UWUHRẸ AVỌ 14

Egbẹnyusu Ọghẹnẹ A Rẹ Whaha Oware Uyoma

Setan ọ rẹ dawo ahwo re a ru eware iyoma. Ohwo nọ ọ gwọlọ jọ ogbẹnyusu Ọghẹnẹ o re mukpahe oware nọ Jihova o mukpahe. (Olezi 97:10) Eware jọ nọ egbẹnyusu Ọghẹnẹ a rẹ whaha ena:

Uzioraha ọ owezẹ ọzae avọ aye. “Who bruẹnwae he.” (Ọnyano 20:14) Owezẹ kugbe ọmọtẹ hayo ọmọzae re a tẹ te rọo yọ oware othọthọ re.—1 Ahwo Kọrint 6:18.

Usu eware jọ nọ Jihova o mukpahe họ, enwae-obro, idi nọ a rẹ da vrẹ oma, eva-ekparọ, ujitho, ọrueta, ofu-ọkpoo, gbe edhọ-ifio gambling

Ọgba-edada. “Egbidi . . . e rẹ sae reuku uvie Ọghẹnẹ hẹ.”—1 Ahwo Kọrint 6:10.

Ohwo-okpe, Eva-ekparọ. “Who kpe ohwo ho.”—Ọnyano 20:13.

Uji. “Who tho uji hi.”—Ọnyano 20:15.

Erueta. Jihova o mukpahe “ọrue-ọta.”—Itẹ 6:17.

Ozighi gbe Ofu-ọkpoo. “[Jihova] o mukpahe ọnọ o you igbruku.” (Olezi 11:5) “Iruo uwo [jọ họ] . . . ofuomuo.”—Ahwo Galesha 5:19, 20.

Edhọ-ifio. ‘Wha sioma no ahwo nọ a re theuvou.’—1 Ahwo Kọrint 5:11.

Omukpahe Uyẹ gbe Orua. “[Wha] you ewegrẹ rai, lẹ kẹ enọ e be kẹ owhai uye.”—Matiu 5:43, 44.

Eware nọ Ọghẹnẹ ọ ta k’omai e rrọ kẹ ewoma mai. Re a whaha oware uyoma uruo o rẹ lọhọ ẹsikpobi hi. Ẹkwoma obufihọ Jihova gbe ẹkwoma obufihọ Isẹri riẹ, whọ rẹ sae whaha eruo eware nọ e rẹ dha Ọghẹnẹ eva.—Aizaya 48:17; Ahwo Filipai 4:13; Ahwo Hibru 10:24, 25.