Jọ Wowou

Oware nọ Jesu O Ru

IVIDIO: Jesu O Siwi Ọzae Jọ nọ O Tuaro

1. Rri IVIDIO na, hayo se Jọn 9:1-7. Kẹsena whọ vẹ kẹ iyo enọ nọ e rrọ obotọ na:

1. Eme Jesu ọ kaki ru, kọ usi uwoma ọ kake ta kẹ ọzae nọ o tuaro na manikọ esiwo o siwi rie?—Rri Jọn 9:35-38.

2. Eme who roro nọ o mae lẹliẹ ọzae na gaviezọ kẹ Jesu?

Eme Ma Wuhrẹ Mi Jesu?

2. Nọ ohwo ọ tẹ ruẹ nọ ma be daezọ riẹ, ẹsiẹe ọ te mae rọ gaviezọ kẹ ovuẹ mai.

Rọ Aro Kele Jesu

3. Roro kẹ ohwo na. Daoma roro kpahe oghẹrẹ nọ eware e rrọ kẹ ohwo na.

1. Nọ omara nọ: ‘Eme o rẹ sae jọ nọ ọ be ruawa kpahe? Eme o sai fiobọhọ kẹe jẹ te were iẹe?’ Who te roro kpahe enọ yena, u ti fiobọhọ kẹ owhẹ dhesẹ uwowou nọ u no obọ otọ eva ze.

2. Gaviezọ kẹe re whọ rọ ere dhesẹ nọ who se ẹme nọ ọ be ta na gboja. Ohwo ọ tẹ vuẹ owhẹ epanọ eware e rrọ kẹe, hayo ẹbẹbẹ jọ nọ o wo, whọ ta ẹme ọfa ruru ẹme na no ho.

4. Ta eme nọ e rrọ wowou avọ adhẹẹ. Who te wo ọdawẹ kẹ ohwo na jẹ ginẹ gwọlọ fiobọhọ kẹe, u ti dhesẹ oma via evaọ oghẹrẹ nọ whọ rẹ rọ ta ẹme kẹe. Ma ẹme ra te ziezi jẹ riẹ oghẹrẹ nọ whọ rẹ rọ tae, whọ ta eme nọ e rẹ lẹliẹ ofu mu ohwo ho.

5. Fiobọhọ kẹ ohwo na. Hai muẹrohotọ re whọ ruẹ oghẹrẹ nọ whọ sai ro fiobọhọ kẹ ohwo na. Nọ who te ru oware jọ ro fiobọhọ kẹ ohwo, o sae lẹliẹe gaviezọ kẹ owhẹ.