OZIHEBRO
UWUHRẸ AVỌ 7
Gbẹ Daoma Fiobọhọ kẹ Ahwo
Oware nọ Ebaibol ọ ta: “A ruabọhọ je wuhrẹ ahwo ababọ eriosehọ je whowho usi uwoma na.”—Iruẹru 5:42.
Oware nọ Pọl O Ru
1. Rri IVIDIO na, hayo se Iruẹru Ikọ 19:8-10. Kẹsena whọ vẹ kẹ iyo enọ nọ e rrọ obotọ na:
Makọ evaọ okenọ ahwo jọ a wọso Pọl, eme o ru gbe ro fiobọhọ kẹ ahwo nọ a gwọlọ gaviezọ?
Ẹvẹ Pọl o zihe bru ahwo nọ a gwọlọ gaviezọ kẹe na kpekpe te, kọ ẹvẹ o ru ere kri te?
Eme Ma Wuhrẹ Mi Pọl?
2. O gwọlọ oke gbe omodawọ mi omai re ma sai zihe bru ahwo je mu Ebaibol họ ewuhrẹ kugbe ae.
Rọ Aro Kele Pọl
3. Zihe bru ohwo na evaọ oke nọ o te mai kiehọ kẹe. Nọ omara nọ: ‘Oke vẹ o te mai kiehọ ohwo na oma? Diẹse ọ te mae jọ gaviezọ kẹ omẹ?’ Daoma zihe bru ohwo na o tẹ make rọnọ oke na u kiehọ kẹ owhẹ hẹ.
4. Wha fi oke nọ wha te rọ wariẹ ta ẹme họ. Oke kpobi nọ whẹ avọ ohwo na wha tẹ ta ẹme no, nọe ugogo oke nọ ọ gwọlọ nọ wha rọ wariẹ ta ẹme. Daoma zihe bru ei evaọ oke gbe oria nọ wha fihọ.
5. Gbe rẹro ewoma. Nọ who gbe bi di ohwo họ uwou ẹsikpobi hi, hayo nọ o gbe bi wo uvẹ tere he, whọ nwani roro nọ ọ gwọlọ gaviezọ họ họ. (1 Kọr. 13:4, 7) Ukpoye, gbẹ hae nyabru ohwo na, rekọ daoma rọ oke ra ruiruo avọ areghẹ.—1 Kọr. 9:26.