ABỌ AVỌ 7

Ono Họ Jesu?

Jihova o vi Jesu ziọ otọakpọ. 1 Jọn 4:9

Jesu nọ ọ rrọ obọze Ọghẹnẹ evaọ obọ odhiwu

Ma tẹ gwọlọ ru Jihova eva were, o gba omai họ nọ ma rẹ gaviezọ kẹ omọfa jọ nọ o wuzou gaga. Taure Jihova ọ tẹ te ma Adamu, Ọ ma omama ẹzi ologbo jọ evaọ obọ odhiwu.

Meri evaọ okenọ o di eva Jesu họ gbe okenọ o yẹ no

Nọ oke jọ u te, Jihova o te vi omama ẹzi nana fihọ eva ọmọtẹ-kọkọ jọ nọ a re se Meri re o yẹe evaọ Bẹtlẹhẹm. A te se odẹ ọmọ na Jesu.—Jọn 6:38.

Nọ ọ jọ otọakpọ, Jesu ọ rehọ uruemu riẹ dhesẹ iruemu-aghae Ọghẹnẹ via gbagba. Ọ jọ wowou, yoyou, yọ o je se ahwo gboma. O wuhrẹ ahwo uzẹme na kpahe Jihova ababọ ozọ.

Jesu o ru ewoma rekọ ahwo a mukpahe iẹe. 1 Pita 2:21-24

Jesu ọ kpare ọmọtẹ jọ nọ o whu no ze, je siwi ọzae jọ nọ ọ be mọ

Isu egagọ na a mukpahe Jesu fikinọ ọ jẹ fere iwuhrẹ erue rai gbe idhere imuomu rai via.

Jesu o te je siwi enọ e jẹ mọ, jẹ kpare ahwo jọ nọ a whu ziọ uzuazọ.

Isu egagọ na a ru nọ ahwo Rom a rọ lahiẹ Jesu je kpei.