Epanọ Ma Sai ro Wo Onaa Ziezi Evaọ Usiuwoma Ota​—Kaki Lele Ei Gbimiku Sọ Whọ Sae Ta Usiuwoma

Jesu ọ sae ta usiuwoma kẹ aye Sameria na evaọ oke gheghe fikinọ ọ jẹ kaki lele ei gbiku. Ẹvẹ ma gbẹ sae rọ riẹ epanọ ma re ro lele ahwo nọ ma riẹ hẹ gbiku re ma sae ta usiuwoma kẹ ai?

• Jọ whẹtiẹ whẹtiẹ re who je lele ahwo ta ẹme. Makinọ oma o rrọ Jesu no, o mu ẹme họ nọ ọ vuẹ aye na nọ ọ kẹe ame. Fikiere, whọ sai yere ahwo jaka jaka jẹ ta ẹme jọ kpahe ovao ehru na, hayo oware jọ nọ o via kẹle ro mu ẹme họ. Kareghẹhọ nọ, oware nọ whọ gwọlọ kaki le te obọ họ re who lele ohwo na ta ẹme tao, fikiere ta ẹme kpahe uzoẹme kpobi nọ who roro nọ o te were ohwo na. Ọ gbẹ make kpunu hu, u si ẹkẹ no owhẹ oma ha. Dao omọfa. Lẹ re Jihova ọ kẹ owhẹ udu.​—Neh 2:4; Iru 4:29.

• Fiẹrohọ otọ re whọ riẹ oria nọ who je mu usiuwoma họ ẹta, rekọ who bru okpakpa ha. Wha thakpi gbimiku rai họ aro ọvo. Whọ tẹ nwane laruọ usiuwoma, ẹsejọhọ o te were iẹe he, ọ vẹ faunu riẹ. Otẹrọnọ ẹme rai o gbe su kpohọ usiuwoma ota taure o te ti kuhọ họ, u dhe owhẹ ọvẹ hẹ. Otẹrọnọ oghẹrẹ nọ who re ro nwene ẹme na kpohọ usiuwoma ota o rẹ bẹ owhẹ, kaki wuhrẹ epanọ a re lele ohwo gbimiku ababọ usiuwoma nọ whọ rẹ ta kẹe. [Kporo jẹ ta kpahe ividio 1.]

• Daoma ru uvẹ nọ who re ro dhunu te oware jọ nọ whọ rọwo re u ru ohwo nọ whọ be ta ẹme kẹ na nọ owhẹ onọ kpahe iẹe. Jesu ọ ta ẹme jọ fihọ otọ rọ gwọlọ unu aye na, ọ tẹ nọ Jesu enọ. Uwhremu na nọ o mu usiuwoma họ ẹta, kọ iyo enọ aye na ọ jẹ kẹ. [Kporo jẹ ta kpahe ividio 2, kẹsena who ve kporo jẹ ta kpahe ividio 3.]