Uwuhrẹ 9

Idibo Ọghẹnẹ E rẹ jọ Fuafo Hrọ

Fikieme ma jẹ jọ fuafo evaọ oghẹrẹ kpobi? (1)

Eme u dhesẹ re a jọ fuafo evaọ ẹzi? (2)

fuafo evaọ uruemu? (3) fuafo evaọ iroro? (4) fuafo evaọ ugboma? (5)

Didi oghẹrẹ ẹme-unu igbegbe ma rẹ whaha? (6)

1. Jihova Ọghẹnẹ ọ rọ fuafo jẹ rọ ọrẹri. Ọ gwọlọ nọ enọ e be gọe a rẹ jọ fuafo—evaọ ẹzi, uruemu, iroro, gbe ugboma. (1 Pita 1:16) O gwọlọ omodawọ gaga re ohwo ọ jọ fuafo evaọ aro Ọghẹnẹ. Ma be rria evaọ akpọ ogbegbe. Ma te je wo ohọre mukpahe isiuru omobọ mai ọrọ eyoma oruo. Rekọ jọ oma o r’omai vievie he.

2. Ẹfuọ Ẹzi: Otẹrọnọ ma gwọlọ gọ Jihova, ma rẹ gbẹ dada abọ mu iwuhrẹ hayo iruemu egagọ erue he. Ma re sioma no egagọ erue ma re gbe fiobọhọ kẹe evaọ edhere ọvo ho. (2 Ahwo Kọrint 6:14-18; Eviavia 18:4) Ma tẹ nwani wuhrẹ uzẹme na kpahe Ọghẹnẹ no, ma rẹ sẹro oma mai re ahwo nọ a re wuhrẹ erue a siọ omai ba esu thọ.—2 Jọn 10, 11.

3. Ẹfuọ Uruemu: Jihova ọ gwọlọ nọ enọ e be gọe a dhesẹ uruemu Ileleikristi uzẹme eva oke kpobi. (1 Pita 2:12) Ọ rẹ ruẹ eware kpobi nọ ma bi ru, makọ evaọ edidi. (Ahwo Hibru 4:13) Ma rẹ whaha ọfariẹ-ogbe gbe iruemu igbegbe efa akpọ ọnana.—1 Ahwo Kọrint 6:9-11.

4. Ẹfuọ Iroro: Ma tẹ rehọ iroro efuafo, iroro nọ e kare epe vọ eva mai, uruemu mai o rẹ jọ fuafo re. (Ahwo Filipai 4:8) Rekọ ma tẹ be hai roro kpahe eware igbegbe, o te wha iruẹru imuomu ze. (Matiu 15:18-20) Ma rẹ whaha arozaha ọ omawere nọ u re gbe iroro mai ku. Ma sae rehọ ẹjiroro ọfuafo vọ eva mai ẹkwoma ewuhrẹ Ẹme Ọghẹnẹ.

5. Ẹfuọ Ugboma: Fikinọ a dikihẹ kẹ Ọghẹnẹ, Ileleikristi a re ru oma gbe ẹgọ rai fo. Ma rẹ wozẹ abọ mai nọ ma te no inuwou ze, jẹ wozẹ ae taure ma tẹ te re emu hayo nọ ma tẹ be rọ obọ te emu. Who gbe wo emamọ inuwou ho, u fo re whọ tọ isọ họ otọ je nwo ẹkpẹ ruru ai. (Iziewariẹ 23:12, 13) Orufuọ ugboma o rẹ wha omakpokpọ ze. Uwou Oleleikristi o rẹ jọ fuafo tẹtẹtẹ, te obeva gbe otafe riẹ. O re wo ẹhẹriẹ evaọ okegbe na wọhọ uvi oriruo.

6. Ẹfuọ Ẹme-Unu: Idibo Ọghẹnẹ a rẹ ta uzẹme kẹse kẹse. Eterue a te ruọ Uvie Ọghẹnẹ hẹ. (Ahwo Ẹfẹsọs 4:25; Eviavia 21:8) Ileleikristi a rẹ ta eme izuehọ họ. A rẹ gaviezọ kẹ hayo ta ogbẹta hayo ikuigbe igbegbe he. Fiki ẹfuọ ẹme-unu rai, a rẹ jọ oghẹrẹsa wọhọ ahwo nọ a wo ohẹriẹ evaọ oria iruo evaọ isukulu gbe okogho-ẹria rai.—Ahwo Ẹfẹsọs 4:29, 31; 5:3.

[Pictures on page 18, 19]

Idibo Ọghẹnẹ a rẹ jọ fuafo evaọ oghẹrẹ kpobi