Ta Kpahe Eware nọ E rẹ Were Amọfa

Oware nọ Jesu O Ru

IVIDIO: Okenọ Jesu O je Lele Aye na Ta Ẹme Evaọ Akotọ Oza

1. Rri IVIDIO na, hayo se Jọn 4:6-9. Kẹsena whọ vẹ kẹ iyo enọ nọ e rrọ obotọ na:

1. Eme Jesu o muẹrohọ kpahe aye na taure o te ti mu ẹme họ ẹta kẹe?

2. Jesu ọ ta kẹe nọ: “Kẹ omẹ ame re mẹ da.” Fikieme oghẹrẹ nọ o ro mu ẹme na họ na u ro woma gaga?

Eme Ma Wuhrẹ Mi Jesu?

2. Ma tẹ rọ eware nọ e rẹ were ohwo nọ ma bi lele ta ẹme ro muhọ, ẹsiẹe ọ te mae rọ gaviezọ kẹ omai.

Rọ Aro Kele Jesu

3. Hai nwene oghẹrẹ nọ who re ro mu ẹme họ. Orọnikọ ẹme nọ whọ ruẹrẹhọ no obọ uwou ze ọvo who re ro mu ẹme họ kugbe ahwo ho. Daoma rọ oware nọ amọfa a bi roro kpahe evaọ ẹdẹ yena ro mu ẹme ra họ. Nọ omara nọ:

1. ‘Eme a be ta kpahe evaọ ebe-usi, iredio, etẹlẹvishọno, gbe itanẹte?’

2. ‘Eme ahwo nọ ma gbẹ rrọ oria, ahwo iruo mẹ, hayo emọ-eklase mẹ a be ta kpahe?’

4. Muẹrohotọ. Nọ omara nọ:

1. ‘Eme ohwo na o bi ru obọnana? Eme o sae jọ nọ o bi roro kpahe?’

2. ‘Eme iwu nọ ohwo na o kuhọ, oghẹrẹ nọ ọ rrọ, hayo uwou riẹ i dhesẹ kpahe egagọ nọ ọ rrọ hayo ẹwho nọ o no ze?’

3. ‘Kọ ohwo na ọ te rọwo gaviezọ nọ mẹ tẹ ta ẹme kẹe evaọ oke nana?’

5. Gaviezọ.

1. Whọ ta ẹme bu hrọ họ.

2. Tuduhọ ohwo na awọ re ọ ta oware nọ o riẹe eva. Nọ u te kiehọ, nọe enọ.