Gudu

Oware nọ Ebaibol ọ ta: “Ma rọ ẹkwoma Ọghẹnẹ mai gudu nọ ma ro whowho usi uwoma Ọghẹnẹ kẹ owhai.”—1 Tẹs. 2:2.

Oware nọ Jesu O Ru

Jesu nọ ọ be ta kẹ Zakiọs nọ o nwrotọ no ehru ure ze, yọ onana u gbe ahwo jọ nọ a jọ etẹe unu.

IVIDIO: Jesu Ọ be Ta Usi Uwoma kẹ Zakiọs

1. Rri IVIDIO na, hayo se Luk 19:1-7. Kẹsena whọ vẹ kẹ iyo enọ nọ e rrọ obotọ na:

Eme o sae jọ nọ o jẹ lẹliẹ ahwo jọ kẹnoma kẹ Zakiọs?
Eme o lẹliẹ Jesu ta usi uwoma na kẹe ghele?

Eme Ma Wuhrẹ Mi Jesu?

2. O gwọlọ nọ ma rẹ gudu re ma sae ta usi uwoma Uvie na kẹ oghẹrẹ ahwo kpobi.

Rọ Aro Kele Jesu

3. Rẹroso Jihova. Ẹzi Ọghẹnẹ ọ kẹ Jesu ẹgba nọ ọ rọ ta usi uwoma, yọ ọ sae kẹ owhẹ ẹgba re. (Mat. 10:19, 20; Luk 4:18) Lẹ se Jihova re o fiobọhọ kẹ owhẹ gudu, re whọ sae ta usi uwoma kẹ ahwo nọ ozọ rai u bi mu owhẹ.—Iruẹru 4:29.

4. Whọ rọ ekpehre ubiẹro rri ohwo ọvo ho. Ẹsejọ nọ ma tẹ ruẹ oghẹrẹ nọ ahwo jọ a rrọ, oghẹrẹ nọ a riẹ rai odẹ te hayo wo ugho te, oghẹrẹ uzuazọ nọ a bi yeri, hayo egagọ nọ a rrọ, o sae jọ bẹbẹ re ma ta usi uwoma kẹ ae. Rekọ kareghẹhọ nọ:

Jihova avọ Jesu a sae riẹ oware nọ o rrọ udu ahwo, rekọ ma sae riẹe he.
Jihova ọ sae re ohrọ oghẹrẹ ohwo kpobi.

5. Gudu, rekọ ru ere avọ areghẹ jẹ yọroma. (Mat. 10:16) Who lele ahwo vro avro ho. Whọ tẹ ruẹ nọ ohwo na ọ gwọlọ gaviezọ kẹ usi uwoma na ha, hayo ọ be gwọlọ ru ozighi, rọ areghẹ ku ẹme na họ, whọ vẹ nyasiọ iẹe ba.—Itẹ 17:14.

JE RRI

Iruẹru 4:31; Ẹf. 6:19, 20; 2 Tim. 1:7