re yo no obọ egba-avro obọ otafe ọvo ze.

Epọvo na re, ẹsibuobu a rẹ t’ẹme wọso Isẹri Jihova nẹnẹ, yọ o rẹ jọ ororothọ re a rẹro nọ a rẹ riẹ uzẹme na kpahe ae rono obọ ahwo nọ a wo omukpahe ze. Fikiere eva e were omai re ma dhesẹ igogo ẹrọwọ mai k’owhẹ.

Ebaibol na, Jesu Kristi, gbe Ọghẹnẹ

Ma rọwo nnọ “Ọghẹnẹ o gie ẹwolo ku ikerakere na kpobi, re e jọ erere.” (2 Timoti 3:16) Yọ dede nọ ahwo jọ a ta nọ mai ghinọ Ileleikristi hi, onana o rrọ uzẹme he. Ma rọwo kugbe isẹri Pita ukọ na kpahe Jesu Kristi: “Odẹ ofa o gbẹrọ otọ akpọ na nọ a rẹ sai ro siwi omai hi.”—Iruẹru 4:12.

Dede na, nọ Jesu ọ ta nọ ọye yọ “Ọmọ Ọghẹnẹ” gbe nnọ ‘Ọsẹ na o vi omẹ’ ze na, Isẹri Jihova a rọwo nnọ Ọghẹnẹ ọ rro vi Jesu. (Jọn 10:36; 6:57) Jesu omariẹ ọ ta nnọ: “Ọsẹ [na ọ rro] vi omẹ.” (Jọn 14:28; 8:28) Fikiere ma rọwo ho inọ Jesu avọ Ọsẹ na a rrọ ẹrẹrẹe, wọhọ epanọ uwuhrẹ Esanerọvo o ta na. Ukpoye, ma rọwo nnọ Ọghẹnẹ ọ ma riẹ gbe nnọ o kpotọ vi Ie.—Ahwo Kọlọsi 1:15; 1 Ahwo Kọrint 11:3.

Evaọ ẹvẹrẹ Isoko, odẹ Ọghẹnẹ họ Jihova. Ebaibol na ọ ta nọ: “Whẹ, ọye ọvo nọ odẹ riẹ o rrọ JIHOVA, họ ọnọ ọ mai kpehru vi akpọ na kpobi.” (Olezi 83:18, King James Version) Evaọ ẹnya lele ewhowho ọnana, Jesu o fiẹgba ologbo họ odẹ Ọghẹnẹ, o te wuhrẹ ilele riẹ re a lẹ nọ: “Ọsẹ mai nọ ọ rọ obọ odhiwu, odẹ ra ojọ ọrẹri.” Yọ ọye omariẹ ọ lẹ se Ọghẹnẹ nọ: “[Me] dhesẹ odẹ ra kẹ ahwo nọ whọ kẹ omẹ evaọ akpọ na no.”—Matiu 6:9; Jọn 17:6.

Isẹri Jihova a rọwo nọ u fo re a jọ wọhọ Jesu evaọ edhesẹvia odẹ gbe ẹjiroro Ọghẹnẹ k’amọfa. Fikiere ma rehọ odẹ na Isẹri Jihova fikinọ ma be raro kele Jesu, ‘Osẹri Uzẹme na.’ (Eviavia 1:5; 3:14) Nwani fo, Aizaya 43:10 o ta kẹ ahwo ẹro Ọghẹnẹ nọ: “ ‘Whai họ isẹri mẹ,’ ere ỌNOWO na ọ tae, ‘gbe odibo mẹ nọ omẹ sanọ.’ ”

Uvie Ọghẹnẹ

Jesu o wuhrẹ ilele riẹ re a lẹ nọ, “Uvie ra oze,” o te je ru Uvie oyena fihọ uzoẹme ulogbo orọ ewuhrẹ riẹ. (Matiu 6:10; Luk 4:43) Isẹri Jihova a rọwo nnọ Uvie na ghinọ egọmeti obọ odhiwu, inọ u ti su otọakpọ na, gbe nnọ Jesu Kristi họ Ovie riẹ nọ a romu nọ a rẹ rọ ẹro ruẹ hẹ. Ebaibol na ọ ta nọ: “Isuẹsu [na e te] jọ obọ riẹ . . . Uvie riẹ o te jọ ruaro, udhedhẹ riẹ o basa ha.”—Aizaya 9:6, 7.

Dede na, orọnikọ Jesu Kristi ọvo ọ te jọ ovie egọmeti Ọghẹnẹ na ha. O ti wo ibe isu buobu nọ e te jọ kugbe ei evaọ obọ odhiwu. Pọl ukọ na o kere nọ: “Ma te thihi-akọ, ma ve ti lele iei re uvie re.” (2 Timoti 2:12) Ebaibol na o dhesẹ nnọ unu ahwo-akpọ nọ a te kpare no uwhu ze re a lele Kristi su evaọ obọ odhiwu o nya ba “idu udhuhrẹ-gbe-ene . . . nọ a ta no obọ otọ akpọ na ze.”—Eviavia 14:1, 3.

Uzẹme, egọmeti kpobi o re wo ahwo nọ a re su hrọ, yọ Isẹri Jihova a rọwo nnọ ima-odu buobu efa u te no isu obọ odhiwu enana no a ti wo uzuazọ ebẹdẹ bẹdẹ. Uwhremu riẹ otọakpọ na, onọ a ti nwene zihe ruọ aparadase owowoma no na, o vẹ te vọ avọ ahwo nọ a rrọ otọ Uvie Ọghẹnẹ, nọ aikpobi a re yoẹme kẹ esuo Kristi avọ ibe isu riẹ na. Fikiere Isẹri Jihova a rọwo nnọ a te raha otọakpọ na vievie he gbe nnọ eyaa Ebaibol na i ti ru gba nnọ: “Ikiẹrẹe e rẹ te rehọ otọ na reuku, a vẹ jẹ ria ae bẹdẹ.”—Olezi 37:29; 104:5.

Rekọ ẹvẹ Uvie Ọghẹnẹ o te rọ tha? Kọ ẹkwoma ahwo kpobi nọ a te rehọ unevaze yoẹme kẹ egọmeti Ọghẹnẹ? Wo ohẹriẹ, Ebaibol o dhesẹ avọ imuẹro inọ ẹtha Uvie na o te gwọlọ oma nọ Ọghẹnẹ o ti duhọ iruẹru otọakpọ: ‘Ọghẹnẹ obọ odhiwu na ọ rẹte rehọ uvie nọ a rẹ raha ha muẹ . . . isuẹsu riẹ . . . ọ rẹte whọlọ ivie na kpobi ọ vẹte rehọ ae ze oba, ọ vẹte jọ bẹdẹ.’—Daniẹl 2:44.

Okevẹ Uvie Ọghẹnẹ o te rọ ze? Rono eruẹaruẹ Ebaibol nọ i bi rugba enẹna ze, Isẹri Jihova a rọwo nnọ o te tha kẹle. Ma zizie owhẹ re who roro kpahe eruẹaruẹ jọ nọ e ta kpahe abọ “edẹ urere” erọ uyero eware umuomu nana. A kere i rai fihotọ eva Matiu 24:3-14; Luk 21:7-13, 25-31; gbe 2 Timoti 3:1-5.

Fikinọ ma ‘you Jihova Ọghẹnẹ mai no udu mai, ẹwẹ, iroro, gbe ẹgba mai kpobi ze, je you ọrivẹ mai wọhọ omobọ mai,’ ma wo ohẹriẹ orẹwho ho, uyẹ, hayo uyero-akpọ. (Mak 12:30, 31) A jọ oria kpobi riẹ omai fiki uyoyou nọ o rrọ udevie inievo Ileleikristi mai nọ a rẹ ruẹ evaọ erẹwho kpobi. (Jọn 13:35; 1 Jọn 3:10-12) Fikiere ma be yọrọ edikihẹ ọ seomaba-edhehọ kpahe iruẹru esuo erẹwho eyena. Ma be daoma re ma jọ wọhọ ilele ọsosuọ Jesu, enọ ọ ta kpahe nọ: “A rọ erọ akpọ na ha, wọhọ epanọ mẹ rọ ọ rọ akpọ na ha.” (Jọn 17:16) Ma rọwo nnọ oma ohẹriẹ no akpọ na u dhesẹ ẹwhaha iruemu ọfariẹ nọ e d’otọfia nẹnẹ na, te ọrue-ọta, ujitho, igberẹ-ibro, ẹnwae-obro, ọzae-duọzae, azẹ nọ a re ro ruiruo thọthọ, ẹdhọgọ, gbe eware itieye efa nọ a jọ Ebaibol na brukpe na.—1 Ahwo Kọrint 6:9-11; Ahwo Ẹfẹsọs 5:3-5; Iruẹru 15:28, 29.

Ẹruore kẹ Obaro Na

Isẹri Jihova a rọwo nnọ uzuazọ mai enẹna evaọ akpọ ọnana họ ukuhọ riẹ kpobi hi. Ma rọwo nnọ Jihova o vi Kristi ze otọakpọ re o ku azẹ uzuazọ riẹ wọhọ ẹtanigbo re ahwo-akpọ a sai wo edikihẹ okiẹrẹe kugbe Ọghẹnẹ je wo uzuazọ ebẹdẹ bẹdẹ evaọ eyero eware ọkpokpọ. Wọhọ epanọ ukọ Jesu jọ ọ ta: “A rehọ azẹ riẹ ru omai fo [no] enẹna.” (Ahwo Rom 5:9; Matiu 20:28) Isẹri Jihova a bi yere Ọghẹnẹ gbe Ọmọ riẹ gaga fiki ọruẹrẹfihọ ẹtanigbo nana nọ o ru uzuazọ obaro lọhọ na.

Isẹri Jihova a wo udufihọ vọvọ kpahe uzuazọ obaro, onọ o roma hwa ẹkparomatha no iwhuowhu ze evaọ otọ Uvie Ọghẹnẹ. Ma rọwo, wọhọ epanọ Ebaibol na o wuhrẹ, inọ okenọ ohwo o te whu yọ uzuazọ uyero riẹ u ghine serihọ no, inọ “evaọ ẹdẹọvo ọyena, oma iruo riẹ kpobi ovẹ raha.” (Olezi 146:3, 4; Izikiẹl 18:4; Ọtausiwoma Na 9:5) Ẹhẹ, uzuazọ obaro rọkẹ ahwo nọ a whu no o roma hwa Ọghẹnẹ nọ ọ rẹ kareghẹhọ ae evaọ ẹkparomatha.—Jọn 5:28, 29.

Dede na, Isẹri Jihova a rọwo nnọ ahwo buobu nọ a be rria nẹnẹ na a te zọ evaọ okenọ Uvie Ọghẹnẹ o tẹ rehọ oba te egọmeti ọ oke onana kpobi na yọ, wọhọ epanọ Noa gbe uviuwou riẹ a zọ vrẹ Ẹvo na, a te rria haro re a reawere uzuazọ ebẹdẹ bẹdẹ evaọ otọakpọ nọ a ru fo no. (Matiu 24:36-39; 2 Pita 3:5-7, 13) Rekọ ma rọwo nnọ azọ ọ roma hwa ẹnyate itee Jihova, wọhọ epanọ Ebaibol ọ ta na: ‘Akpọ na . . . ọ te vrẹ, rekọ ohwo nọ o ru oreva Ọghẹnẹ ọ rẹ jọ bẹdẹ.—1 Jọn 2:17; Olezi 37:11; Eviavia 7:9, 13-15; 21:1-5.

O rrọ vevẹ inọ, o lọhọ re ma fodẹ eware kpobi nọ Isẹri Jihova a rọwo evaọ etenẹ hẹ, rekọ ma zizie owhẹ re who wo evuẹ efa t’obọ.

Ajokpanọ a dhesẹ ofa jọ, a rehọ isase ọ Ebaibol na kpobi no Ebaibol Ẹri Na ze.

[Ẹme nọ a fi ẹgba họ nọ ọ rrọ ẹwẹ-obe avọ 4]

Ma rehọ odẹ na Isẹri Jihova fikinọ ma be raro kele Jesu

    Ebe Isoko Kpobi (1992-2025)
    Noi No
    Rueva
    • Isoko
    • Vi Ei Se Omọfa
    • Ru Ei Fihọ Oghẹrẹ nọ O Were Owhẹ
    • Copyright © 2025 Watch Tower Bible and Tract Society of Pennsylvania
    • Izi Kpahe Eroruiruo Evuẹ Na
    • Izi Oria Evuẹ Omobọ Ra
    • Esẹtini Oria Evuẹ Omobọ Ra
    • JW.ORG
    • Rueva
    Vi Ei Se Omọfa